എന്‍റെ കൊച്ചു കൊച്ചു വിശേഷങ്ങള്‍

ഒരു ദിവസം നാസയിലും ...

2011-12-24T14:08:00.000-08:00

അമേരിക്കയിലേക്ക്‌ ,കൂടുമാറിയപ്പോള്‍ യാത്ര കള്‍ കുറഞ്ഞു .ഓരോ സ്ഥലത്തേക്കും എത്തിപ്പെടാനുള്ള ദൂരം ഓര്‍ക്കുമ്പോള്‍ യാത്രകള്‍ ഒഴിവാക്കും .എന്നാലും ചില യാത്രകള്‍ മാറ്റി വയ്ക്കാതെ ,അവിടേക്ക് പോകാന്‍ തന്നെ തീരുമാനിച്ചു,അങ്ങനെ, ലേബര്‍ ഡേയുടെ അവധി പ്രമാണിച്ച് .ഇവിടെ നിന്നും നാല് മണിക്കൂര്‍ യാത്ര ചെയ്ത് ഹൂസ്ടന്( Houston ) വരെ പോയി .അവിടെ വരെ യാത്ര ചെയ്തതിനുള്ള പ്രധാന കാരണം നാസ( Nasa ) കാണുക എന്നുള്ളത് മാത്രം .കുട്ടികളെ ക്കാളും നാസ കാണാനുള്ള തിടുക്കം എനിക്കും ഷമിനും ആയിരുന്നു .രാവിലെ പത്ത് മണിയോടെ ഞങള്‍ നാസയില്‍ എത്തി .ഒരു ദിവസം മുഴുവന്‍ അവിടെ ചിലവഴിക്കേണ്ടി വരും എന്ന് നേരത്തേ വായിച്ചിരുന്നു .ടിക്കറ്റ്‌ ഓണ്‍ലൈന്‍ എടുത്തത്‌ കാരണം അവിടെ ക്യൂ നില്‍ക്കേണ്ടി വന്നില്ല . നാസയുടെ മുന്‍പില്‍ എത്തിയപ്പോള്‍ കാര്‍ പാര്‍ക്കിംഗ് നുള്ള അഞ്ച് ഡോളര്‍ കൊടുക്കണം എന്നറിഞ്ഞത് .അകത്തേക്ക് കടക്കുന്നതിന് മുന്‍പ് സുരക്ഷാ പരിശോധന കഴിഞ്ഞപ്പോള്‍ ബാഗില്‍ ഉണ്ടായിരുന്ന ഭക്ഷണം എല്ലാം എടുത്ത്‌ മാറ്റാന്‍ പറഞ്ഞു . പിള്ളേര്‍ക്ക് കഴിക്കാന്‍ വേണ്ടി കൊണ്ടു വന്നതെല്ലാം തിരിച്ച് കാറില്‍ കൊണ്ട് പോയി വയ്ക്കേണ്ടി വന്നു.

നാസയുടെ ,അകത്തേക്ക് കടന്നപ്പോള്‍ ആദ്യം കാണുന്നത്കു ട്ടികള്‍ക്ക് കളിക്കാനുള്ള സ്ഥലം ആയിരുന്നു .അവിടെ കൊച്ചു കുട്ടികള്‍ ഓടിനടക്കുന്നു വലത്തോട്ട് തിരിഞ്ഞപ്പോള്‍ സ്റ്റാര്‍ ഷിപ്പ് ഗാലറി എന്ന് എഴുതി വച്ചിരിക്കുന്നത് കണ്ടു .അതിനകത്ത് കയറി നോക്കാം എന്ന് വിചാരിച്ച് എല്ലാവരും കൂടി അങ്ങോട്ട്‌ നടക്കുന്നതിനിടയില്‍ മുകളിലായി ,ചന്ദ്ര പേടകത്തിന്റെ,lunar module ന്‍റെ പൂര്‍ണകായ രൂപം !മനുഷ്യന്‍ ചന്ദ്രനില്‍ ഇറങ്ങിയ ആ പേടകം ഒരു നിമിഷം അതിശയത്തോടെ നോക്കി നില്‍ക്കുമ്പോള്‍ ,പുറകില്‍ നിന്നും വരുന്ന ആളുകളുടെ ക്ഷമാപണം കേട്ടത് കൊണ്ട് ,അതിനടിയില്‍നിന്നും കുറച്ച് മാറി നില്‍ക്കേണ്ടി വന്നു . ആ പേടകത്തിനുള്ളില്‍ ഇരിക്കുന്ന ബഹിരാകാശ സഞ്ചാരികളെയും കാണാന്‍ കഴിഞ്ഞു .അതിന് താഴെ നിന്നു ഫോട്ടോ കള്‍എടുത്ത്‌ സ്റ്റാര്‍ ഷിപ്പ് ഗാലറി കാണാന്‍ കയറി .

ഡോകുമെന്ററി പോലെ കുറച്ചു നേരംഅമേരിക്കയുടെ, ബഹിരാകാശ ഗവേഷണത്തിന്റെ യും ,നാസ യുടെയും ചരിത്രത്തിലേക്ക് ഒരു എത്തി നോട്ടം .അതായിരുന്നു അതിനകത്ത് കാണിച്ചത്. അമേരിക്കന്‍ പ്രസിഡന്റ്‌ ന്റെ സീല്‍ പതിപ്പിച്ച ഒരു പ്രസംഗ പീഠംഅവിടെ വച്ചിട്ടുണ്ട് .സോവിയറ്റ്‌ റഷ്യ യില്‍ നിന്നും യുറീ ഗഗാറിന്‍ ആദ്യത്തെ ബഹിരാകാശ സഞ്ചാരി യായി ഭൂമിയെ വലംവച്ചതോട്കൂ ടി ,ബഹിരാകാശ ഗവേഷണത്തില്‍ അമേരിക്കയുടെ മറുപടി ആയി അന്നത്തെ അമേരിക്കന്‍ പ്രസിഡന്റ്‌ ആയിരുന്ന ജോണ്‍ എഫ് കെന്നഡി അമേരിക്ക ,ചന്ദ്രനില്‍ മനുഷ്യനെ അയക്കും ''എന്ന് അമേരിക്കന്‍ ജനതയ്ക്ക്ഉറപ്പ് കൊടുത്ത പ്രസംഗത്തിന് ഉപയോഗിച്ച പ്രസംഗ പീഠംആയിരുന്നു .

ചന്ദ്ര ദൌത്യം നാസയുടെ ചരിത്രത്തിന് തിലകക്കുറി യായി ,ആ വിജയത്തിന്റെ , സന്തോഷ വാര്‍ത്ത‍ ലോകത്തെ അറിയിച്ചു കൊണ്ട് , പല രാജ്യകളില്‍,അവരുടെ വര്‍ത്തമാന പത്രത്തില്‍ വന്ന വാര്‍ത്തകളും അവിടെ കാണാന്‍ സാധിക്കും . .ആ വാര്‍ത്തകളില്‍ ഭാരതത്തില്‍ നിന്നും ഒരു പത്രത്തിലെ തലക്കെട്ടും കാണിച്ചിരുന്നു ..

''मानव चाँद पे जा उतरा ''

ഈ വാര്‍ത്ത‍ വായിച്ച് അതിനകത്ത് നിന്നും ഇറങ്ങിയപ്പോള്‍ ,മനുഷ്യന്റെ ക്രിയാത്മകതക്കും ,പരിശ്രമത്തിനും എന്തും വഴങ്ങും എന്നതിനുള്ള ഒരു ഉദാഹരണം കൂടി കാണാന്‍ കഴിഞ്ഞു .ഗാലറി യുടെ അകത്ത് ഫോട്ടോഗ്രാഫി സമ്മതിക്കില്ല എന്ന് എടുത്തു പറയുന്നു .

ഡോകുമെന്ററി കണ്ടതിന് ശേഷം ,അമേരിക്കന്‍ ബഹിരാകാശ ചരിത്രവുമായി ബന്ധപ്പെട്ട പ്രദര്‍ശന വസ്തുക്കള്‍ വച്ചിരിക്കുന്ന ഗാലറിയിലേക്ക് ആണ് പോയത് ..

അപ്പോള്ലോ പതിനേഴ്‌ നു അടുത്ത് .

യാത്രികള്‍ സഞ്ചരിച്ച മെര്‍ ക്ക്യുറീ ,ജെമിനി എന്നീ ബഹിരാകാശ പേടകങ്ങള്‍ അവിടെ കാണാന്‍ കഴിഞ്ഞു അതെല്ലാം .മനുഷ്യനെ സുരക്ഷിതമായി അവിടെ എത്തിച്ച് ,അതുപോലെ ത്തനെ തിരിച്ച്കൊണ്ട് വരികയും ചെയ്ത യഥാര്‍ത്ഥ പേടകങ്ങള്‍ തന്നെ ആയിരുന്നു .അവിടെ തന്നെ അപ്പോളോ പതിനേഴ്‌ ന്‍റെ കമാന്‍ഡ് module കൂടി വച്ചിട്ടുണ്ട് .ഇതെല്ലം വളരെ അടുത്ത് നിന്നു കാണാം . മെര്‍ ക്ക്യുറീ ,ജെമിനിഎന്നീ സംരഭങ്ങളുടെ വിജയത്തിന് ശേഷം അപ്പോളോ മിഷന്‍ ടെ പേരില്‍ അമേരിക്കന്‍ യാത്രികള്‍പിന്നെയും ബഹിരാകാശ യാത്രകള്‍ നടത്തി ..അതില്‍ അപ്പോളോ പതിമൂന്ന് മാത്രം ചന്ദ്രനില്‍ ഇറങ്ങാതെ തിരിച്ചു പോരേണ്ടി വന്നു .ലോകത്തെ ആകാംഷയുടെ മുള്‍മുനയില്‍ നിര്‍ത്തിയ ആ സംഭവ ങ്ങള്‍ അപ്പോളോ പതിമൂന്ന് എന്ന ചലച്ചിത്രത്തില്‍ കാണാന്‍ സാധിക്കും ..

അതിനടുത്ത മുറിയില്‍ ചന്ദ്രനില്‍ നിന്നും കൊണ്ടു വന്ന മണല്‍ത്തരികളും ,കല്ലുകളും ,ചില്ലു ക്കൂട്ടില്‍ വച്ചിരിക്കുന്നത് കാണാം .അതില്‍ ഒരു കൊച്ചു കല്ലില്‍ നമുക്ക് തൊട്ടു നോക്കാന്‍ സാധിക്കും .എത്രയോ പേരുടെ പരിശ്രമത്തിന്റെ ഫലം ആയിട്ട് ,ആ കല്ലില്‍ ഒന്ന് തൊട്ടു നോക്കാന്‍ നമുക്ക് സാധിച്ചത് എന്നും ഓര്‍ക്കുന്നു.കുട്ടിക്കാലത്ത്,അമ്പിളി മാമനെ ഒന്ന് തൊട്ടു നോക്കാന്‍ സാധിക്കുമോ എന്ന് എത്ര രാത്രികളില്‍ നമ്മള്‍ സ്വപ്നം കണ്ടിരിക്കുന്നു !.

അമ്പിളി മാമനെ തൊട്ടു നോക്കിയ സന്തോഷത്തില്‍ ആ നടപ്പ് അവസാനിച്ചത്‌

അമേരിക്കയുടെ ഗവേഷണ കേന്ദ്രമായ സ്കയിലാബ് ന്‍റെ ഒരു പൂര്‍ണ കായ മാതൃക യുടെ അകത്തേക്ക് ആയിരുന്നു .ഒരു മുറിയില്‍ നിന്നും മറ്റൊരു മുറിയിലേക്ക് പോകുമ്പോള്‍ , ആര്‍ക്കും യാതൊരു മടുപ്പും തോന്നുന്നില്ല .എല്ലാവരും വളരെ ആകാംഷയോടെ സ്കയിലാബിനു അകത്ത് കടന്നപ്പോള്‍ ,ബഹിരാകാശ യാത്രികരുടെ ജീവിതം അതിനകത്ത് എത്ര വീര്‍പ്പു മുട്ടിക്കുന്നത്‌ ആയിരുന്നു എന്ന് മനസിലാവുന്നത്

ഈ ഇട്ടാവട്ടത്തില്‍ താമസിച്ചു കൊണ്ടായിരുന്നു അവര്‍ എല്ലാം ചെയ്തിരുന്നത് .

ഇത്രയും കാഴ്ചകള്‍ കണ്ട് കഴിഞ്ഞപ്പോള്‍ എല്ലാവര്ക്കും വിശപ്പിന്റെ വിളി വന്നു .ഭക്ഷണം നാസയുടെ അകത്ത് നിന്നും കഴിച്ചു .എല്ലാത്തിനും വിലയും കൂടുതല്‍ ആണ് .ഇനി കാണാന്‍ പോകുന്നത് ബഹിരാകാശ യാത്രികള്‍ക്ക് പരീശീലനം കൊടുക്കുന്ന സ്ഥലത്തേക്ക് ആണ് . എല്ലാരേയും ഒരു ട്രാമില്‍ ആണ് കൊണ്ടു പോകുന്നത്. ട്രാമിലേക്ക് കയറുന്നതിന് മുന്‍പ് ഒന്ന് കൂടി സുരക്ഷാ പരിശോധന ഉണ്ടായിരുന്നു .

ട്രാമിനുള്ളില്‍

എല്ലാവരെയും ഒരുമിച്ച് ആണ് അതിനകത്തേക്ക് കൊണ്ടുപോകുന്നത് . ചില്ലിനിടയില്‍ കൂടി താഴെ ഉള്ളത് മുഴുവന്‍ കാണാം .എല്ലാം വിശദമായി പറഞ്ഞ് തരാന്‍ ഒരു ഗൈഡ് ഉണ്ടായിരുന്നു .അവിടെ ,ഒരു സ്പേസ് ഷട്ടിലി ന്‍റെ മാതൃകയും , ,ബഹിരാകാശ സഞ്ചാരികള്‍ ക്ക് പരീശീലനം നല്‍കുന്നതിന് വേണ്ടി എല്ലാം സജ്ജമാക്കി വച്ചിരിക്കുന്നതും കാണാം .വളരെ കുറച്ച് നേരം ആണ് അതെല്ലാം കാണാനുള്ള സമയം അനുവദിച്ചിരുന്നത്.

ട്രെയിനിംഗ് സെന്റര്‍ നു അകത്ത്

അത് കണ്ട് കഴിയുമ്പോള്‍ ആ ട്രാമില്‍ തന്നെ റോക്കറ്റ് പാര്‍ക്കിന് മുന്‍പില്‍ കൊണ്ടിറക്കും .ഭീമാകാരമായ റോക്കറ്റും അതിന്റെ എന്ജിനും ,.മനുഷ്യനെ ചന്ദ്രനില്‍ എത്തിച്ച saturn അഞ്ച് റോക്കറ്റ് അവിടെ വളരെ അടുത്ത് നിന്ന് കാണാന്‍ സാധിക്കും .റോക്കറ്റിന്റെ വലുപ്പം ആശ്ചര്യം ഉളവാക്കുന്നത് തന്നെ ആയിരുന്നു .ശാസ്ത്ര മികവിന്റെ ,വിസ്മയ ദൃശ്യം നേരിട്ട് കണ്ടപ്പോള്‍ ,ഇതില്‍ ബഹിരാകാശ യാത്രികര്‍ ഇരിക്കുന്ന പേടകം റോക്കറ്റിന്റെ വലുപ്പം വച്ച് താരത്യമം ചെയുമ്പോള്‍ എത്ര ചെറുതെന്ന് മനസിലാക്കാം .അപ്പോളോ പതിമൂന്ന് സിനിമയില്‍ കാണിച്ച വിക്ഷേപ ദ്രിശ്യകള്‍ പലതും മനസിലൂടെ തെളിഞ്ഞു വന്നു .റോക്കറ്റ് പാര്‍ക്കില്‍ നമുക്ക് എത്ര നേരം വേണമെങ്കിലും നടന്നു കാണാം .അവിടെ നിന്നും തിരിച്ചു പോകാന്‍ ട്രാം വരണം

റോക്കറ്റ് പാര്‍ക്കില്‍

saturn നു സമീപം

Saturn-5

engine nozzle

ഇതെല്ലാം കണ്ടു കഴിഞ്ഞ് തിരിച്ചു ട്രാമില്‍ കയറുമ്പോള്‍ ഒരു കോരിത്തരിപ്പ്എന്നില്‍ തോന്നിയ പോലെ തോന്നി . ഇതൊക്കെ കാണണം എന്നുള്ളത്പലപ്പോളും സ്വപ്നകള്‍ ആയിരുന്നു .നേരിട്ട് കണ്ടപ്പോള്‍ ഉള്ള സന്തോഷം പറഞ്ഞറിയിക്കാന്‍ സാധിക്കില്ല !!

സ്പേസ് ഷട്ടില്‍ നെ ക്കുറിച്ചുള്ള ഒരു ഗാലറി കൂടി കാണാന്‍ ബാക്കി ഉണ്ടായിരുന്നത് .അതില്‍, അവരുടെ വസ്ത്രകള്‍ ,അവിടെ പോയിട്ടുള്ളവരെ കുറിച്ചുള്ള വിവരങ്ങള്‍ എല്ലാം പ്രദര്‍ശിപ്പിച്ചിരിക്കുന്നു .ഓരോ ഫോട്ടോയും നോക്കി വായിച്ചു വരാനുള്ള സമയം ഉണ്ടായിരുന്നില്ല .രാവിലെ മുതലുള്ള നടപ്പ് കുട്ടികള്‍ ക്ക് മടുപ്പ് ആയി തുടങ്ങി.എന്നാലും ആ തിരക്കിലും ചിത്രങ്ങളുടെ ഇടയില്‍ കൂടി കറുത്ത വരയോട് കൂടി ചുമരില്‍ തൂക്കി യിരിക്കുന്ന ഈ ചിത്രം കുട്ടികളെ കാണിക്കാന്‍ മറന്നില്ല .

ഇന്റര്‍ നാഷണല്‍ സ്പേസ് സ്റ്റേഷനില്‍ താമസിക്കുന്നവരുടെ ,ദിന ചര്യകളും ,താമസ രീതികളെയും കുറിച്ച് ഒരു ഗൈഡ് ഇവിടെ പറഞ്ഞു തരും .അവരുടെ പ്രാഥമിക ആവശ്യകള്‍ക്ക് പ്പോലും ശാസ്ത്രം എങ്ങനെ ഉപയോഗ്യ പ്പെടുത്തി യിരിക്കുന്നു എന്നുള്ളത് അവിടെ നിന്നും മനസിലാക്കാന്‍ കഴിഞ്ഞു .അവര്‍ക്ക് വേണ്ട ഭക്ഷണം ,വെള്ളം ,എല്ലാം എങ്ങനെ അവിടേക്ക് കൊണ്ടു പോകുന്നുവെന്നും അവര് പറഞ്ഞു തരും .ഗൈഡ് ന്റെ വിശദീക്കരണം കഴിഞ്ഞപ്പോള്‍ നാസയില്‍ പ്രധാനമായി കാണാന്‍ ഉള്ളത് മുഴുവന്‍ കണ്ടു കഴിഞ്ഞു എന്നുള്ള സന്തോഷത്തോടെ അവിടെ നിന്നും ഇറങ്ങി ..

പിറ്റേന്ന്, അവിടെയുള്ള നാഷണല്‍ ഹിസ്റ്ററി മ്യുസിയം കാണാന്‍ വേണ്ടി പോയിരുന്നു .അതിനടുത്തുള്ള പാര്‍ക്കില്‍ മഹാത്മാ ഗാന്ധിജിയുടെ പ്രതിമയും ,ഈ യാത്രയില്‍ മറക്കാനാവാത്ത ഒരു നല്ല ഓര്‍മ്മ ആണ് .

അങ്ങോട്ട്‌ പോകാന്‍ നേരം രാത്രി ആയതു കൊണ്ട് SAM HOUSTONനെ കാണാതെ ആണ് പോയത് എന്നുള്ള വിഷമം തീര്‍ക്കാന്‍ തിരിച്ച് വീട്ടിലേക്കുള്ള മടക്കയാത്രയില്‍ ,വഴിയില്‍ കണ്ടു മുട്ടിയവരെയും മറക്കാതെ ഇരിക്കാന്‍ഈ പ്രതിമയുടെ ചിത്രവും കൂടെ തന്നെ കൊണ്ടു പോരാന്‍ മറന്നില്ല ..

2011ഹാലോവീന്‍ കഥകള്‍

2011-11-15T19:14:00.000-08:00

ഹാലോവീന്‍ടെ സമയത്ത് മോന്റെ സ്കൂളില്‍ നിന്നുംഒരു വിനോദ യാത്ര ക്ക് കുട്ടികളുടെകൂടെ പോകാന്‍ സാധിച്ചു . കുട്ടികള്‍ സ്കൂളില്‍ ബസില്‍ ആണ് പോകുന്നത് .അവരുടെ കൂടെ പോകാന്‍ ആഗ്രഹം ഉള്ളവര്‍ക്ക് സ്വന്തം കാറിലോ ,വേറെ അമ്മമാരുടെ കൂടെ യോ അവിടേക്ക് പോകാം .ഞാനും ഒരു ചൈനാ ക്കാരിയും കൂടി ആണ് പോയത് .ഇവിടെ ഹലോവീന്‍ ടെ സമയം ആയത് കൊണ്ട് Dallas Arboretum അവിടെ നടക്കുന്ന പംകിന്‍ ഫെസ്റ്റിവല്‍ കാണാന്‍ ആണ് പോയത് സ്കൂള്‍ ബസില്‍ നിന്നുംകുട്ടികള്‍ ഇറങ്ങിയപ്പോള്‍തന്നെ അഞ്ച് വയസുകാരുടെ പുറകെ ഓടാന്‍ കാത്തു നില്‍ക്കുന്ന എല്ലാവരും ബസിനും ചുറ്റും കൂടി .ഓരോരുത്തര്‍ക്ക് രണ്ട് കുട്ടികളെ വച്ച് നോക്കണം .കുട്ടികളെ കൈയില്‍ പിടിച്ച് നടക്കാം എന്നുള്ള മോഹം ഒക്കെ ഒരു നിമിഷം കൊണ്ട് കാറ്റില്‍ പറന്നു ,കാരണം അവര്‍ക്ക് ടീച്ചറുടെ പുറകെ ഓടാന്‍ ആയിരുന്നു താല്പര്യം ..

എല്ലാവരും കൂടി പതുക്കെ നടന്ന് ,പൂന്തോട്ടത്തിനിടയില്‍ കൂടി ,പംകിന്‍സ് കൂട്ടി ഇട്ടിരിക്കുന്ന സ്ഥലത്ത് എത്തി .ഞാന്‍ ആദ്യമായി കാണുന്ന ഒരു കാഴ്ച ആയതു കൊണ്ട് ഫോട്ടോ എടുക്കുന്നതിലും ,കൂടുതല്‍ആയി അതൊക്കെ കാണാന്‍ ആയിരുന്നു തോന്നിയത് . കുട്ടികളെയും നോക്കാന്‍ ഉള്ളത് കൊണ്ട് ഫോട്ടോ അത്ര നല്ലപോലെ എടുക്കാനും സാധിച്ചില്ല . എന്നാലും ആദ്യമായി ഇത്ര വലിയ മത്തങ്ങ കള്‍ കണ്ടപ്പോള്‍ ഞെട്ടല്‍ ആണ് തോന്നിയത് .വരി വരിയായി നിരത്തി വച്ചിരിക്കുന്നവയും ,കൂട്ടമായി ചേര്‍ന്ന് കിടക്കുന്നവരും ,ഒറ്റയ്ക്കും ,കൂട്ടുക്കാരോടൊപ്പം സല്ലാപത്തില്‍ ഏര്‍പ്പെട്ടവരെയും പല നിറത്തിലും വലുപ്പത്തിലും അവിടെ കാണാന്‍ സാധിച്ചു .

എല്ലാവരും ഇതിനിടയില്‍ ഫോട്ടോ എടുക്കുന്ന തിരക്ക് ആണ് .,

മത്തങ്ങ കള്‍ വച്ചുള്ള ഓരോ കൊച്ചു വീടുകള്‍ ഉണ്ടാക്കി വച്ചിരിക്കുന്നത് കണ്ടാല്‍ അതിശയം തോന്നും .കുട്ടികള്‍ ഓരോ വീട്ടില്‍ നിന്നും മറ്റേ വീട്ടിലേക്ക് ഓട്ടം ആയിരുന്നു .അതിനിടയില്‍ ഓരോ വലിയ മത്തങ്ങ കാണുമ്പോള്‍ അതില്‍ കയറി യിരിക്കും .ആ പൂന്തോട്ടത്തിനിടയില്‍ ഇതുപോലെ പല സ്ഥലത്തും .മത്തങ്ങ കള്‍ നമ്മളെ നോക്കി ചിരിക്കുന്നത് കാണാം .

നിറം കൊടുത്ത് ,സുന്ദരിയായി നില്‍ക്കുന്ന മത്തങ്ങ വീട് !.

കൂട്ടിയിട്ടിരിക്കുന്ന, മത്തങ്ങ ഓരോന്ന് ആയി എണ്ണി നോക്കാന്‍ പറഞ്ഞപ്പോള്‍ മോനും അവന്റെ കൂട്ടുക്കാരും കൂടി ഒരു ശ്രമം നടത്തി ..അവസാനം അവര് തന്നെ പറഞ്ഞു ഇത് ഇപ്പോള്‍ ഒന്നും എണ്ണി തീരില്ല.ഇത്രയും മത്തങ്ങകള്‍ ഒരുപോലെ നട്ടു വളര്‍ത്തി ,ഈ സമയം ആവുമ്പോള്‍ ഇവിടെ കൊണ്ട് വന്ന്‌ ,ഇതുപോലെ വീടുകളുടെ രൂപത്തില്‍ ആക്കി വച്ചിരിക്കുന്നത് ഒരു കാഴ്ച തന്നെ ആണ് . എന്റെ കൂടെ വന്ന അമ്മമാരില്‍ പലരും ഈ കാഴ്ച കാണാന്‍ ഇതിനു മുന്‍പ് അവിടെ വന്നിട്ടുള്ളവര്‍ ആയിരുന്നു .ഞാന്‍ മാത്രം മത്തങ്ങകള്‍ എണ്ണി കുട്ടികളുടെ കൂടെ ഓടി നടന്നു .

കുട്ടികള്‍ക്കും ,എനിക്കും കൂടുതല്‍ ഇഷ്ട്ടം തോന്നിയത് ഈ വീട് ആയിരുന്നു ..എല്ലാവരും അതിനകത്ത് ആയിരുന്നു കൂടുതല്‍ സമയം ചിലവഴിച്ചത്.Jack and Beanstalk

പൂന്തോട്ടത്തിനിടയില്‍ ഇവരും ഉണ്ട് .

ഈ വീടിന് അടുത്ത് കൂടി പോയപ്പോള്‍ ,പതുക്കെ മത്തങ്ങകള്‍ ഒന്ന് തൊട്ടു നോക്കി .ഇപ്പോള്‍ താഴെ വീഴും എന്നപോലെ ഇരിക്കുന്നത് കണ്ടപ്പോള്‍ മനസ്സില്‍ തോന്നിയ ഒരു കുസൃതി മാത്രം .വളരെ ഉറപ്പോടെ ആണ് അത് ഉണ്ടാക്കി യിരിക്കുന്നത് എന്നും മനസിലായി .

രാവിലെ പത്ത് മണി മുതല്‍ ഉച്ചക്ക് രണ്ട് മണി വരെ കുട്ടികള്‍ അവിടെ ചിലവഴിച്ചു . ഉച്ചക്ക് ഭക്ഷണം അവിടെ തന്നെ യിരുന്ന് കഴിച്ചു .രണ്ട് മണി ആയപ്പോള്‍ കുട്ടികള്‍ സ്കൂള്‍ ബസ്സില്‍ തന്നെ സ്കൂളിലേക്ക് തിരിച്ച് പോയി .ഞാനും ചൈനാ ക്കാരിയും ,എന്റെ നാട്ടിലെയും ,അവരുടെ നാട്ടിലെയും സ്കൂള്‍ വിശേഷം എല്ലാം പറഞ്ഞ് കൊണ്ട് യാത്ര തിരിച്ചു. എനിക്ക് ഈ വിനോദയാത്രയും മറക്കാനാവാത്ത ഒരു യാത്രാനുഭവം ആയിരുന്നു

അതുപോലെ ഹലോവീന്‍ ദിവസം , മോന്റെ ക്ലാസ്സിലേക്ക് ഒന്ന് കൂടി പോകേണ്ടി വന്നു .ക്ലാസ്സില്‍ കിട്ടിയിരിക്കുന്ന മത്തങ്ങകള്‍ മുറിച്ച് ഓരോ ഷേപ്പ് ആക്കാന്‍ വേണ്ടി സഹായം വേണം എന്ന് ടീച്ചര്‍ നേരത്തേ അറിയിച്ചിരുന്നു .ഞാനും ഷമിനും കൂടി ആണ് പോയത് .

ഒരു വലിയ മത്തങ്ങയും ,കൂടെ നാല് കുട്ടികളെയും കൂട്ടി ,ഷമിന്‍ മത്തങ്ങ യെ മുറിക്കാന്‍ തുടങിയപ്പോള്‍ .ഏത് ഷേപ്പ് വേണം എന്ന് ചോദിക്കേണ്ട താമസം മാത്രം .കുട്ടികള്‍ എല്ലാരും കൂടി ഒരേ സ്വരത്തില്‍ Angry monster എന്ന് ഉത്തരം തന്നു .ഹലോവീന്‍ ആയിട്ട് ചിരിച്ച് നില്‍ക്കുന്ന മുഖം അവര്‍ക്കും വേണ്ട .അങ്ങനെ കുട്ടികളുടെ കൂടെ യിരുന്ന് മത്തങ്ങയെ ഇതേ കോലത്തില്‍ ഉണ്ടാക്കി കൊടുത്തു. എല്ലാവരും കൂടി ബാക്കി മത്തങ്ങ കളെ സുന്ദരനും ,സുന്ദരിയും ,ക്രൂരനും ആക്കി എടുത്തു .

അവസാനം എല്ലാ മത്തങ്ങ കളും കൂടി ടീച്ചറുടെ മേശയില്‍ സ്ഥാനം പിടിച്ചു .

സ്കൂള്‍ പരിപാടികള്‍ കഴിഞ്ഞ് ,

രാത്രി ആയപ്പോള്‍ മക്കള്‍ രണ്ടു കൂടി ,ഹാലോവീന്‍ ഉടുപ്പും ഇട്ട് Trick or

Treating നു പോകാന്‍ ഒരുങ്ങി .കൈയില്‍ ഒരു ബാഗ്‌ പിടിച്ച് നടക്കുന്ന പേടിപ്പിക്കുന്ന പല വേഷത്തില്‍ ,കുട്ടികളെയും ,വലിയവരെയും ഇരുട്ടില്‍ കാണാന്‍ കഴിഞ്ഞു. വീടിന് അടുത്തുള്ള കൂട്ടുക്കാരുടെ വീടുകളില്‍ മാത്രം എന്റെ കുട്ടികളെ കൊണ്ടു പോയി .ആ ഇരുട്ടില്‍ കുട്ടികളുടെ കൂടെ നടക്കുമ്പോള്‍ ഈ ഉത്സവവും ഈ രാജ്യത്തിന്‍റെ ഭാഗം തന്നെ എന്ന് മനസ്സില്‍ പറഞ്ഞു കൊണ്ട് അവരുടെ കൂടെ അപ്പനും അമ്മയും കാവല്‍ക്കാരെപ്പോലെ പുറകില്‍ നടന്നു കൊണ്ടിരുന്നു ............

മറക്കാനാവാത്ത ഒരു ദിവസം കൂടി

2011-10-11T16:50:00.000-07:00

ഒരു പഴയ ചങ്ങാതിയെക്കുറിച്ച് കുറെ നാളുകളായി യാതൊരു വിശേഷവും ഇല്ലായിരുന്നു.പഴയ ചങ്ങാതിമാരോട് അവളെ കുറിച്ച് ചോദിച്ചിരുന്നു .എല്ലാവരും തിരക്ക് ആയത് കൊണ്ട് ആര്‍ക്കും ഒന്നും അറിയില്ല .ഒന്നാമതായി കല്യാണം കഴിഞ്ഞപ്പോള്‍ വീടും ,തിരക്കുമായിഅവളും എല്ലാരേയും മറന്നു.അതുകൊണ്ട് ആര്‍ക്കും അവളുടെ ജീവിതം തിരക്കി പോകാനും തോന്നിയില്ല . ഈ അവധിക്കാലത്ത്‌ ഞാന്‍ ഒരു കല്യാണത്തിന് പോയപോള്‍ ,ഒരു നിമിത്തം പോലെ എന്റെയൊരു അകന്ന ബന്ധു വിനെ കാണാന്‍ സാധിച്ചു. വര്‍ത്തമാനത്തിനിടയില്‍ എങ്ങനെയോ പഴയ സ്കൂള്‍,കോളേജ് വിശേഷം പറയാന്‍ തുടങ്ങി ,അതിനിടയില്‍ എനിക്ക് നഷ്ട്ടപ്പെട്ടു പോയ പഴയ ചങ്ങാതിയെ യെ കുറിച്ച് അറിയാന്‍ കഴിഞ്ഞു.എന്‍റെ ബന്ധുവിന്റെ, ഭര്‍ത്താവിന്റെ ബന്ധത്തില്‍ ഉള്ള ആരോ ആണ് അവളെ കല്യാണം കഴിച്ചിരിക്കുന്നത് അതും എനിക്ക് പുതിയ അറിവ് ആയിരുന്നു.ആ പഴയ ചങ്ങാതിയെ ഒന്ന് കാണാനുള്ള ആഗ്രഹം പറഞ്ഞപ്പോള്‍ ,ഒരു ദിവസം അവിടേക്ക് പോകാം എന്ന് രണ്ടുപേരും കൂടി തീരുമാനിച്ചു .രണ്ടാഴ്ച്ച കഴിഞ്ഞിട്ടും .പോകാമെന്ന് ഉറപ്പ് പറഞ്ഞ ബന്ധു വിന്റെ അടുത്ത് നിന്നും ഒന്നും കേട്ടുമില്ല .

എനിക്ക് തിരിച്ച് പോരാനുള്ള ദിവസം അടുക്കുന്നത് കൊണ്ട് ഞാന്‍ തന്നെ അവസാനം ബന്ധുവിനെ വിളിച്ചു ചോദിച്ചു ..അവരുടെ വീട്ടില്‍ പോണോ ?
നീ ,അടുത്ത പ്രാവശ്യം വരുമ്പോള്‍ പോകാം എന്നൊക്കെ പറഞ്ഞ് ആകപ്പാടെ ആള്‍ടെ സംസാരത്തിലും ഒരു മാറ്റം.പിന്നെ ഞാനും നിര്‍ബന്ധിച്ചില്ല ..രണ്ട് ദിവസം കഴിഞ്ഞപ്പോള്‍ എന്നെ തിരിച്ച് വിളിച്ചു .പോകാമെന്ന് സമ്മതിച്ചു പറഞ്ഞത് പോലെ അവളുടെ വീട്ടിലേക്ക് പോകുന്ന വഴി .ബന്ധു എന്നോട് കുറെ നിബന്ധനകള്‍പറയുന്നു . .നിനക്ക് ഇന്ന് അഭിനയിക്കാനുള്ള ദിവസം ആണ് .കാരണം അവരുടെ വീട്ടില്‍ എത്തിയാല്‍ നീ ഒന്നും അറിഞ്ഞിട്ടില്ല ,ഞാന്‍ ഒന്നും പറഞ്ഞിട്ടുമില്ല . ഇങനെ ഓരോ ബന്ധമില്ലാത്ത കാര്യം ഒക്കെ പറഞ്ഞു കൊണ്ട് അവളുടെ വീടെത്തിച്ചു .ഇറങ്ങാന്‍ നേരം ഇടറിയ സ്വരത്തില്‍ പറയുന്ന കേള്‍ക്കാം ഞാന്‍ കാണാന്‍ പോകുന്ന എന്റെ ചങ്ങാതി..കാന്‍സര്‍ മൂലം വിഷമിക്കുന്നു വെന്ന സത്യം .

വിഷമിപ്പിക്കുന്ന വാക്കുകള്‍ കേട്ട് കൊണ്ട് വീടിനകത്തേക്ക് കയറാന്‍ നേരം ,ഏതോ സിനിമയില്‍ കണ്ടഒരു രംഗം മുന്‍പില്‍ കൂടി അഭിനയിക്കാന്‍ പോകുന്നുഎന്ന ഞെട്ടല്‍ എനിക്കുണ്ടായി . കാലം കുറെ കഴിഞ്ഞ് ചങ്ങാതിയെ കണ്ടപ്പോള്‍ ചിരിക്കണോ ,കരയണോ എന്നറിയാതെ നിന്ന എന്നെ കണ്ടിട്ട് ചങ്ങാതിയുടെ വാക്കുകള്‍ ..നീ ഒരുപാട് മാറി പോയി,പ്രവാസം നിന്റെ രൂപത്തിലും ഭാവത്തിലും കുറെ മാറ്റം വരുത്തി .കാരണം എനിക്ക് മിണ്ടാന്‍ ഒന്നുമില്ല .(ആകെ കൂടി മൗനം ) ബന്ധുവിന്റെ കണ്ണുകളിലേക്കു നോക്കുമ്പോള്‍ ,അവള്‍ എന്നെ കണ്ണിറുക്കി പേടിപ്പിക്കും .

ചങ്ങാതിയുടെ ചോദ്യം അതും പ്രവാസ ജീവിതത്തില്‍ എനിക്കുണ്ടായ മാറ്റം കേട്ടപ്പോള്‍ ഞാന്‍ അവളെ ഒന്ന് കൂടി നോക്കി ചങ്ങാതിക്ക് യാതൊരു മാറ്റം കാണുന്നില്ല .പഴയ പോലെ തമാശയും ,കളിയാക്കലും ആയി ഓടി നടക്കുന്നു.. ശരീരം കുറച്ചു ക്ഷീണിച്ചു .അവളുടെ വീടും ,പറമ്പും എല്ലാം കൂടെ നടന്നു കാണിക്കാനും,പൂന്തോട്ടത്തില്‍ ഉണ്ടായ പുതിയ പൂക്കളെ എടുത്തു താലോലിക്കാനും അവസരം തന്നു . .അതിനിടയില്‍ കല്യാണം മുതല്‍ ഉള്ള വിശേഷമെല്ലാം രണ്ട് മണിക്കൂറില്‍ പറഞ്ഞ് തീര്‍ത്തു .പോകാന്‍ നേരം എനിക്ക് ഒരു സമ്മാനം തരാനും അവള്‍ മറന്നില്ല . .അത് വാങ്ങുമ്പോള്‍ കരയാന്‍ പാടില്ല എന്ന് നേരത്തെ ബന്ധുവിന് കൊടുത്ത വാക്കുകള്‍ ഓര്‍ത്തു ഞാന്‍ എല്ലാം ഒരു ചിരിയില്‍ ഒതുക്കി . .ഒരു നന്ദി വാക്കോ ,യാത്ര പറയല്ലോ അതിനുള്ള സമയം പോലും തരാതെ എന്‍റെ ബന്ധു , ''ഇനിയും വൈകിയാല്‍ വീട്ടില്‍ എത്താന്‍ കുറെ സമയം ആവും എന്നും പറഞ്ഞ്‌ എന്നെ കാറിലേക്ക് തള്ളിയിടുകയായിരുന്നു ..

തിരിച്ച് വീട്ടില്‍ എത്തുന്നവരെ രണ്ടുപേരും ഒന്നും മിണ്ടിയില്ല . ഇറങ്ങാന്‍ നേരം ബന്ധു തന്നെ ക്ഷമാപണത്തോടെ സംസാരം തുടങ്ങി ,ചങ്ങാതിമാര്‍ തമ്മില്‍ ഇത്രയും നാള്‍ കഴിഞ്ഞ് കണ്ടുമുട്ടിയത്‌ ഒരു വിഷമം വന്നപ്പോള്‍ ആയിരുന്നല്ലോ എന്ന് അവള്‍ക്കും തോന്നാതിരിക്കാന്‍ വേണ്ടി ,ഞാന്‍ നീന്നോട് അഭിനയിക്കാന്‍ പറഞ്ഞത് .അവരും ആ വേദനയില്‍ നിന്നും കര കയറാന്‍ തുടങ്ങി ഇനിപ്പോള്‍ നമ്മള്‍ അതറിഞ്ഞ്ചെന്ന് കണ്ടപ്പോലെ ആവരുത്എന്ന് കരുതി ആണ് എനിക്ക് ഇതുപോലെ പെരുമാറേണ്ടി വന്നത് എന്ന് പറഞ്ഞുകൊണ്ട് യാത്ര പോലും പറയാതെ എന്നെ വീടിന് മുന്‍പില്‍ റോഡില്‍ ഇറക്കി വിട്ടിട്ട് ആണ് പോയത് .

ആ നില്‍പ്പില്‍ എന്‍റെ മനസ് ,അപ്പോളും കാട് കയറി .നമ്മള്‍ മൂന്ന്പേരും ഇനിയും കണ്ടു മുട്ടുമെന്ന് യാതൊരു ഉറപ്പുമില്ല .എന്നാലും ഈ കൂടിക്കാഴ്ച അതുപോലെ തന്നെ ആയതു നന്നായി എന്ന് പറയണമെന്ന് മനസ്സില്‍ ഉണ്ടായിരുന്നു .

വിങ്ങുന്ന മനസോടെ, വീടിനകത്തേക്ക്കയറി ,കൈയ്യില്‍ കിട്ടിയ സമ്മാന പൊതി തുറന്നു നോക്കാന്‍ തോന്നിയില്ല. ഞാന്‍ തിരിച്ചു പോരുന്നതിന്റെ തലേന്ന് ചങ്ങാതി എന്നെ ഫോണ്‍ വിളിച്ചിരുന്നു .സമ്മാനം ഇഷ്ട്ടം ആയോ എന്നറിയാന്‍ആണ് വിളിച്ചത്.,ആ തിരക്കിനിടയില്‍ ഞാന്‍ അത് തുറന്നു നോക്കി ചിരിച്ചു കൊണ്ട് നില്‍ക്കുന്ന ഒരു പ്രതിമ !!എന്റെ കൈയ്യില്‍ ഇരുന്നു തേങ്ങാന്‍ തുടങ്ങുന്നതിനു മുന്‍പ് ഞാന്‍ അതിനെ ചേര്‍ത്ത് പിടിച്ചു . പൊഴിഞ്ഞു വീഴുന്നതിനു മുന്‍പേ ,പരസ്പരം കാണാന്‍ സാധിച്ചതില്‍ നന്ദി പറഞ്ഞു കൊണ്ട് , മൌനമായി രണ്ടുപേരും യാത്ര പറഞ്ഞു .ഇനി വരുമ്പോള്‍ കാണാന്‍ വരണം എന്ന് അവിടെ നിന്നും ഉറക്കെ അവള്‍ വിളിച്ചുപറയുന്നത് കേട്ടുകൊണ്ട് ആഫോണ്‍ വിളിയും അവസാനിച്ചു .

ഹോം പരേഡ്

2011-09-27T07:08:00.000-07:00

'.ഹോം പരേഡ് '' എന്നുള്ള

ബോര്‍ഡ്‌ കഴിഞ്ഞ കുറെ ദിവസായി എവിടെ നോക്കിയാലും കണ്ടിരുന്നു .അത് കാണാന്‍പോകുന്ന ദിവസം രാവിലെ ഒരു ചങ്ങാതിഫോണ്‍ വിളിച്ചു പറഞ്ഞു കൈയ്യില്‍ ഒരു സഞ്ചി എടുക്കാന്‍മറക്കരുത് .പോകാന്‍ നേരം, ഒരു ചെറിയ പ്ലാസ്റ്റിക്‌ബാഗ്‌ കൈയ്യില്‍ എടുത്തിരുന്നു .താമസിക്കുന്ന വീടിന്റെ മുന്‍വശത്ത്റോഡില്‍ പോയി നോക്കിയപ്പോള്‍ ആളുകള്‍ നടന്നു പോകുന്ന കണ്ടു അവരുടെപുറകെ ഞാനും മക്കളും'.ഹോം പരേഡ് 'നടക്കുന്ന സ്ഥലത്ത് പോയി നിന്ന് കാത്തിരിപ്പ്‌ തുടങ്ങി .രാവിലെ ഫോണ്‍ വിളിച്ച ചങ്ങാതിയും ,മക്കളുംഅവിടെ ഉണ്ടായിരുന്നു .എന്നെ കണ്ടപ്പോള്‍ ബാഗ്‌ കൊണ്ട് വന്നുവോ എന്നായിരുന്നുആദ്യം ചോദിച്ചത് .എന്റെ കൈയ്യില്‍ ഉള്ള ബാഗ്‌ ടെ വലുപ്പം കണ്ടിട്ട് അവര് വഴക്ക് പറയാന്‍ തുടങ്ങി .ഞാന്‍ ഈ വഴക്ക് കേട്ട് നില്‍ക്കുമ്പോള്‍ ,മുന്‍പില്‍ അതിലും നല്ല കാഴ്ചകള്‍ !

ഓരോ വണ്ടികള്‍ ,മുന്‍പില്‍ കൂടി കടന്നു പോകുമ്പോള്‍ ,അവരുടെ കൂടെ ഉള്ളവര്‍ നമുക്ക്പലതരം മിഠായികള്‍ തരും .ഇതെല്ലം ബാഗില്‍ വാങ്ങുവാന്‍ വേണ്ടി ആണ് കൈയ്യില്‍ സഞ്ചി എടുക്കാന്‍ മറക്കരുത് എന്ന് ചങ്ങാതി പറഞ്ഞത് ..ഇവിടത്തെ ഓരോ സ്കൂള്‍ ടെ വക പരേഡ് ആയിരുന്നു .കമ്മ്യൂണിറ്റി യില്‍ഉള്ളവര്‍ക്ക് 'അവരെ കുറിച്ച് 'കൂടുതല്‍ അറിയാന്‍ ഒരവസരം .

ഇതെല്ലം കണ്ടു നില്‍ക്കുന്നതിനിടയില്‍ ,എവിടെയോ നിന്ന് ഒരു കുട്ടി ഓടി വരുന്നത് കാണാം .''എന്റെ ചങ്ങാതിക്ക് കുറച്ചു മിഠായി കൊടുക്കട്ടെ എന്ന് പറഞ്ഞു പാച്ചു നു കുറെ കൊടുക്കുന്നത് കണ്ടു .ഈ തിരക്കിനിടയില്‍ ക്ലാസ്സിലെ ചങ്ങാതിമാരെ കണ്ടപ്പോള്‍ ,ആ സന്തോഷം പ്രകടിപ്പിക്കുന്നതിന് യാതൊരു മടിയില്ല . അപ്പോളേക്കും സ്ട്രീറ്റ് ക്ലീന്‍ ചെയ്യാനുള്ള ബാഗ്സ് ആയി,സ്കൂള്‍ കുട്ടികള്‍ വന്നു കഴിഞ്ഞു . എല്ലാവരും കൂടി താഴെ വീണ ഒരു കൊച്ചു കഷ്ണംപേപ്പര്‍ പോലും ,എടുത്തുമാറ്റി ആ റോഡ്‌ മുഴുവന്‍ വൃത്തിയാക്കി കൊടുത്തു .

ഇത്രയും സംഭവങ്ങള്‍ആണ് ഹോം പരേഡില്‍ കണ്ടത് .

ഒരു നീണ്ട അവധിക്കാലം

2011-09-06T16:08:00.000-07:00

ഒരു വിരുന്നുക്കാരിയെ പോലെ ,കൈയ്യില്‍ പെട്ടികളും ,സമ്മാന പൊതിയുമായി ,ഒന്ന് കൂടി സ്വന്തം നാട്ടിലേക്ക് ഒരു യാത്ര .പ്രഭാതത്തിന്റെ എല്ലാ വശ്യതയോടെ,എയര്‍പോര്‍ട്ടില്‍ നിന്നും പുറത്ത് ഇറങ്ങിയത്‌ . തടവറയില്‍ നിന്നും പുറത്ത് ഇറങ്ങിയവളെ പ്പോലെ ,നമുക്ക്ചുറ്റും പ്രിയപ്പെട്ടവര്‍ .‍ നമ്മളെ ചേര്‍ത്തു പിടിക്കുന്നു ,ഉമ്മ തരുന്നു .കുട്ടികളെ എടുത്ത്‌ താലോലിക്കുന്നു ,അതിനിടയില്‍ അവരെ ഇക്കിളി കാട്ടി ചിരിപ്പിക്കാനുള്ള ശ്രമം . പേരക്കുട്ടികളെ നോക്കിയിരുന്ന്,ആ സ്നേഹം മുഴുവനും നിമിഷം കൊണ്ട് കൊടുത്ത് തീര്‍ക്കാനുള്ള മത്സരം ആണ് . നേരെ ഷമിന്‍ ടെ വീട്ടിലേക്ക് ആണ് പോയത് .പോകുന്നവഴിയില്‍ കുട്ടികള്‍ വാതോരാതെ ഓരോന്ന് ചോദിച്ചു കൊണ്ടിരിക്കുന്നു . മറുപടികള്‍ കേള്‍ക്കുമ്പോള്‍ അവരുടെ മുഖം ആശ്ചര്യം കൊണ്ട് വിടരുന്ന കാണാം .ഏത് ചോദ്യത്തിനും ഉത്തരം പറയാന്‍ അപ്പാപ്പനും ,അമ്മമ്മയും കൂടെ ഉള്ളതുകൊണ്ട് അമ്മയുടെ ഒരു മൂളല്‍ എന്ന പരാതിയും ഇല്ല .

വീട് വരെയുള്ള യാത്രയില്‍ , നാടിനു വന്ന പുതിയ രൂപത്തിലൂടെ ഞാന്‍ അങ്ങോട്ടും ഇങ്ങോട്ടും അതിവേഗത്തില്‍ സഞ്ചരിച്ചു കൊണ്ടിരിക്കുന്നു . പുതിയ തരം കാറുകള്‍ , അവരുടെ വേഗതയില്‍ മതി മറന്ന്ഇരിക്കുന്ന യാത്രക്കാര്‍ ,ആദ്യം ആര് പോകണം എന്നുള്ള വാശിയുമായി ഒരു കൂട്ടം വേറെയും .അവര്‍ക്ക് വേണ്ടി വഴി മാറില്ല എന്ന തീരുമാനം എടുത്തിരിക്കുന്നവരെയും കാണാം .തിരക്ക് അഭിനയിച്ചു ജീവിതത്തോട് യുദ്ധം ചെയ്യുന്നവര്‍ .എയര്‍പോര്‍ട്ടില്‍ നിന്നും അര മണിക്കൂര്‍ യാത്ര ചെയ്തപ്പോള്‍ ഓരോന്ന് നേരില്‍ കണ്ടും ,ചിന്തിച്ചും എന്‍റെ നെറ്റി ചുളിഞ്ഞു തുടങ്ങിയത് ഞാന്‍ അറിഞ്ഞു .ഒരു അതിഥി ആയി വന്ന ഞാന്‍ ,നാടിന്‍റെ നല്ലത് മാത്രം മനസ്സില്‍ പകര്‍ത്തി തിരിച്ച് പോകേണ്ടി യിരിക്കുന്നു എന്ന് മനസ് ആണയിട്ട് പറയുന്നു .കാലടി പുഴയില്‍ വെള്ളം നിറഞ്ഞിരിക്കുന്നത്‌ കണ്ടപ്പോള്‍ സന്തോഷംകൊണ്ട് ഒന്ന് കൂടി എത്തി നോക്കി. ചിലയിടത്ത് ശൂന്യമായ , മണ്‍ തിട്ടകള്‍ കാണാം .എന്നാലും പെരും മഴയില്‍ കുളിച്ചു നില്‍ക്കുന്ന പുഴ! അവിടെ നിന്നും തുടങ്ങിയ മഴ..പെരും മഴയില്‍ അടര്‍ന്നു വീഴുന്ന ഇലകള്‍ ,പൂക്കളുടെ ഇതളുകള്‍ ,തെങ്ങോലകള്‍ വിറച്ചു നില്‍ക്കുന്നത്എല്ലാം കാണാം . അത്രക്ക് കാറ്റും ,മഴയുംആയിരുന്നു .ആരും കാണാതെ തല നനച്ചുകൊണ്ട് വീട്ടിലേക്കു കയറിയത് . നീണ്ട യാത്രയുടെക്ഷീണം കാരണം ഒരു ചായയും കുടിച്ച് നേരെ പോയി കിടന്നു .മഴയുടെ സ്വരവും കേട്ട് ആ ജനല് അരികില്‍ കിടന്നു റങ്ങുന്ന സ്വസ്ഥത ,സന്തോഷം മനസ്സില്‍ കൂടി കടന്നു പോയി.

നല്ലൊരു ഉറക്കം കഴിഞ്ഞു എഴുന്നേറ്റപ്പോള്‍ കാക്കയുടെ വിരുന്നു വിളികേള്‍ക്കാം .ഒന്നാമതായി നാട്ടിലെ സമയം നോക്കിയില്ല.രാവിലെ ആയി എന്ന വിചാരം കൊണ്ട് ,ചാടി എഴുന്നേറ്റ് നേരെ വീടിന്റെ പുറകു വശത്തേക്ക് നടന്നു .അടുക്കളയില്‍ഒരു അനക്കവുമില്ല .എല്ലാവരും നല്ല ഉറക്കം ആണ് .സമയം നോക്കിയപ്പോള്‍ വൈകുംനേരം മൂന്ന് മണി .രണ്ടു വര്‍ഷമായി കേള്‍ക്കാത്ത കാക്കയുടെ കരച്ചില്‍ കേട്ടുകൊണ്ട് ഞാന്‍ നില്‍ക്കുമ്പോള്‍ . വിരുന്നു വിളിക്കുന്ന കാക്കയെ ഓടിക്കാന്‍ അമ്മിണി വരുന്നു .കുശലം പറയുന്നതിനിടയില്‍ അമ്മിണിയുടെ വീട്ടില്‍ നിന്നും വന്ന മൂന്ന് പേര്‍ ചുറ്റി പറ്റി നില്‍ക്കുന്ന കണ്ടത് .അപ്പോള്‍ തന്നെ കുട്ടികളെ ഉറക്കത്തില്‍ നിന്നും വിളിച്ചു ഉണര്‍ത്തി ,പൂച്ചകുട്ടികളെ കാണിച്ചു .ആ ‍ നിമിഷം തന്നെ മൂന്നിനും ഓരോ പേരുകള്‍ ഇട്ടു .ഈ അവധിക്കാലം അവരുടെ കൂടെ കളിക്കാനുള്ള സമ്മതം വാങ്ങിരണ്ടുപേരും അടുക്കള വശത്ത് ഇരിപ്പ് ഉറപ്പിച്ചു .''പൂച്ചയുടെ അടുത്ത് പോകാതെ ,അത് മാന്തും ,കടിക്കും ''എന്നൊക്കെ അമ്മിണി ഓരോ നിമിഷം അവരെ ഓര്‍മിപ്പിച്ചു കൊണ്ടിരിക്കും .വന്ന ദിവസം തന്നെ പൂച്ചകളെ കിട്ടിയത് കൊണ്ട് കുട്ടിക്കള്‍ക്ക് ‍ സന്തോഷമായി .ഭക്ഷണം കഴിക്കാന്‍ ഇരുന്നാലും പൂച്ചക്ക് കൊടുക്കാന്‍ വേണ്ടി മീന്‍ വേഗം കഴിച്ച് തീര്‍ക്കാനും ,ആ മുള്ളുമായി പൂച്ചയുടെ അടുത്ത് പോയിരുന്ന് , നല്ല കൂട്ടായി .കുട്ടികളുടെ അമ്മ ,ഇതൊക്കെ കണ്ട് ദൂരെ നില്‍ക്കും .എനിക്ക് പൂച്ചകളെ ഒട്ടും ഇഷ്ട്ടമില്ല .

കുട്ടികള്‍ പൂച്ചകളുമായി കളിക്കുമ്പോള്‍ ഞാന്പറമ്പ് കാണാന്‍ ഇറങ്ങും . ,മഴക്കാലം ആയതു കൊണ്ട്പറമ്പില്‍ നടക്കുമ്പോള്‍ സൂക്ഷിക്കണം ,പുല്ലിനു ഇടയില്‍ ‍ ,നല്ല കരുതല്‍ വേണം ,മുട്ടൊപ്പം ഉയര്‍ന്നു നില്‍ക്കുന്ന പുല്ലിനിടയില്‍ ചവിട്ടുന്നത് പാമ്പിനെ ആവാം

മഴയ്ക്ക് തീരെ വിശ്രമംഇല്ലാത്തതു കൊണ്ട് ,ഓരോ ഇലയിലും വെള്ളം കെട്ടി നില്‍ക്കുന്നത് കാണാം . ‍

ദൂരെ വിറകു പുരയുടെ അടുത്ത് നിന്നും ഒരു അനക്കംകണ്ടു ഓടുന്ന കീരിയെ കാണാം ,എന്നെ കണ്ടതും ഓടി കളഞ്ഞു .കീരി യെ ഫോട്ടോ യില്‍ പിടിക്കാന്‍ പറ്റാതെ വിഷമിച്ച് നില്‍ക്കുമ്പോള്‍ വീട്ടുക്കാരുടെ പ്രിയങ്കരിയായ ചൂല്‍ എന്നെ നോക്കി ചിരിക്കുന്നു .അവയ്ക്ക് വീട്ടില്‍ എന്നും നല്ല സ്ഥാനം തന്നെ !!

എത്ര നാള്‍ കഴിഞ്ഞാലും ,യാതൊരു അനക്കവുമില്ലാതെ ,നില്‍ക്കുന്ന കിണര്‍. പല വീടുകളിലുംഇപ്പോള്‍ രാവിലെ വെള്ളം കോരുന്ന ആ സ്വരം കേള്‍ക്കാന്‍ സാധിക്കാറില്ല .ഒന്നാമതായി വീടുകളില്‍ താമസിക്കുന്നവര്‍ക്ക് കിണറ്റിലെ വെള്ളം കുടിക്കണം എന്ന ആഗ്രഹം ഒന്നുമില്ല .മോട്ടോര്‍ അടിച്ച്,ടാങ്കില്‍ കൂടി വരുന്ന വെള്ളത്തിന്റെ രുചി തന്നെ പ്രിയം .എന്നാലും ഒരു പുരാതന വസ്തു വീടിന് മുന്‍പിലോ ,പുറകിലോ കാണുന്നതും ഒരു ഭംഗി തന്നെ !!

കിണറിലെ തെളിഞ്ഞ വെള്ളത്തിലേക്ക്‌ എത്തി നോക്കി നില്‍ക്കുമ്പോള്‍ ,മുറ്റത്ത്‌ നില്‍ക്കുന്ന പൂക്കളോടും ,അതില്‍ തേന്‍ കുടിക്കാന്‍ വരുന്ന തേന്‍ക്കിളി യെ നോക്കി കുറച്ച് നേരം സംസാരിച്ചു നില്ക്കാന്‍ മറന്നില്ല .ഓരോന്നിനോടും കിന്നാരംപറഞ്ഞു ആ നടപ്പ് പറമ്പിന്റെ അറ്റത്ത്‌ വരെ പോയി .മുന്‍പില്‍ കണ്ടത് എല്ലാം ക്യാമറയില്‍ പകര്‍ത്തി .വീട്ടില്‍ അതാവശ്യം പച്ചക്കറി ഒക്കെ നട്ടിരിക്കുന്നത് കണ്ടപ്പോള്‍ സന്തോഷായി .കപ്പ ,പാവലം ,ചേന , കോവലം ,പയര്‍, വെണ്ടയ്ക്ക എല്ലാം ഉണ്ട് .‍ ഇതൊന്നും കഴിച്ചു തീര്‍ക്കാന്‍ ആളില്ല എന്ന് മാത്രം എങ്കിലും പച്ചകറികള്‍ വീട്ടില്കിട്ടും എന്നും ആശ്വസിക്കാം .‍

പട്ടിക്കൂട് /കിളിക്കൂട്‌ ഓര്‍ക്കിഡ് നു തല ചായ്ക്കാന്‍ ഒരിടം ആയി .

‍ മുന്‍വശത്തെ പൂന്തോട്ടത്തിലും ഒന്ന് തലകാണിച്ചു.കുളത്തില്‍ ഉള്ള ചെറിയമീനുകളെ . കണ്ടപ്പോള്‍അതിനെ പിടിച്ചുകുപ്പിയാക്കി .പൂച്ചകുട്ടികളും ,മീനുംഅതോടെ കേരളത്തില്‍ അവധിക്കാലംകുട്ടികള്‍ക്ക് സ്വപ്നലോകമായി .അമ്മമ്മയുടെപൂന്തോട്ടത്തിലൂടെ മഴക്കാലത്തും ചെടി നനച്ചു നടക്കാം ,വെള്ളത്തില്‍കളിക്കാം , ഇടയ്ക്കിടെ വേദനിപ്പിക്കുന്ന കൊച്ചു കൊതുകുകളെ പ്രശ്നംആയി തോന്നിയില്ല ..തോട്ടത്തിലെ അട്ട ,ഒച്ച്‌നെ കാണുമ്പോള്‍ നിലവിളിക്കാനുള്ള ‍ അവസരം കൂടിആയിരുന്നു . തവളയുടെ കരച്ചില്‍ കൂടി കേട്ടതോടെ എല്ലാം പൂര്‍ത്തിയായി ..

കുളത്തില്നിന്നും മീന്‍ പിടിക്കല്‍ കഴിഞ്ഞപ്പോള്‍ ,രണ്ടു വര്ഷം മുന്‍പ് കിട്ടിയ

ആമ്പല്‍ ചെടിയെ ഓര്മ വന്നത്, കോവളം യാത്രയില്‍ കൊണ്ടുവന്നത് ആയിരുന്നു. അമ്മച്ചിസൂക്ഷിച്ചു വച്ചിരിക്കും എന്നറിയാം ,അതാ വിടര്‍ന്ന പൂവുമായി അവിടെ നില്‍ക്കുന്നു !!.

ഒരാഴ്ച്ച ഷമിന്‍ ടെ വീട്ടില്‍ താമസംപിന്നെ .സാധനമെല്ലാം പെട്ടിയില്‍ എടുത്ത്‌ വച്ച് എന്‍റെ വീട്ടിലേക്കുള്ള ഓട്ടം .അമ്മ വീട്ടിലേക്ക് പോകാന്‍ കുട്ടികള്‍ക്ക് ഇഷ്ടം ആണ് .കാരണം പുഴയുടെഅടുത്തേക്ക് പോകാം ,വീട്ടില്‍ കളിയ്ക്കാന്‍ ചേട്ടന്റെ മക്കളും ഉണ്ടാവും .ചക്ക ,മാങ്ങ ,പുഴമീന്‍എല്ലാം കിട്ടുന്ന അമ്മയുടെ നാടൊന്നും അവരുടെ മനസ്സില്‍ ഉണ്ടാവില്ല .പുഴയില്‍ കുളിക്കണം എന്നുള്ള വിചാരം ആയി ആവും അപ്പന്റെ വീട്ടില്‍ നിന്നും ഇറങ്ങുന്നത് ..കാറില്‍ കയറുന്ന വരെ അമ്മാമ്മ പറയുന്ന കേള്‍ക്കാം .''പുഴയുടെ അടുത്ത് പോകുമ്പോള്‍ സൂക്ഷിക്കണം '',കുട്ടികളെ തനിച്ചു വിടരുത് ''

എന്‍റെ നാട്ടിലേക്കുള്ള യാത്രയില്‍ ,ചില വഴികള്‍ ഒക്കെ മക്കളുടെ മനസ്സില്‍ പതിഞ്ഞു തുടങ്ങിഎന്ന് ഈ യാത്രയില്‍ മനസിലായി ,അവരും വലുതായി .ഗ്രാമത്തിലൂടെ ,നെല്ല്പ്പാടവും, കൈത്തോടുകളും ,പെരിയാറിന്റെ കൈവഴിയായ പുഴകള്‍ ‍ ,കൈതയുടെ വേരുകള്‍ കൊണ്ട് കൂട്ടമായി നില്‍ക്കുന്ന പുഴക്കടവും ,പൊന്മാനും ,കിളികളും,കൂട്ടമായി പറന്നു പോകുന്ന തത്തകളെയും .പാടവരമ്പത്ത് ഇരിക്കുന്നകൊക്കുംഎല്ലാം കാണാം . എന്റെ വീട്ടില്‍ എത്തിയാല്‍, കുട്ടികള്‍ ആദ്യം ഓടുന്നത് വീട്ടിലെ പട്ടിയെ കാണാന്‍ ആണ് .അതിനോട് നേരിട്ട് വര്‍ത്തമാനം പറഞ്ഞിട്ട് വീട്ടില്‍ ഉള്ളവരോട് സംസാരിക്കാന്‍ വരൂ . പിന്നെ നേരെ തറവാട്ടിലേക്ക് പോകണം എന്നാവും ,ആളനക്കംഇല്ലാത്ത തറവാട് ആയിരുന്നാലും ,ആ മുറ്റത്ത്‌ പോയിരിക്കാന്‍,അതിലൂടെ നടക്കാന്‍ അവരും ആഗ്രഹം പറഞ്ഞു തുടങ്ങി .അമ്മ കളിച്ചു വളര്‍ന്ന തറവാട് മുറ്റത്തിന്റെ പുതിയ മുഖം! .മഞ്ഞക്കി ളികള്‍ നിലത്തിറങ്ങാന്‍ മടി കാണിച്ചിരുന്ന പറമ്പ് !!

ഈ ഇടവഴികള്‍ , തറവാട് ന്റെ ഓരോ കോണിലും വലിയ മാറ്റം സംഭവിച്ചു .സ്ഥിരമായി താമസിക്കാന്‍ ആരുമില്ല .എന്നാലും ഇന്നും മാറാതെ നില്‍ക്കുന്ന എന്തൊക്കെയോ അവിടെയുണ്ട് .കാരണവന്മാരുടെ സ്നേഹം ,അവര് ഏല്പിച്ചു പോയ മണ്‍ ചട്ടികള്‍, മാറാലപിടിക്കാത്ത കുറെ നല്ല ഓര്‍മകളും . ബാക്കി നില്‍ക്കുന്നു .എന്‍റെ ഓര്‍മകള്‍ തെളിഞ്ഞു നില്‍ക്കുന്ന കാലം മുതല്‍ ഞാന്‍ കണ്ടിരുന്ന അമ്മി,ഉരലും ഇപ്പോളും സ്വരം ഉണ്ടാക്കികൊണ്ട് അവിടെ നില്‍ക്കുന്നു ..ബന്ധുക്കള്‍ എല്ലാവരും ഓരോ ദിശയിലേക്ക്പോയി . ചാരുപടിയില്‍ ഇരുന്നു മുറ്റത്തേക്ക് നോക്കി യിരുന്നാല്‍ ,ഒരു നോവല്‍ എഴുതുവാനുള്ള വിഷയം കിട്ടും എന്നറിയാവുന്നതു കൊണ്ട് , സ്വപ്നം കാണാതെ , കുട്ടികളെയും കൂട്ടി തറവാട്ടിലെകടവിന് അടുത്തേക്ക് നടന്നു.പറമ്പിലൂടെ നടക്കുമ്പോള്‍ ആരോ പുറകില്‍ നിന്നുംഎന്നെ തോണ്ടി വലിച്ച് ആഞ്ഞിലിയുടെ ചോട്ടിലും ,കട്ടുറുമ്പ് കൂട് ഉണ്ടായിരുന്ന മാവിന്റെ താഴെ യും കൊണ്ടുപോയതുപോലെ ...കുടപ്പന്‍ തേന്‍ എടുക്കാന്‍ എന്റെ കൈകള്‍ പതുക്കെ പൊങ്ങി . കുട്ടിക്കാലം എന്ന ദിവ്യമായ പഞ്ഞി കൂനകളില്‍ ഞാനും ഒന്ന് മുഖം ചേര്‍ത്തു വച്ചുഎന്ന് പറയാം .

സന്ധ്യയുടെ മ്ലാനതയില്‍ ,തറവാടിന് ചുറ്റും വല്ലാത്ത

മൂകത ഇടയ്ക്കു മരംക്കൊതിയുടെ സ്വരം .പഴയ കുറെ ഓര്‍മ്മകള്‍ അയവിറക്കി കൊണ്ട്.പുഴ വരെ ഓരോന്നും ആലോചിച്ച് നടന്നു

നാരകവും ,വേലിപടര്‍പ്പിലെ ചെമ്പരത്തിയും എന്നെ ചാഞ്ഞും ,ചരിഞ്ഞും നോക്കുന്നപ്പോലെ ,വരിക്ക പ്ലാവിന്റെ ചുവട്ടില്‍ നിന്നും ,ചിലപ്പന്‍ കിളികള്‍ കൂട്ടമായി ചിലക്കുന്നത്‌ കേള്‍ക്കാം .പറമ്പില്‍ ഒരു അനക്കം തോന്നിയത് അപ്പോള്‍ ആയിരുന്നു .എത്ര ഓലേഞ്ഞാലികള്‍ വന്നിരുന്ന പറമ്പ് ആയിരുന്നു .ഇപ്പോള്‍ ഒന്നിനെയും കാണുന്നില്ല .ഞാന്‍ കാഴ്ചകള്‍ കണ്ട് നടന്നു വന്നപോളെക്കും കുട്ടികള്‍ പുഴയുടെ അടുത്ത് നിന്നും എന്നെ വിളിക്കാന്‍ തുടങ്ങി . ഉറുമ്പുകള്‍ ഇലകള്‍ ചേര്‍ത്തുണ്ടാക്കുന്ന ഉറുമ്പിന്‍ കൂടുകള്‍ കണ്ടു ബഹളം

പുഴ‍ആകെ കലങ്ങി ,നല്ല ഒഴുക്കുംഉണ്ട് .വെള്ളത്തിന്റെ നിറം കണ്ടതോടെ കുട്ടികള്‍ക്ക് അതില്‍ ഇറങ്ങാനുള്ള താല്പര്യം കുറഞ്ഞു . കുറച്ച് നേരം അവിടെ ഇരിക്കാം എന്നും പറഞ്ഞ് കല്ല്‌ പെറുക്കി കൈയ്യില്‍ കൊടുത്തു. സന്ധ്യാ സമയം ആയത്കൊണ്ട് അക്കരെയിലെ അമ്പലത്തില്‍ നിന്നുള്ള പാട്ട് കേള്‍ക്കാം .അതിനിടയില്‍ എവിടെയോ നിന്നും പറന്ന് വന്ന ഒരുമണ്ണാത്തി കിളി വെറുതെ അടുത്ത് വന്നിരുന്നു .തിരിഞ്ഞു പോലും നോക്കാതെ പറന്നു പോയി .

.നേരം ഇരുട്ടാന്‍ തുടങ്ങി യത് കൊണ്ട് അപ്പന്‍ എന്നെയും കുട്ടികളെയും തിരക്കി വന്നു .ചെറുപ്പം മുതല്‍ ഉള്ള ശീലം ഇന്നും കൂടെയുണ്ട് ..സന്ധ്യാ നേരത്ത് എന്റെ വീട്ടിലെ കടവിന്റെ അടുത്ത് പോയിരിക്കും അന്നൊക്കെ ,അമ്മയുടെ കൈയ്യില്‍ നിന്നും വഴക്ക് കേള്‍ക്കാത്ത ദിവസം വളരെ കുറവായിരുന്നു .സ്ഥിരമായിഅവിടെ പോയിരിക്കുന്നത്

ഈ പാട്ട് കേള്‍ക്കാന്‍ ആണ്.പിന്നെ വല്ലപൊന്മാന് മഴക്കൊച്ചയോ, ‍പാത്തും പതുങ്ങിയും പുറത്തു വരും . ശാന്തമായി ,നമ്മെ നോക്കി പതിയെ ചിറകു വീശി അത് പറന്നു പോകും .ധാരാളം ഉപ്പന്‍ വരുന്ന പറമ്പ് ആയതു കൊണ്ട് ഇഴ ജന്തുകള്ഉണ്ടാവില്ല എന്നാ ‍അമിതവിശ്വാസവും കൂടെ ഉണ്ടാവും.

അവധിക്കാലം പുഴയും ,പറമ്പില്‍ കളികളുമായി കടന്നു പോയി.ഒരു ദിവസം രാവിലെകുട്ടികള്‍ വീടിനു ചുറ്റും ഓടുന്നു .കാര്യമായി എന്തോ സംഭവിച്ചുവെന്ന് വിചാരിച്ചു ഞാനും ഓടി ചെന്നപ്പോള്‍ അമ്മയുടെതുളസി ചെടിയുടെ താഴെ കോഴി കുഞ്ഞുകള്‍ !!അടുത്ത വീട്ടിലെ ആരുടെയോ കോഴിആണ്.ചക്കി പരുന്തിനെ കാണാതെ ,വീട്ടിലെ വിറകുപുരയില്‍ ഒളിച്ചിരിക്കാന്‍ വന്ന സമയത്ത് മക്കള്‍ കണ്ടത് .കോഴിയെ അവിടെ നിന്നും ഓടിച്ചു പുറത്തു വിട്ടപ്പോള്‍ ഒരു സംശയം തീര്‍ക്കാന്‍ തേക്കിന്പൂവിനിടയില്‍ ചക്കിപരുന്തിനെ നോക്കി ,ആ നടപ്പ് ,എന്റെ വീട്ടിലെ പുഴയുടെ തീരത്ത് വരെ എത്തി .കൂടെ കുട്ടി പട്ടാളവുംഉണ്ട് .

അവധിക്കാലം ഇതുപോലെ ഓരോ കലാപരിപാടികളുമായി ഓടി കൊണ്ടിരുന്നു .ചക്ക ,മാങ്ങ എല്ലാം കുറെ കഴിച്ചു പണ്ടൊക്കെ ഒരു മാങ്ങ പഴുത്തു വീഴുന്നത് നോക്കി കാവല്‍ ഇരിക്കണം .‍ മാങ്ങ തിന്നാനും ആരും ആ വഴി വരുന്നില്ല . എന്റെ വീട്ടില്‍ നിന്നും തിരിച്ചു‍‍ വന്നപ്പോള്‍ പൂച്ച പിന്നെയും അമ്മിണിയുടെ കൂടെ പുറകു വശത്ത് വട്ടം തിരിയുന്നു .പൂച്ച കുട്ടികളെ കാണാതെ പോയി.

‍ രണ്ടു മാസം നാട്ടില്‍ നിന്നാല്‍ പറയാന്‍ വീട്ടു വിശേഷംഇനിയും കുറേയുണ്ട് .എന്നാലും വളരെ പ്രാധാന്യം ഉള്ള ഒന്നുകൂടി പറയാന്‍ ബാക്കി നില്‍ക്കുന്നു .കൊച്ചി ബ്ലോഗ്‌ മീറ്റ്‌ നു പോകാന്‍ സാധിച്ചു .വളരെകുറച്ചുനേരം ,നമ്മള്‍ അറിയുന്ന ,നമ്മളെ അറിയുന്ന ബ്ലോഗ്‌ചങ്ങാതിമാരെ നേരിട്ട് കണ്ടപ്പോള്‍ വളരെ സന്തോഷം തോന്നിയ കാര്യം ആയിരുന്നു . ബ്ലോഗില്‍വന്ന കാലം മുതല്‍ അറിയുന്നവരെ ''നല്ലൊരു കൂട്ടായ്മയില്‍ ''കണ്ടുമുട്ടാനുള്ള അവസരവും കിട്ടി ,അവധിക്കാല ഓര്‍മ്മകളുടെ ചിത്രം കൂട്ടി വരയ്ക്കുമ്പോള്‍ മനസിലേറ്റി സന്തോഷത്തോടെ അതും ചേര്‍ത്ത് വയ്ക്കുന്നു

ഓരോ അവധിക്കാലവും ,ശില്പചാരുത ഉള്ള കൂടുകള്‍ പോലെ ,മനസ്സില്‍ എന്നും ഉണ്ടാവും.............നേരില്‍ കാണാം എന്ന് വാക്ക് പറഞ്ഞ പഴയ ചങ്ങാതിമാരെ നേരിട്ട് കണ്ടു ,അവരുടെ കൂടെ കുറച്ചു നേരം സംസാരിക്കാനും .പറഞ്ഞ വാക്ക് മറന്നവരെ ഓര്‍മിപ്പിക്കാനും
ഈ തിരക്കിനിടയില്‍ നമ്മള്‍ സമയം കണ്ടെത്തുന്നു ..അതിനും സമയം ഇല്ലാത്തവരോട് ,അടുത്ത അവധിക്കാലം വരെ കാത്തിരിപ്പ്‌ ,ഇനിയും കണ്ടുമുട്ടാം എന്ന നല്ല വാക്കുകള്‍ ‍ പറഞ്ഞു യാത്ര പറയുന്നു ..

ഫോര്‍ട്ട്‌ വര്‍ത്ത് സ്റ്റോക്ക്‌ യാര്‍ഡ്സ് (fort worth stockyards)

2011-06-07T16:31:00.000-07:00

മെയ്‌ അഞ്ചാം തിയതി എന്‍റെ പിറന്നാള്‍ ആയിരുന്നു . ഈ പിറന്നാളിന് എല്ലാരും കൂടി ഫോര്‍ട്ട്‌വര്‍ത്ത് സ്റ്റോക്ക്‌യാര്‍ഡ്സ് Fort Worth Stockyards) കാണാന്‍ പോയി . ക്ലിന്റ് ഈസ്റ്റ്‌ വുഡ് ന്‍റെ( Cint Eastwood വൈല്‍ഡ്‌ വെസ്റ്റ് മൂവീസ് കണ്ടിട്ടുള്ളവര്‍ക്ക് വേണ്ടി ,ഞാനും ഒരു യാത്രപോയി എന്ന് പറയാം . പഴയ സിനിമകളിലും കണ്ടിട്ടുള്ളത് പോലെ ഉള്ള ഒരു സ്ഥലം . കൌ ബോയ്സ് നമുക്ക് ചുറ്റും ,തൊപ്പിയും, ബൂട്ട് ഷൂസുമായി നടക്കുന്നു .പുരാണകളും ,കഥകളും എല്ലാം മനസ്സില്‍ കൂടി ഒരു മത്സരം നടത്തുന്ന സമയം .ചിലരെ കാണുമ്പോള്‍ അവരെയെല്ലാം ഏതോ സിനിമയില്‍ കണ്ടത് പോലെ ,വേറെ ചില ഷോപ്പുകള്‍ക്ക് മുന്‍പില്‍ കുറച്ചു നേരം നോക്കി നില്‍ക്കുമ്പോള്‍ എവിടെയോ കണ്ടു മറന്ന ഏതോ കഥാപാത്രത്തിന്റെ കട ആയിരുന്നുവോ അത് എന്നുള്ള സംശയം ..ഓരോ ഇട വഴിയിലേക്ക് തിരിയുമ്പോള്‍ മനസ്സിലാകെ പഴമയുടെ വേരുകള്‍ പടര്‍ന്നു പിടിക്കുന്നപ്പോലെ ഒരു തോന്നല്‍ .

ഒരു ഉല്ലാസ യാത്രക്ക് വേണ്ടി പോയത് ആയാലും അവിടെ എത്തിയപ്പോള്‍ മനസിലായി ഫോര്‍ട്ട്‌ വര്‍ത്ത് പുറം ലോകത്തില്‍ നിന്നും ഒറ്റപ്പെട്ട് നില്‍ക്കുന്ന ഒരു സ്ഥലം ആണ് .

അവിടെ പോകുമ്പോള്‍ നീണ്ട കൊമ്പു മായിനടക്കുന്ന കന്നുകാലികളുടെ മാര്‍ച്ച്‌ കാണണം എന്ന് വിചാരിച്ചിരുന്നു .അത് തുടങ്ങുന്നതിന് മുന്‍പ് അവിടെ എത്താന്‍ വേണ്ടിആണ് വീട്ടില്‍ നിന്നും യാത്ര തുടങ്ങിയത് . കൃത്യ സമയത്ത് എത്താന്‍ സാധിച്ചു.എന്നാലും ലോങ്ങ്‌ ഹോണ്‍ ആയി നടന്നു വരുന്ന കാലികളെ കാണാന്‍ സാധിച്ചില്ല . കാറുകള്‍ പോകുന്ന വഴിയില്‍ കൂടി ആണ് ഇവര്‍ നടന്നു പോകുന്നത് .ആ സമയം ആ റോഡില്‍ കൂടി വാഹനകള്‍ക്ക് പോകാന്‍ അനുവാദം ഇല്ല .അവിടെ എത്തിയപ്പോള്‍ ആണ് അതുപോലെ ഒരു കാര്യം ഉണ്ടെന്ന് അറിഞ്ഞത് . കാര്‍ പാര്‍ക്ക്‌ ചെയ്യാനും സാധിച്ചില്ല . ഞാന്‍മാത്രം കാറില്‍ നിന്നും ഇറങ്ങി ഓടി വന്നപോളെക്കും അവരെല്ലാം നടന്ന് പോയി കഴിഞ്ഞു .ഒരു ഫോട്ടോ പോലും എടുക്കാന്‍ സാധിച്ചില്ല .

അവിടെ ഉള്ള ഓരോ ന്നും ഇപ്പോളും പഴയതുപോലെ തന്നെ സൂക്ഷിച്ചിട്ടുണ്ട് .ഭക്ഷണം കഴിക്കാന്‍ വേണ്ടി കയറിയ ഹോട്ടല്‍ കണ്ടപ്പോള്‍ അത് എപ്പോള്‍ താഴേക്ക്‌ വീഴുമോ എന്ന് തോന്നും .ഭക്ഷണം ബര്‍ഗര്‍ കൂടെ ചിപ്സും ,അതെല്ലാം വളരെ രുചികരം ആയിരുന്നു .ഒന്നാമതായി തലമുറകളായി നടത്തി കൊണ്ട് വരുന്ന സ്വന്തം സ്ഥാപനം .അവര്‍ക്ക് മാത്രം അറിയാവുന്ന അവരുടെ പാചക ക്കുറിപ്പുകളും , അതിന്റെതായ ഒരു സ്വാദ് എല്ലാ ഭക്ഷണത്തിനും ഉണ്ടായിരുന്നു .

തേയ്ച്ചു മിനുക്കിയ കുതിര വണ്ടിയില്‍ ,കൂടി സവാരി ചെയ്യാം .

. ഈ വഴികളില്‍ കൂടി നടക്കുമ്പോള്‍ ഒരു പഴയ ചന്തയുടെഅകത്തു കൂടി നടക്കുന്നപോലെ തോന്നും . .ഇരുവശത്തും പഴയ കടകള്‍ ആണ് . കൌ ബോയ്സ്തൊപ്പികളും ,അതിനു ചേരുന്ന ഉടുപ്പുകള്‍ ,എല്ലാം കിട്ടും . ഓരോ കടയുടെ മുന്‍പിലും തൊപ്പികള്‍ തലയില്‍ വച്ച് നോക്കി ഫോട്ടോ എടുക്കരുത് എന്ന് എഴുതി വച്ചിരിക്കുന്നത് കാണാം .വിന്നി എന്ന് വിളിക്കുന്ന പഴയ ട്രെയിന്‍ ഇതിലൂടെ വരും .ട്രെയിന്‍ വരാന്‍നേരമായപ്പോള്‍ ആളുകള്‍ അതിനു ചുറ്റും വിസ്മയത്തോടെ നോക്കി നില്ക്കാന്‍ ഓടി വരുന്നത് കണ്ടിരുന്നു . വിശാലമായ ആകാശത്തിനു കീഴില്‍ അത്ഭുതത്തോടെ കാണാന്‍ കഴിയുന്ന ചില നല്ല കാഴ്ചകള്‍ ആണ് . ഇരുപത്തഞ്ച് ഡോളര്‍

ആണ് ഒരു ടിക്കെറ്റിന്റെ വില .ട്രെയിനില്‍ഞാന്‍ കയറിയില്ല,എന്നാലും കുട്ടികള്‍ക്ക് വേണ്ടി ഒരു കാര്യം ചെയ്യാന്‍ മറന്നില്ല .കൈയില്‍ ഇരുന്ന രണ്ട് cents എടുത്ത്‌ ആ ട്രാക്കില്‍ വച്ചു .ട്രെയിന്‍ പോയി കഴിഞ്ഞു അത് എടുത്ത്‌അവരെ കാണിച്ചപ്പോള്‍ അവരുടെ മുഖം പ്രകാശിക്കുന്നത് കാണാന്‍ സാധിച്ചു .

ഈ റോഡില്‍ കൂടി ആണ് കന്നു കാലികളുടെ മാര്‍ച്ച്‌ നടക്കുന്നത്.

കുതിരയുമായി നടക്കുന്ന കുറെ പേരെ അവിടെ കാണാന്‍ സാധിക്കും . കുട്ടികള്‍ക്ക് കുതിര സവാരിയും

ചെയ്യാന്‍ സാധിച്ചു .

ഇവര് ആണ് ഇവിടത്തെ പ്രധാന ആകര്‍ഷണം .ഓരോരുത്തരെ ആയി ഫോട്ടോ എടുക്കാന്‍ സാധിച്ചില്ല .ഈ പൊരിഞ്ഞ വെയിലത്ത്‌ നില്ക്കാന്‍ തന്നെ വലിയ ബുദ്ധി മുട്ട് ആയിരുന്നു .ഡാലസിലെ സമ്മര്‍ ഇപ്പോള്‍ അനുഭവിക്കുന്നു .

ഇതിനു അകത്തു കയറി റോഡിയോ(Rodeo ) കാണാന്‍ ഒരു ആളുടെ ടിക്കറ്റ്‌ പത്ത് ഡോളര്‍ ആണ് . അവിടെ നിന്നും ടിക്കറ്റ്‌ വങ്ങുമ്പോള്‍ കാര്‍ഡുകള്‍ ഒന്നും സ്വീകരിക്കുന്നത് അല്ല .കാശ് ആയി കൈയില്‍ കൊടുക്കണം .അല്ലെങ്കില്‍ ഓണ്‍ ലൈന്‍ ടിക്കറ്റ്‌ എടുക്കണം.അതിനു മുന്‍പില്‍ നില്‍ക്കുമ്പോള്‍ ഒരു പഴയ ടാക്കിസ് നു അകത്തു കയറാന്‍ ക്യൂ നില്‍ക്കുന്ന ഒരു പ്രതീതി ആണ് . ടിക്കറ്റ്‌ തരാന്‍ വേണ്ടി ഇരിക്കുന്ന സ്ത്രീയും കൌ ഗേള്‍ തൊപ്പി വച്ചിട്ടുണ്ട് .ഷോ തുടങ്ങുന്നതിന് മുന്‍പ് തന്നെ അകത്തേക്ക് കടന്നു . ഓരോ വര്ഷം വിജയിച്ച ആളുകളെക്കുറിച്ച് ,അവരുടെ വിവരണം എല്ലാം അവിടെ വായിക്കാം .ദേശീയ ഗാനത്തോടെ ആണ് ഷോ തുടങ്ങുന്നത് .ആ സമയം കുതിര പുറത്ത് പാറി പറക്കുന്ന കൊടിയുമായി ഒരു സുന്ദരി യെ കാണാം .

ഈ വാതില്‍ തുറന്ന് കാലിയുടെ പുറത്ത് ഇരുന്ന് അയാള്‍ വരുന്നത് കാണുമ്പോള്‍ ,നമ്മുടെ ഉള്ളില്‍ പേടി തോന്നാതെ ഇല്ല ..എന്തോ വിഭ്രാന്തി പിടിച്ച പോലെ ചാടുന്ന കാളയെ നോക്കി നില്‍ക്കുമ്പോള്‍ അയാള്‍ താഴെ വീഴുന്നത് കണ്ടു ,അതോടെ എന്റെ ഉള്ളിലെ പേടിയും പോയി .കാരണം അവരൊക്കെ നല്ലപോലെ പരീശീലനം കിട്ടിയ റോഡിയോ കള്‍ ആണ് . കൊമ്പുകള്‍ ആയി കുത്താന്‍ വരുന്ന കാളയെയും ,ആളുകളുടെ പുറകെ ഭ്രാന്ത്പിടിച്ചു ഓടുന്ന കാള അത് പോലെ ഒന്നും അവിടെ കാണാന്‍ സാധിക്കില്ല. അവിടെ നടക്കുന്നത് വളരെ കുറച്ച് മത്സരകള്‍ മാത്രം . ആദ്യ മത്സരം കഴിഞ്ഞപ്പോള്‍ അടുത്ത കളിക്കാര്‍ വരുന്നത് നോക്കി ഇരിപ്പായി .പിന്നെ അവരുടെ മാര്‍ക്കുകള്‍ ശ്രദ്ധിച്ച് തുടങ്ങി .

.എന്നാലും ഈ കാണികള്‍ക്ക് ഇടയില്‍ വളരെ സന്തോഷമായി ഇത് കണ്ടു നില്‍ക്കുന്നവര്‍ ഉണ്ട് .വാശിയേറിയ കാണികളും ,അവരുടെ കൈയ്യടിയും അതിനു അകത്ത് മുഴങ്ങി കേള്‍ക്കാം .ആ കാളയുടെ മുതുകില്‍ നിന്നും അയാള്‍ താഴെ വീണു കഴിയുമ്പോള്‍ ,കാളയെ പിടിച്ചു കെട്ടാന്‍ വേണ്ടി രണ്ടു കൌ ബോയ്സ് വരും .അവര്‍ ആ കാളയെ കഴുത്തില്‍ കുരുക്ക് ഇട്ടു കൂടെ കൊണ്ട് പോകും .

വേറൊരു മത്സരം ഒരു പശു കുട്ടി യുടെ പുറകെ പോയി അതിന്റെ കഴുത്തില്‍ കുരുക്ക് ഇട്ടു പിടിക്കണം .ആ സമയം തന്നെ വേറെ ഒരാള്‍ അതിന്റെ കാലിലും കുരുക്ക് ഇടും .ആ കളിയില്‍ വിജയിച്ചവര്‍ വളരെ കുറച്ചു പേര്‍ മാത്രം ആയിരുന്നു ..സ്ത്രീ ക്കള്‍ക്ക്‌വേണ്ടി കുറച്ച് മത്സരകള്‍ ഉണ്ടായിരുന്നു .

.ഈ മത്സരകള്‍ എല്ലാം കഴിഞ്ഞ് അവിടെRodeo കാണാന്‍ വന്ന കുട്ടികള്‍ ക്ക് വേണ്ടി ,ഒരു പരിപാടി ഉണ്ടായിരുന്നു .കുട്ടികളുടെ പ്രായം അനുസരിച്ച് ഓരോ കൂട്ടമായി ,അവിടേക്ക് വിളിക്കും .എന്നിട്ട് ഒരു പശു കുട്ടി യുടെ മുതുകില്‍ വച്ചിരിക്കുന്ന റിബണ്‍ എടുക്കാന്‍ പറയും .കുട്ടികള്‍ എല്ലാം കൂടി അതിനു പുറകെ ഓട്ടവും .അവസാനം ആണ് കുട്ടികള്‍ ആവും അത് എടുക്കുന്നത് . .ചെറിയ കുട്ടികള്‍ ക്ക് വേണ്ടി ഒരു ആട്ടിന്‍ കുട്ടി ആണ് വന്നത് .കൊച്ചു കുട്ടികളെ പോലും പൂഴി മണ്ണ് നിറഞ്ഞആ കളിക്ക ളത്തിലേക്ക് കൊണ്ട് വിടുന്നത് കണ്ടപ്പോള്‍ എനിക്ക് അതിശയം തോന്നി .ആ കുട്ടികള്‍ക്ക് ഒന്നും ഭയമില്ല .പശുകുട്ടി യുടെ പുറകെ ഓടി ,ആ സന്തോഷത്തില്‍ അതെല്ലാം ഉള്‍കൊള്ളാന്‍ അവര്‍ക്ക് കഴിയുന്നു ..ഒന്നോര്‍ത്ത് നോക്കിയാല്‍ അവരുടെ ഒരു ഭാഗ്യം ,ആ മണ്ണില്‍ കൂടി ഓടി നടന്നത് കുറെ നാള്‍ കഴിഞ്ഞ് ആ ഫോട്ടോ നോക്കുമ്പോള്‍ അതുപോലെ ഒരു നല്ല സമയം അവരുടെ ജീവിതത്തില്‍ ഉണ്ടായിരുന്നു എന്ന് ഓര്‍ക്കുമായിരിക്കും ..........

സാന്‍ അന്റോണിയോ -(2)

2011-05-17T11:24:00.000-07:00

സാന്‍ അന്റോണിയോ യാത്ര തുടരാം ,അമേരിക്കയില്‍ വന്നിട്ട് ആദ്യമായി പോയ യാത്ര വിശുദ്ധ അന്തോണിസ് ന്റെ പേരില്‍ തന്നെ ഉള്ള ഒരു സ്ഥലത്ത് ആയത് വളരെ സന്തോഷം തോന്നിയ ഒരു കാര്യം ആണ്. ഓരോ പള്ളികള്‍ പല വിശുദ്ധന്മാരുടെ പേരില്‍ കണ്ടാലും , അവിടെ ഒക്കെ കയറി പ്രാര്‍ത്ഥിക്കാന്‍ ഞാന്‍ മറന്നു പോകും.കയറിയാലും പ്രാര്‍ത്ഥിക്കാന്‍ അത്ര തോന്നാറില്ല .എന്റെ കോളേജ് പഠന കാലത്തില്‍ എന്നോ ഒരിക്കല്‍ ഒരു കൂട്ടുക്കാരിയുടെ കൂടെ കലൂര്‍ പള്ളിയില്‍പ്രാര്‍ത്ഥിക്കാന്‍ പോയി . ഒരിക്കലും തോന്നാത്ത ഒരു വിശ്വാസം അവിടെ തോന്നിയപ്പോലെ മനസ്സില്‍ ഒരു ചാഞ്ചാട്ടം അനുഭവപ്പെട്ടത് ഞാനും അറിഞ്ഞു .അന്ന് മുതല്‍ .വിശുദ്ധ അന്തോണിസ് നോട് കുറച്ചു നേരം വര്‍ത്തമാനം പറഞ്ഞിരിക്കാന്‍ മനസുംഇഷ്ട പ്പെടുന്നപ്പോലെ ,കുറെ വര്‍ഷമായി ഈ മൌന സഞ്ചാരം മുടങ്ങാതെ നടക്കുന്നു .നാട്ടില്‍ പോകുമ്പോള്‍ കുട്ടികളെയും കൊണ്ട് കലൂര്‍ പള്ളിയില്‍ പോകാന്‍ മറക്കാറില്ല .ഇനി യാത്ര തുടരാം

സാന്‍ അന്റോണിയോയില്‍ (river walk ) ,ഈ നദിയുടെ അടുത്ത് എത്തിയപ്പോള്‍ നേരം സന്ധ്യയായി .

ആദ്യമായി മുന്‍പില്‍ കണ്ടത് ഈ പ്രതിമ ആണ് .വിശുദ്ധ അന്തോണിസ് ന്റെ വളരെ നല്ലൊരു പ്രതിമ !. കുറച്ചു നേരം പ്രതിമയുടെ ഭംഗി നോക്കി അവിടെ നിന്നു .അത് കഴിഞ്ഞ് കൂടുതല്‍ കാഴ്ചകള്‍ കാണാന്‍ വേണ്ടി പതുക്കെ നദിയുടെ തീരത്തു കൂടി നടന്നു ,കുറച്ചു നടന്നു കഴിയുമ്പോള്‍ ഇരുവശത്തും പല തരം വസ്ത്രകള്‍ ധരിച്ച് ,ഇരുട്ടിനെ വരവേല്ക്കാന്‍ കാത്ത് നില്‍ക്കുന്ന ആളുകളെ കാണാം .എവിടെയും സര്‍വ്വത്ര സജീവമായി കാണുന്ന വഴി വിളക്കുകള്‍ !അതിനു അടുത്തായി മേശകള്‍ക്കു ചുറ്റും വട്ടമിട്ടിരിക്കുന്ന കുടുംബകളും. കുറെ പേര്‍ അവരുടെ ഊഴം കഴിഞ്ഞു ആ മേശയില്‍ സ്ഥാനം പിടിക്കാന്‍ കാത്തു നില്‍ക്കുന്നു .കൈയില്‍ ബിയര്‍ കുപ്പികളും .

യാതൊരു വിശേഷണവും ആ സ്ഥലത്തെ ക്കുറിച്ച് എടുത്തു പറയാനുമില്ല .യൂറോപ്പില്‍ പലയിടത്തും കണ്ടിട്ടുള്ളത് പോലെ തന്നെ .പബുകളും, ബാറുകളുംനിര നിരയായി കാണാം . അവിടെ നിന്നും ആവശ്യം ഉള്ള തു വാങ്ങി കുടിക്കാനും ,ഇഷ്ട്ടപ്പെട്ട ഭക്ഷണം പ്രിയപ്പെട്ടവരുടെ കൂടെ ഇരുന്നു കഴിക്കാനും ഒരു സ്ഥലം .

ഒരു ചരടില്‍ കോര്‍ത്തിണക്കിയപ്പോലെ എല്ലാവരും ചേര്‍ന്ന് ഇരിക്കുന്നു ,ജീവിതത്തില്‍ ഓര്‍ത്തു വിഷമിക്കാന്‍ ഒന്നും ഇല്ലാതെ ,എല്ലാം സന്തോഷമായി മാറുന്ന നീണ്ട നിമിഷകള്‍ മാത്രം അവര്‍ക്ക് സ്വന്തം . ഈ നദിയുടെ തീരത്തില്‍ വന്നിരിക്കുന്നവര്‍ കൂടുതലും കുടുംബം ആയിആണ് . കൂടെ കൊച്ചു കുട്ടികളെയും കാണാം . എവിടെ നോക്കിയാലും നല്ല തിരക്ക് ആയിരുന്നു .

ആ നദിയുടെ തീരത്തുള്ള ഒരു ഹോട്ടല്‍ ആണ് .

ഈ നദിയില്‍ കൂടി , ബോട്ടില്‍ യാത്ര ചെയ്യാം .ബോട്ടില്‍ കയറാനുള്ള നീണ്ട നിര കണ്ടത് കൊണ്ട് ആരും അതിനു പോകണം എന്ന് പറഞ്ഞില്ല .

കുറെ നടന്നു കഴിഞ്ഞപ്പോള്‍ എല്ലാവരും കൂടി ഭക്ഷണം കഴിക്കാന്‍ വേണ്ടി .ഒരു മെക്സിക്കന്‍

പബില്‍ കയറി .ഒരിടത്തും ഇരിക്കാനുള്ള സ്ഥലംഉണ്ടായിരുന്നില്ല .ഒരു മേശ കിട്ടുന്ന വരെ ബാര്‍ മേശയ്ക്ക് അടുത്ത് ത്തനെ ഇരിക്കാം എന്ന് അയാള്‍ സമ്മതിച്ചു .കുട്ടികള്‍ക്കും അവിടെ ഇരിക്കാം .കുട്ടികള്‍ അവിടെ ഇരുന്ന് നല്ല ഫ്രൂട്ട് ജ്യൂസ്‌ കുടിച്ചു .അപ്പോള്‍ ബാക്കി ഉള്ളവര്‍ എന്ത് കുടിച്ചു കാണും എന്ന് എല്ലാവരും ചിന്തിക്കാതെ .... ഞാന്‍ തന്നെ പറയാം .എന്റെ ആദ്യത്തെ pina colada അവര് എനിക്ക് തന്നതില്‍ കുറച്ച് കൂടുതല്‍ റം ചേര്‍ത്തിരുന്നു .കുട്ടികള്‍ക്കുള്ള ഡ്രിങ്ക് പോലെ അതെ നിറത്തില്‍ തന്നെ .എനിക്കും നല്ല ദാഹിച്ചിരിക്കുന്ന സമയം ആയിരുന്നു .അത് കൈയില്‍ കിട്ടിയതും വളരെ വേഗത്തില്‍ തന്നെ കുടിച്ചു .കുറച്ച് കുടിച്ചപ്പോള്‍ തന്നെ രുചി യില്‍ എന്തോ ഒരു മാറ്റം ഉള്ളതുപോലെ എനിക്ക് തോന്നിയിരുന്നു .എന്തിനുകൂടുതല്‍ പറയുന്നു .അവിടെ നിന്നും തല കറക്കവുമായി ഇറങ്ങി പോരേണ്ടി വന്നു .

കൂടെഉണ്ടായിരുന്ന ഷമി ന്റെ ചങ്ങാതി ,ആ ഡ്രിങ്കില്‍ വില കൂടിയ സാധനം ഉള്ളത് കൊണ്ട് ഒരു തുള്ളി പോലും കളയാന്‍ സമ്മതിച്ചുമില്ല .എന്ത് കളഞ്ഞാലും ''ഒരു തുള്ളി മദ്യം കളയരുത് ''എന്ന് എന്റെ അടുത്ത് നിന്നും പറഞ്ഞുകൊണ്ടേ ഇരുന്നു . അവര് കൂടെ ഉണ്ടായതു കൊണ്ട് മാത്രം എനിക്ക് അത് കുടിച്ചു തീര്‍ക്കേണ്ടി വന്നു .ഇനി എവിടെ പോയാലും എന്നോട് ചോദിക്കാതെ ഒരു ഡ്രിങ്ക് എനിക്ക് വേണ്ടി വാങ്ങരുത് എന്ന് ഷമിനോട് ഭീഷണി മുഴക്കി ആണ്ഞാനും അവിടെ നിന്നും പോന്നത് .

ആ പബ്ബില്‍നിന്നും രാത്രി ഭക്ഷണം കഴിച്ച് തിരിച്ചു ഹോട്ടലില്‍ വന്നു.പിറ്റേന്ന് രാവിലെ ചങ്ങാതിയും വീട്ടുക്കാരും തിരിച്ചു വീട്ടിലേക്കു പോയി .ഷമിന്‍ ഒരു ദിവസം കൂടി അവധി എടുത്തിരുന്നു .മൂന്ന് ദിവസം നടന്നു നടന്നു മടുത്തത് കാരണം അന്ന് രാവിലെ എല്ലാവരും വളരെ വൈകി ആണ് എഴുന്നേറ്റത് കൂടാതെ എനിക്ക് തലയില്‍ നല്ലപോലെ പിടിച്ചല്ലോ ആ കാരണവും പറഞ്ഞ് ഉച്ച ആയപ്പോള്‍ ആണ് എല്ലാവരും കണ്ണ് തുറന്നത് . .

സാന്‍ അന്റോണിയോ യില്‍ ആലമോ (ALAMO )കാണാന്‍ വേണ്ടി ഹോട്ടലില്‍ നിന്നും ഇറങ്ങി ..പോകുന്ന വഴിയില്‍ ,അവിടെ റിവേര്‍ സെന്റര് നു അടുത്ത് ഒരു IMAX തിയേറ്റര്‍ ഉണ്ടെന്നു മനസിലായി .ലണ്ടനില്‍ വച്ച് അവിടെ പോയി ഒരു സിനിമ കാണാന്‍ സാധിച്ചിട്ടില്ല .ആ ആഗ്രഹവും കൂടി തീര്‍ക്കാന്‍ വേണ്ടി എല്ലാവരും ഒരു സിനിമയ്ക്കു കയറി .(legends of flight)അത് കഴിഞ്ഞ് ഇറങ്ങിയപ്പോള്‍ തന്നെ നാല് മണി കഴിഞ്ഞു .പിന്നെ നേരെ ആലമോയിലേക്ക് ഒരു ഓട്ടം ആയിരുന്നു .അവിടെ അഞ്ചു മണി വരെ പ്രവേശനം ഉള്ളു എന്ന് അറിഞ്ഞിരുന്നു .

കുറച്ചു ദൂരെ നിന്നും നോക്കുമ്പോള്‍ ഒരു പഴയ സ്മാരകം തല ഉയര്‍ത്തി നില്‍ക്കുന്ന കാണാം .അതിനു അടുത്ത് എത്തിയപ്പോള്‍ ആ മതില്‍ വീഴാന്‍ നില്‍ക്കുന്നപ്പോലെ തോന്നി .

ദൂരെ നിന്ന് നോക്കുമ്പോള്‍

ഒരു മതില്‍ പോലെ തോന്നും .അതിനു പുറകില്‍ ഒരു കെട്ടിടം ഉണ്ടെന്ന് ഒട്ടും തോന്നിയില്ല ..അകത്തേക്ക് പ്രവേശനം ഫ്രീ ആണ് .അകത്തു കടന്നു കഴിയുമ്പോള്‍ ഒരു യുദ്ധത്തിന്റെ ഓര്‍മ്മക്കുറിപ്പ്‌ (Battle of the Alamo )എല്ലാം ചില്ലു പെട്ടികളിലാക്കി ,ഭദ്ര മായി സൂക്ഷിച്ചിരിക്കുന്നു .ഒരു പഴയ പള്ളി പോലെ തോന്നുന്ന സ്ഥലം. അവിടെ ഓരോ പെട്ടിയുടെ അടുത്ത് വന്നു സൂക്ഷ്മമായി വായിച്ചു നോക്കാനുള്ള സമയം കിട്ടിയില്ല . സമയം കഴിയുന്നതിനു മുന്‍പ് ബാക്കി കൂടി കാണാനുള്ള ശ്രമം ആയിരുന്നു ..പുറത്തേയ്ക്ക് വന്നപ്പോള്‍ കണ്ടത് മുത്തശ്ശി മാരെപോലെ നമ്മളോട് കഥകള്‍പറയാന്‍ വേണ്ടി വിതുമ്പി നില്‍ക്കുന്നപോലെ വലിയ കുറച്ച് വൃക്ഷങ്ങള്‍ !!

എത്രയോ വര്ഷം മുന്‍പ് ഈ മണ്ണില്‍ വളര്‍ന്നവര്‍ !! ഇവര് ആണ് ഇതിനു കാവല്‍ക്കാര്‍ എന്ന് തോന്നി പോകും . അതിനടിയില്‍ കൂടി നടക്കുമ്പോള്‍ ,കിളികളുടെ സ്വരവും ,അണ്ണാന്‍ കുഞ്ഞുകള്‍ ഓടി നടക്കുന്നതും കാണാം .ഒരു മരത്തില്‍ നിന്നും ,മറ്റൊരു മരത്തിലേക്ക് ചാടി നടക്കുന്ന ഇവരും ഈ ഇട്ടാ വട്ടത്തില്‍ നിന്നും പുറത്തു പോകാതെ ,തല മുറകളായി ഈ മണ്ണില്‍ ജീവിക്കുന്നവരും ആകാമല്ലേ എന്ന് എന്റെ മനസ്സില്‍ പറഞ്ഞു കൊണ്ട് അതിലൂടെ നടന്നു .കുട്ടികളും ഇത്ര വലിയ വൃക്ഷങ്ങള്‍ ജീവിതത്തില്‍ ആദ്യമായി കാണുന്നപ്പോലെ , വളരെ കൌതുകത്തോടെ അതിനു താഴെ വന്നു മുകളിലേക്ക് നോക്കി നില്‍ക്കും .ഒരു മരത്തില്‍ ഇരുന്ന് ഊഞ്ഞാല്‍ ആടാം .മരത്തില്‍ ഒന്നും കയറരുത് എന്ന്എല്ലായിടത്തും എഴുതി വച്ചിട്ടുണ്ട് .ചില മരങ്ങള്‍ കണ്ടാല്‍ കുറച്ച് പേടിയും തോന്നും .

ആലമോ യില്‍ വളരെ കുറച്ചു സമയം ആണ് ചിലവഴിക്കാന്‍ സാധിച്ചത് ., ആലമോ ക്ക് മുന്‍പില്‍ തന്നെ Memorial to the Alamo defenders കാണാന്‍ സാധിക്കും ..ഇത്ര വലിയ ചരിത്ര സ്മാരകം ആദ്യമായി ആണ് കണ്ടത് .അതിലെ ഓരോരുത്തരെ എടുത്തു നോക്കുമ്പോള്‍ അവര്‍ക്ക് എല്ലാം ജീവനുള്ളത് പോലെ തോന്നും . അതിനു അടുത്ത് തന്നെ ടെക്സാസ് ന്റെ കൊടിയുമായി

കാണുന്നത് Emily Morgan Hotel ആണ് .

സാന്‍ അന്റോണിയോയില്‍ കൂടി നടന്നപ്പോള്‍ വേറെ ഒരു കാര്യം

ഞാനും ഷമിനും ഒരുപോലെശ്രദ്ധിച്ചിരുന്നു ..ചുറ്റും കാണുന്ന ആളുകള്‍ സംസാരിക്കുന്നത് ഒന്നും നമുക്ക് മനസിലാവാത്ത ഏതോ ഭാഷ പോലെ .അമേരിക്കയില്‍ ആയിരുന്നിട്ടും ,ഇവരെല്ലാം സംസാരിക്കുന്നത് ഒരു വാക്ക് പോലും മനസിലാവുന്നില്ല .അവിടെ കൂടുതല്‍ മെക്സിക്കന്‍ ആളുകളെ ആണ് കാണാന്‍ സാധിച്ചത് .

യാത്രയുടെ അവസാനം ചരിത്രം ഉറങ്ങുന്ന മണ്ണില്‍ നിന്നും ആയത് വളരെ നല്ല ഒരു അനുഭവം ആയിരുന്നു .ആ സന്തോഷത്തില്‍ ഈ കടയില്‍ കയറി കുറച്ച് ,മധുരവും വാങ്ങി .ആ നാടിനോടും യാത്ര പറഞ്ഞു .

ഹാപ്പി ഈസ്റ്റര്‍

2011-04-23T15:28:00.000-07:00

കുറച്ച് ദിവസങ്ങള്‍ ആയി സൂപ്പര്‍ മാര്‍ക്കെറ്റില്‍ പോകുമ്പോള്‍ ,ഈസ്റ്റര്‍നു എന്തൊക്കെ ആണ് ഈ നാട്ടില്‍ പുതിയതായി കാണാന്‍ സാധിക്കുന്നത്‌ എന്ന് നോക്കി ,എന്‍റെ കുറെ സമയം പോയി എന്ന് പറയാം .അതിനിടയില്‍ പ്ലാസ്റ്റിക്‌ കൂടുകളില്‍ ,പലനിറത്തില്‍ കൂട്ടമായി ഇരുന്ന് ചിരിക്കുന്ന ഈസ്റ്റര്‍ എഗ്ഗ്സ് കാണാന്‍ ഇടയായി ..

ഇന്ന് രാവിലെ പതി നൊന്ന് മണിക്ക് ഇവിടെ അടുത്ത് EASTER EGG HUNT ഉണ്ടെന്ന് കേട്ടത് അനുസരിച്ച് അവിടേക്ക് പോയി .വീടിന് വളരെ അടുത്ത് ആണ് അത് നടക്കുന്നത് .ആ വഴിയില്‍ എത്തിയതും റോഡില്‍ മുഴുവന്‍ നിര നിരയായി കാറുകള്‍ കാണാം . പോലീസ് ആണ് കാറുകള്‍ അവിടേക്ക് തിരിച്ചു വിടുന്നത്. ഈ തിരക്ക് കഴിഞ്ഞ് അവസാനം പതി നൊന്ന് അടിച്ചപ്പോള്‍ അവിടെ എത്തി .ഒരു വലിയ ഗ്രൌണ്ട് നിറയെ ആളുകളും .കുട്ടികള്‍അവരുടെ കൈയില്‍ ഈസ്റ്റര്‍ ബക്കറ്റ്‌ ആയി നില്‍ക്കണം .അത് തന്നെ വേണം എന്ന് ഇല്ല .ഒരു ആള്‍ തലയില്‍ നിന്നും തൊപ്പി എടുത്തു കുട്ടി ക്ക് കൊടുക്കുന്ന കണ്ടു .കൈയില്‍ കിട്ടുന്ന എല്ലാ എഗ്ഗ്സ്,മിട്ടായി എടുത്തു ബക്കറ്റില്‍ ഇട്ടു വീട്ടില്‍ കൊണ്ട് പോകാം . കുട്ടികളുടെ പ്രായം അനുസരിച്ച് ആണ് നില്‍ക്കേണ്ടത് ചെറിയ കുട്ടികള്‍ക്ക് വേറെ തരം മിട്ടായിക്കള്‍ ആണ്കിട്ടുന്നത് . ഷമിന്‍, മോനെയും കൊണ്ടുവേറെ നിരയില്‍ പോയി നിന്നു .ഞാനും ,പാച്ചും കൂടിഅവളുടെ നിര കണ്ടു പിടിച്ച് എത്തിയപ്പോള്‍ തന്നെ ബെല്‍ അടിച്ചു .അത് കേള്‍ക്കേണ്ട താമസം കുട്ടികള്‍ എല്ലാം കൂടി മുന്‍പിലേക്ക് ഒരു ഓട്ടം .കൂടെ ചില അമ്മ മാരും ,അപ്പന്മാരും .ഞാന്‍ ഈ തമാശ നോക്കി നില്‍ക്കുമ്പോള്‍ പാച്ചു എന്തു ചെയുക ആണോ എന്ന് നോക്കാനും മറന്നില്ല .എല്ലാവരുടെയും പുറകില്‍ ആള് പതുക്കെ ഓരോന്നായി എടുത്തു ബക്കറ്റില്‍ ഇടുന്ന കാണാം .എല്ലാരും മുന്‍പിലേക്ക് ഓടിയപ്പോള്‍പാച്ചു കുറച്ചു നടന്ന് അവിടെ ചുറ്റുമുള്ള ഓരോന്ന് എടുത്തു ബക്കറ്റില്‍ ഇടും .അതിനിടയില്‍ അവിടെ നിന്നു വിളിച്ചു ചോദിക്കും ,

അമ്മാ, എഗ്ഗ്സ് എടുക്കണോ ,അതോ സ്വീട്സ് വേണോ ?

കൈയ്യില്‍ കിട്ടുന്ന എടുക്കാതെ അതിനിടയിലും തിരഞ്ഞു എടുക്കാന്‍ നിന്നാല്‍ എന്താവുമോ എന്ന് വിചാരിച്ചു ഞാനും . ഇനി ഇവള്‍ ഒന്നും എടുക്കാതെ നിന്നാല്‍ അപ്പനും ,മോനും കൂടി ബക്കറ്റ്‌ നിറച്ചു മിട്ടായി ആയി വരുമോ ?ജീവിതത്തില്‍ ആദ്യമായി നമ്മളും ഇത് കാണുന്നത് .ഒരു ഈസ്റെര്‍ എഗ്ഗ് പോലും കിട്ടാതെ പോരാനും പറ്റില്ലല്ലോ ?

നമ്മുടെ കുട്ടിക്കാലത്ത് മിട്ടായി പെറുക്കല്‍ എന്ന് പറയുന്ന ഒരു പരിപാടിആണ് എനിക്കപ്പോള്‍ ഓര്‍മ്മ വന്നത് .പ്യാരി മിട്ടായി എടുക്കാന്‍ വേണ്ടി ഓടിയിരുന്ന നമ്മുടെ കുട്ടിക്കാലം !!.ഇവിടെ ഈ പൊരിഞ്ഞ ചൂടില്‍ നിന്ന് കൈയില്‍ ബക്കറ്റ്‌ പിടിച്ച് പലനിറത്തില്‍ ഉള്ള മിട്ടായികള്‍ കൈ നിറച്ചും കിട്ടുമ്പോള്‍ ഇവര്‍ ഇതെല്ലം മനസ്സില്‍ സൂക്ഷിക്കുമോ ? ഈസ്റെര്‍ ആഴ്ച്ച ആവുമ്പോള്‍ പെസഹാ ,ദുഃഖ വെള്ളി ആ ദിവസത്തിന്റെ പ്രാധാന്യം ,അത് കഴിയുമ്പോള്‍ ഈ EASTER EGG HUNT വരും എന്ന് എങ്കിലും ഓര്‍ത്തിരുന്നാല്‍ ഭാഗ്യം !ഈ വര്‍ഷം കുട്ടികള്‍ക്ക് ഒരു നല്ല ഈസ്റ്റര്‍ ഓര്‍മ്മ ആയി ഇത് മനസ്സില്‍ തങ്ങി നില്‍ക്കട്ടെ എന്നും പ്രാര്‍ത്ഥിക്കാം .

ഞാന്‍ ഈ സ്വപ്നം കണ്ടു നില്‍ക്കുന്നതിനിടയില്‍, ഒരു പത്തു നിമിഷത്തിനുള്ളില്‍ ആ ഗ്രൌണ്ട് കാലി ആയി .ഇത്രയും നേരം ആകാംഷയോടെ കാത്തിരുന്നവര്‍ ,ഈ ആഘോഷം കഴിഞ്ഞ്,എല്ലാവരും അവര്‍ക്ക് കിട്ടിയ ഈസ്റെര്‍ എഗ്ഗ്സ് കൈയില്‍ പിടിച്ച് അവിടെ നിന്നും പിരിഞ്ഞു ..

വിചാരിച്ചപ്പോലെ മോനും മിട്ടായി അത്ര കിട്ടിയില്ല !!

'' എല്ലാവര്ക്കും ഹാപ്പി ഈസ്റ്റര്‍ ''

വിഷു ആശംസകളോടെ -

2011-04-12T09:22:00.000-07:00

ചുറ്റും തിരിഞ്ഞു നോക്കുമ്പോള്‍
ഒരു സന്തോഷം .
ഓരോ ഉണക്ക കൊമ്പിലും പൂക്കള്‍ വരാന്‍ തുടങ്ങിയിരിക്കുന്നു

പക്ഷെ ഒന്നും സ്വന്തമല്ല എന്ന് മാത്രം

ഓരോ വീടിനു മുന്‍പിലും

എത്തി നോക്കി കണ്ണുകള്‍ക്ക്‌ തന്നെ ഒരു മടുപ്പ്

.സ്വന്തമായത് എല്ലാം വിട്ടു പോയ ഒരു വിങ്ങല്‍

മനസ്സില്‍ തോന്നിയപ്പോലെ

എവിടെയും കാഴ്ച്ചകളും,
കാഴ്ച്ചക്കാരും ധാരാളം
ഈ കാടിനോട്‌ ചേര്‍ന്ന് ,
ചോലകളില്‍ ഒരു ഊഴവും കാത്തിരിക്കുന്ന
ഇവരും പുറത്തു വന്നിരിക്കുന്നു

എല്ലാവരുടെയും
നയനകള്‍ ഉടക്കി നില്ക്കാന്‍ വേണ്ടി മാത്രം
ഞാനും ഇവരില്‍ ഒരാളാവുന്നു
വര്‍ഷത്തില്‍ ഒരിക്കല്‍ മാത്രം
പൂത്തുലഞ്ഞു തീരുന്ന ഈ വിസ്മയം
തിരിച്ചു വരാന്‍ ഇനി ഒരു വര്ഷം കാത്തിരിക്കണം

                      ടെക് സാസ്  സ്റ്റേറ്റ് ഫ്ലവര്‍ -Bluebonnet

എല്ലാവര്ക്കും വിഷു ആശംസകളോടെ ,...

സാന്‍ അന്റോണിയോ സീ വേള്‍ഡ്(1)-- അമേരിക്ക

2011-03-29T06:51:00.000-07:00

അമേരിക്ക യിലേക്ക് ഉള്ള കൂടു മാറ്റം ഉണ്ടാക്കിയവിഷമം എല്ലാം കുറഞ്ഞു വരുന്നു .ഈ നാടിന്‍റെ വേഗതയില്‍ ഓടാന്‍ എല്ലാവരും പഠിച്ച് തുടങ്ങി .സംഭവ ബഹുലമായ ഓരോ ദിവസകള്‍ കടന്നു പോകുന്നു ,എന്നാലും ഈ നാടിന്‍റെ സ്വഭാവം മനസിനോട് ഇണക്കം ആയി വരുന്നു എന്നുള്ള ആശ്വാസം ഉണ്ട് .

കുട്ടികളുടെ സ്കൂളില്‍ സ്പ്രിംഗ് അവധി ആയിരുന്നു .ഇവിടെ അടുത്ത് എവിടെ എങ്കിലും അവരെ കൊണ്ട് പോയി കാണിക്കാം എന്ന് വിചാരിച്ചപ്പോള്‍ ,അടുത്ത് കാര്യമായി ഒന്നും കാണാനില്ല എന്നുള്ള സത്യം മനസിലായി .ഷോപ്പിംഗ്‌ ചെയ്യാന്‍ .ഭക്ഷണം കഴിക്കാനുള്ള സ്ഥലകള്‍ ഏത് മൂലയിലും കാണാം . ഒരുപാട് ദൂരം ഡ്രൈവ് ചെയ്തു പോയി കാണാനുള്ള സമയമില്ല .ഇവിടെ നിന്നും അഞ്ച് മണിക്കൂര്‍ യാത്ര ചെയ്തു സാന്‍ അന്റോണിയോ സീ വേള്‍ഡ് കാണാന്‍ പോകാം എന്ന് ആയി അവസാന തീരുമാനം . .വെള്ളി ആഴ്ച്ച രാവിലെ ഇവിടെ നിന്നും പുറപ്പെട്ടു ,പോകുന്ന വഴിയില്‍ കാണാന്‍ ഒന്നും ഉണ്ടായില്ല .ഒന്നാമതായി തണുപ്പ് കഴിഞ്ഞ് ,പൂക്കളും ചെടികളും തല പൊക്കി വരാന്‍ തുടങ്ങുന്നു .ഇടയ്ക്ക് മഞ്ഞ് വീഴ്ച്ചയും ഉണ്ടായിരുന്നു .ഇവിടെ തണുപ്പ് ആയിരുന്നാലും ചില ദിവസം നല്ല ചൂട് ആയിരിക്കും . ഈ നാട്ടില്‍ സൂര്യന്‍ എപ്പോളും കൂട്ടിനായി ഉണ്ട് .കരയുന്ന മുഖം ആയി ആകാശം കാണാന്‍അത്ര സാധിച്ചിട്ടില്ല .കുട്ടികള്‍ക്ക് ഏത് സമയത്തും പുറത്ത് കളിക്കാം . സൂര്യ പ്രകാശം കിട്ടുന്ന ഒരു നാട്ടില്‍ ജീവിക്കുന്ന സുഖം ഇപ്പോള്‍ അനുഭവിക്കുന്നു .ഇനി യാത്ര തുടരാം

സാന്‍ അന്റോണിയോ സീ വേള്‍ഡ് നു അടുത്ത് വെള്ളി ആഴ്ച്ച ഉച്ച കഴിഞ്ഞപ്പോള്‍ എത്തി .ടിക്കറ്റ്‌ ഓണ്‍ ലൈന്‍ വഴി എടുത്തിരുന്നു .രണ്ട് ദിവസത്തേക്കുള്ള ടിക്കറ്റ്‌ എടുത്തിട്ടുണ്ട് .സീ വേള്‍ഡ് നു അകത്ത് അത്ര സമയം ചെലവഴിക്കാന്‍ ഉണ്ടെന്ന് കേട്ടിരുന്നു .ടിക്കറ്റ്‌ വില അതാവശ്യം നല്ലപോലെ ഉണ്ട് .ഒരു വര്‍ഷത്തേക്കുള്ള പാസ്‌ ആയി വേണമെങ്കില്‍ എടുക്കാം .കാര്‍ പാര്‍ക്കിംഗ് വേറെ കാശ് കൊടുക്കണം .ഓഫീസ് നു അകത്ത് കയറി ടിക്കറ്റ്‌ വാങ്ങി നേരെ താമസിക്കാനുള്ള ഹോട്ടലില്‍ അടുത്തേക്ക് പോന്നു .രാത്രിയില്‍ പുറത്ത് നിന്നുള്ള ഭക്ഷണവുംകഴിഞ്ഞ്‌ സുഖം ആയി ഉറങ്ങി .ശനി ആഴ്ച്ച രാവിലെ എഴുന്നേറ്റ് ,ഹോട്ടലില്‍ നിന്നുംപ്രഭാത ഭക്ഷണം കഴിഞ്ഞ്‌ .നേരെ സീ വേള്‍ഡ് നു അടുത്തേക്ക് പോയി .ഞങളുടെ കൂടെ ഷമിന്‍ന്റെ കൂട്ടുക്കാരന്‍ അമരീഷ് കുടുംബവും , ഉണ്ടായിരുന്നു .അവര് ബോംബയില്‍ നിന്നും ഉള്ളവര്‍ ആണ് .

സീ വേള്‍ഡ് നു പുറത്ത് നില്‍ക്കുമ്പോള്‍ ,അകത്തു നിന്നുള്ള സ്വരം കേള്‍ക്കാന്‍ സാധിക്കും .അവധി സമയം ആയതു കൊണ്ടോ ,വളരെ തിരക്ക് ഉണ്ടായിരുന്നു .പുറത്ത് നിന്നുള്ള ഭക്ഷണം ഒന്നും അതിനു അകത്തേക്ക് കൊണ്ട് പോകാന്‍ അനുവദിക്കില്ല .ശനി ആഴ്ച്ച രാവിലെ മുതല്‍ വൈകിട്ട് ഒമ്പത് മണി വരെ സീ വേള്‍ഡ് തുറക്കും .അത് കാരണം ഇത്രയും തിരക്ക് കാണുന്നത് എന്ന് മനസിലായി .എല്ലാവരുടെയും ബാഗുകള്‍ സൂക്ഷ്മ മായി നോക്കാന്‍ കൊടുക്കണം . അതിനു അകത്തു കടക്കുമ്പോള്‍ കാണാന്‍ പോകുന്ന പരിപാടികളുടെ ലിസ്റ്റ് എടുക്കാന്‍ മറക്കരുത് .ഓരോ ന്നും വളരെ പ്രധാനപ്പെട്ടത് ആണ് .അതിന്റെ സമയം ,സ്ഥലം അതാവശ്യം മനസിലാക്കിയിട്ട് ,പതുക്കെ നടപ്പ് തുടങ്ങാം .കുട്ടികളെ ഈ മായാ ലോകത്തില്‍ നിന്നും തിരിച്ചു കൊണ്ട് വരാന്‍ വളരെ ബുദ്ധി മുട്ട് ആവും എന്ന് നടന്നു തുടങ്ങിയപ്പോള്‍ തന്നെ മനസിലായി .

എവിടെ നോക്കിയാലും സീ വേള്‍ഡ് നു അകത്ത് നമ്മളെ കാത്തിരിക്കുന്ന'' ഷാമു''നെ കാണാം .

കുട്ടികള്ക്കും ,പ്രായമായവര്‍ക്കും കളിയ്ക്കാന്‍ വേണ്ടി ,വാട്ടര്‍ പാര്‍ക്ക്‌ എല്ലാം ഇവിടെ ഉണ്ട് .കുട്ടികളെ പോലെ പ്രായമായവരും ഇതിനു അകത്ത് സന്തോഷപൂര്‍വ്വം കളിച്ചു നടക്കുന്നു .

സീ വേള്‍ഡ് നു അകത്ത് കൂടുതല്‍ തിരക്ക് ആവുന്നതിന് മുന്‍പ്കുട്ടികള്‍ ക്ക് എല്ലായിടത്തും നല്ല പോലെ കളിയ്ക്കാന്‍ സാധിച്ചു .ഇവിടെ ആളുകള്‍ക്ക് ഒരു ഭയവും ഇല്ല ,എവിടെ വേണമെങ്കിലും അവരുടെ ഹാന്‍ഡ്‌ ബാഗുകള്‍ വച്ചിട്ട് പോകാം .എന്റെ കൂട്ടുക്കാരി ഹാന്‍ഡ്‌ ബാഗ്‌ ഓരോ സ്ഥലത്ത് വച്ചിട്ട് പോകുമ്പോള്‍ ,ഞാന്‍ കൈയില്‍ പിടിക്കാം എന്ന് പറയും ,ഇവിടെ ഒന്നും പേടിക്കാനില്ല എന്നുള്ള അവരുടെ മറുപടി എനിക്കും അതിശയം തോന്നി .അവര് പറയുന്നത് സത്യം തന്നെ ആണെന്ന് ചുറ്റും നോക്കുമ്പോള്‍ എനിക്കും വിശ്വാസം ആയി .ആരും എന്റെ പോലെ കൈയില്‍ തൂക്കി നടക്കുന്നവര്‍ ഇല്ല ,വേണമെങ്കില്‍ അവിടെ സൂക്ഷിച്ച് വയ്ക്കാനും ഉള്ള സ്ഥലം ഉണ്ട് .

കുട്ടികളുടെ കളികള്‍ എല്ലാം കഴിഞ്ഞ് ആദ്യം കാണാന്‍ പോയത് SEA LION ടെ ഷോ ആയിരുന്നു .അത് തുടങ്ങുന്നതിന് ഒരു പത്ത് നിമിഷം മുന്‍പ് അവിടെ ചെന്നപ്പോള്‍ , കണ്ട കാഴ്ച്ച ഇത് ആയിരുന്നു .ആളുകള്‍ നേരത്തെ വന്നു ഇരിപ്പിടകള്‍ ഉറപ്പ് ആക്കി

ഇതിന് മുന്‍പ് ഇത് പോലെ ഒരു ഷോ കാണാന്‍ സാധിച്ചിട്ടുണ്ട് ,അത് കൊണ്ട് വളരെ ഇഷ്ടത്തോടെ ആയിരുന്നില്ല ഏറ്റവും പുറകില്‍ ഇരുന്നത്,പക്ഷെ ഈ ഷോ വിചാരിച്ചതിലും വളരെ രസ കരം ആയിരുന്നു !!

അത് കഴിഞ്ഞ്കുട്ടികള്‍ക്ക് ഈ റോളര്‍ കോസ്റെര്‍ പോലെ ഉള്ള ഇതില്‍ കയറാന്‍ ഒരു ആഗ്രഹം കൂടെഅമ്മയും ,അപ്പനും എല്ലാവരും കൂടി അതിനു വേണ്ടിയുള്ള നീണ്ട നിരയില്‍ കാത്തിരിപ്പ് തുടങ്ങി .എനിക്ക് പൊതുവേ ഇതുപോലെ ഉള്ള ഒന്നിലും കയറാന്‍ തോന്നാറില്ല ,എന്നാലും ഇതിനോട് ഒരു ചെറിയ സ്നേഹം തോന്നി .ഒരു അര മണിക്കൂര്‍ നേരത്തെ കാത്തിരിപ്പ് കഴിഞ്ഞപ്പോള്‍ അതിനു മുകളില്‍ കയറിയ രണ്ടു വഞ്ചികള്‍ അവിടെ അനക്കം ഇല്ലാതെ ഇരിക്കുന്നത് കാണാം .അവിടെ ഇരിക്കുന്നവരുടെ ഒരു സ്വരം പോലും കേള്‍ക്കുന്നില്ല .എത്ര ശാന്തമായി അവരെല്ലാം അതിനു മുകളില്‍ കുടുങ്ങി കിടക്കുന്നു !!.എന്ന് ഓര്‍ത്തു ഞാന്‍ നില്‍ക്കുമ്പോള്‍ ,എന്തോ അപകടം സംഭവിച്ചത് കാരണം ഇനി കുറച്ചു നേരത്തേക്ക് അത് പ്രവര്‍ത്തിക്കുന്നത് അല്ല എന്നുള്ള അറിയിപ്പ് കിട്ടി .ഇത് കേള്‍ക്കേണ്ട താമസം മുന്‍പില്‍ നിന്നിരുന്ന കുറെ ആളുക്കള്‍ അവിടെ നിരയില്‍ നിന്ന് ഓടി പോയി .അടുത്ത സ്ഥലത്തേക്ക് പോകാം എന്നും പറഞ്ഞു കുറെ പേര്‍ കൂടി പോയി .

.ഞാനും കുട്ടികളും കൂടി പതുക്കെ തിരിഞ്ഞു നടക്കാന്‍ തുടങ്ങിയപ്പോള്‍ ,അതിനു മുകളില്‍ നിന്നും ആ രണ്ടു വഞ്ചികള്‍ പതുക്കെ നീങ്ങി തുടങ്ങി .അതിന്റെ പ്രവര്‍ത്തനം വീണ്ടും പഴയ പോലെ ആയി എന്നുള്ള അറിയിപ്പ് കേള്‍ക്കാനും സാധിച്ചു . .മുന്‍പില്‍ ഉണ്ടായിരുന്ന നീണ്ട നിരയില്‍ വളരെ കുറച്ചു പേര്‍ മാത്രം ബാക്കി ആയി .ആ സന്തോഷത്തോടെ വേഗത്തില്‍ അകത്തേക്ക് കയറാന്‍ സാധിച്ചു .ഷമിനും മോനും ,മുന്‍പില്‍ തന്നെ സ്ഥാനം കിട്ടി .ഞാനും പാച്ചുവും ,കൂട്ടുക്കാരന്റെ മോളും രണ്ടാമത്തെ നിരയില്‍ ഇരുന്നു ,പുറകില്‍ മൂന്ന് നിരയില്‍ കൂടി ആളുകള്‍ ഉണ്ടായിരുന്നു .അതിനു മുകളില്‍ എത്തുന്ന വരെ എല്ലാരും സംസാരിച്ചിരുന്നത് ഓര്‍മ്മ ഉണ്ട് .താഴെ ക്ക് വീഴുന്ന സമയത്ത് ആരുടെ ഒക്കെയോ കരച്ചിലും ,സ്വരവും കേള്‍ക്കാം .ഞാന്‍ കണ്ണടച്ച് ഇരുന്നു എന്ന് പറയാം .താഴെ വന്നു ആ തണുത്ത വെള്ളം മഴ പെയ്യുന്നപോലെ എന്നെ തൊട്ടപ്പോള്‍ ഞാന്‍ കണ്ണ് തുറന്നു .പെട്ടന്ന് കുട്ടികള്‍ ഒക്കെ എവിടെ എന്നുള്ള ഭയം തോന്നി .അവരൊക്കെ തെറിച്ച് പോയോ എന്ന് പേടിച്ചുകണ്ണ് തുറന്നപ്പോള്‍ അവരുടെ ചിരിക്കുന്ന മുഖം കാണാന്‍ കഴിഞ്ഞു .നമ്മുടെ പോലെ പേടി ഒന്നും കുട്ടികള്‍ക്ക് ഉണ്ടാവില്ല . അതില്‍ നിന്നും ഇറങ്ങി വരുന്നവര്‍ എല്ലാം വളരെ സന്തോഷത്തോടെ ,ആ അനുഭവം പറഞ്ഞുകൊണ്ട് വഴി പിരിഞ്ഞു .

ഇത് AZUL എന്ന് പറയുന്ന അടുത്ത ഷോ ,ഡോള്ഫിനുകളും ,അതിനു കൂടെ നൃത്തം വയ്ക്കുന്ന ആളുകളും ,ബെലുഗാ വെയ്ല്‍സ്നെ ഒരു കളികൂട്ടുക്കാരിയുടെ പോലെ നീന്തി കളിച്ചു കൊണ്ട് പോകുന്ന ഒരു സ്ത്രീയും വളരെ വിസ്മയ കരമായ കാഴ്ച്ച ആയിരുന്നു !!

ബെലുഗാ വെയ്ല്‍സ് അതിന്റെ ഊഴം കഴിഞ്ഞിട്ടും ,ഈ നീന്തല്‍ കുളത്തില്‍ നിന്നും പുറത്തു പോകാന്‍ ഇഷ്ട്ടപ്പെടാതെ ,നീന്തി കളിച്ചു കൊണ്ടിരിക്കുകയായിരുന്നു .അതിനു വേണ്ടി ക്ഷമാപണം നടത്തി കൊണ്ടിരിക്കുന്നതിനിടയില്‍ അയാള്‍ പറയും .അവര്‍ക്കും മനുഷ്യരുടെപോലെ സ്വന്തമായ ഇഷ്ടകള്‍ കാണുമായിരിക്കും ,ഡോള്ഫിനുകള്‍ക്ക് സ്പ്രിംഗ് സമയം  അവരുടെ ഇണകളെ തിരക്കി നടക്കുന്ന സമയം ആണ് .അയാളുടെ സംസാരം നീണ്ടു പോകുന്നത് അല്ലാതെ ബെലുഗാ,പൂളില്‍ നിന്നും പുറകിലേക്ക് പോകുന്ന ഒരു ലക്ഷണവും കണ്ടില്ല ,അവസാനം പുറകിലെ പൂളിന്റെ വാതില്‍ തുറന്ന് ചങ്ങാതി മാരെ കണ്ടപ്പോള്‍ അവളും ആ സ്ഥലം കാലിയാക്കി അവിടെ നിന്ന് മടങ്ങി പോയി അത് വരെ അക്ഷമയോടെ  കാത്തിരുന്ന ആളുകള്‍ .യാതൊരു തിക്കും തിരക്കും ഇല്ലാത്ത ഒരു കൂട്ടം !!!

ഈ ഷോ കണ്ടു കഴിഞ്ഞപ്പോള്‍ ഉച്ചക്ക് ഭക്ഷണം കഴിക്കാന്‍ വേണ്ടിയുള്ള  അടുത്ത തിരക്ക് തുടങ്ങി ,അവിടെയും നീണ്ട ക്യൂ  .ഒരു മണിക്കൂര്‍ സമയം കാത്തിരുന്ന് ,അവസാനം ഭക്ഷണംകിട്ടി .കൂടെ ഉണ്ടായിരുന്ന കൂട്ടുക്കാരന് പ്രധാനമായ ഒരു ജോലി വന്നത്കാരണം തിരിച്ചു ഹോട്ടലില്‍ പോകേണ്ടി വന്നു ..ആള്‍ടെ ഭാര്യയും കുട്ടികളും കൂടെ ഉണ്ടായിരുന്നു . എല്ലാവരും
ഭക്ഷണം കഴിച്ചു തീരാന്‍ കുറച്ചു സമയം എടുത്തു .

ഷാമുവിനെ കാണാന്‍ എത്തിയപ്പോള്‍കുറച്ചു വൈകി പോയി .ഷോ തുടങ്ങി കഴിഞ്ഞിരുന്നു ,എന്നാലും അതിനു അടുത്തേക്ക്  വരുമ്പോള്‍  ,ആളുകളുടെ കൂട്ട കൈയടിയും   , ആര്‍പ്പു വിളികളും ദൂരെ നിന്നും കേള്‍ക്കാന്‍ സാധിച്ചിരുന്നു .ഷോ കണ്ടു പുറത്തു ഇറങ്ങിയപ്പോള്‍ ഒരു വിഷമം. ഇത് കാണാന്‍ വേണ്ടി ആയിരുന്നു ഇവിടേക്ക്ഞാന്‍ വന്നത് തന്നെ ,വളരെ പുറകില്‍ നിന്നും ഒന്നും അത്ര നല്ലപോലെ കാണാനും സാധിച്ചില്ല .ആ വിഷമം ആയി അവിടെ നിന്നും പോന്നത് .പിറ്റേ ദിവസം രാവിലെ മോന്‍ ഒരിക്കലും പറയാത്ത പോലെ അപ്പ യോട് എനിക്ക് ഒന്നും കൂടി ഷാമു ഷോ കാണണം .അവന്റെ ആഗ്രഹം കാരണം പിന്നെയും ഒന്ന് കൂടി സീ വേള്‍ഡ് കാണാന്‍ പോയി . ആ ദിവസം എടുത്ത ഫോട്ടോകള്‍ ആണ് താഴെ ഉള്ളത് .,ആ പൂളിന് അടുത്ത് ഇരിക്കുന്നവര്‍ക്ക് സ്പ്ലാഷ് സോണ്‍ ഉണ്ട് .ഷാമു അവിടെ നിന്നും വെള്ളം തട്ടുമ്പോള്‍ നനയാം .ആദ്യം ഞാനും പാച്ചുവും കൂടി കുറച്ചു മുന്‍പില്‍ പോയിരുന്നു .സീറ്റില്‍ ഇരുന്നപ്പോള്‍ മുതല്‍ ഇവിടെ ഇരിക്കണ്ടാ എന്ന് മനസ്സില്‍ ആരോ പറയുന്നപോലെ ,തോന്നി .വെറുതെ നനയണ്ടല്ലോ എന്ന് തീരുമാനിച്ചു പുറകില്‍ ഷമിന്‍ ടെ അടുത്ത് തന്നെ വന്നിരുന്നു .

അപ്പോള്‍ പാച്ചുനു പൂളിന്റെ അടുത്ത് ഇരിക്കാത്ത വിഷമം കണ്ടു ഷമിന്‍  കുട്ടികളെയും കൊണ്ട് കുറച്ചു കൂടി മുന്‍പിലെ സീറ്റില്‍ പോയിരുന്നു .ഞാന്‍ അവരുടെ പുറകില്‍ തനിച്ചു ഇരുന്നു .കുറച്ചു സമയം കഴിഞ്ഞപ്പോള്‍  ഷോ തുടങ്ങി വിചാരിച്ചപ്പോലെ വളരെ ഭംഗിയായി കാണാന്‍ സാധിച്ചു ..

''ഷാമു''എന്ന് വിളിക്കുന്ന ഇവരെ ഇത്ര സ്നേഹത്തോടെ ,പരിശീലിപ്പിച്ചു എടുക്കുന്നവരെ സമ്മതിക്കാതെ വയ്യ !!

അവിടെ കേള്‍ക്കുന്നപാട്ടിന്റെ ഈണം കേട്ട് നൃത്തം വയ്ക്കുന്ന ,വായില്‍ മീനുകള്‍ കഴിക്കാന്‍ കൊടുക്കുമ്പോള്‍ നന്ദി പറയാന്‍ പഠിച്ച ,കാണികളെ സന്തോഷിപ്പിക്കാന്‍ വേണ്ടി ഉയരത്തില്‍ ചാടി കൈയ്യടി വാങ്ങുന്ന'' ഷാമു '' ഒരു കാഴ്ച്ച തന്നെ ആയിരുന്നു .

ഷോ കഴിയാന്‍ സമയം ആവുമ്പോള്‍ എല്ലാ വശത്ത് വന്നു ,വെള്ളം തട്ടി തെറിപ്പിച്ചു കൊണ്ട് നന്ദി പറയും ,മുന്‍വശത്ത് ഇരിക്കുന്ന എല്ലാവരും കുളിച്ചപോലെ കാണാന്‍ സാധിക്കും .തലേ ദിവസം ഒരു ഷാമു ആണ് ഈ പരിപാടി ചെയ്തത് .രണ്ടാമത് കാണാന്‍ വന്ന ദിവസം രണ്ടു ഷാമുസ് വന്നു പുറത്തേക്കു വെള്ളം തട്ടി കൊണ്ടിരുന്നത് ,എന്റെ ഭാഗ്യം കൊണ്ട് ഞാന്‍ അവിടെഇരിക്കാതെ പുറകിലേക്ക് പോന്നത് .

ഒരുനല്ല കാഴ്ച്ച മനം നിറയെ കണ്ട സന്തോഷത്തില്‍ അവിടെ നിന്ന് പോന്നു ..അപ്പോളേക്കും കുട്ടികള്‍ പൂളില്‍ ഇറങ്ങണം എന്നുള്ള വഴക്ക് തുടങ്ങി .പൂളില്‍ ഇറങ്ങാന്‍ നേരം എല്ലാവരും അതിനു ചേരുന്ന വസ്ത്രം ധരിക്കണം .ഞാന്‍ മാത്രംപൂളില്‍ ഇറങ്ങാതെ അവിടെ ഒരു കസേരയില്‍ ഇരുന്നു .എന്റെ അടുത്ത് ഒരു അമേരിക്കന്‍ സ്ത്രീയും , അവരുടെ കൊച്ചു മോളും ഉണ്ടായിരുന്നു ,എന്നോട് സംസാരിക്കുന്നതിനിടയില്‍ അവര് ചോദിക്കും ,

നീ എന്താ പൂളില്‍ ഇറങ്ങാത്തത് ?
''പുഴയില്‍ കളിച്ച് വളര്‍ന്ന എനിക്ക് വെള്ളത്തില്‍ കളിയ്ക്കാന്‍ അത്ര തോന്നാറില്ല ,എന്ന് ഞാന്‍ ഉത്തരം പറഞ്ഞു .

അത് കേട്ടപ്പോള്‍ ആ പാവം സ്ത്രീ എന്നോട് പറഞ്ഞ വിഷമം ഇത് ആയിരുന്നു ..

ഇവിടെ വന്നിരിക്കുന്ന സ്ത്രീകളെ നോക്കുമ്പോള്‍ , അതില്‍ ഇറങ്ങാതെ ,ഇവിടെ ഇരുന്നത് ഒട്ടും ശെരിയായില്ല അല്ലെ ?ആ ചോദ്യം കേട്ട് ഞാനും തല ആട്ടി .പാവം വയ്യാത്തത് കൊണ്ട് ആവും ഇറങ്ങാതെ ഇരുന്നത് എന്ന് ഞാന്‍ ആത്മഗതം പറഞ്ഞു .
അവിടെ ഇറങ്ങാന്‍ പറ്റുന്ന രീതിയില്‍ ഉള്ള ഒരു സ്വിമ്മിംഗ് വസ്ത്രം കിട്ടിയില്ല അതായിരുന്നു കാരണം .അവരുടെ ശരീരത്തിന് അനുസരിച്ചുള്ള വസ്ത്രം എവിടെയും ഇനി കിട്ടില്ല എന്ന പേടി അവര്‍ക്ക് ഉണ്ട് .ആ പേടി കാരണം കഴിഞ്ഞ ഒരു വര്‍ഷമായി അവര് നല്ലപോലെ ശരീരം ശ്രദ്ധിക്കും .അടുത്ത വര്ഷം ഇവിടെ വരുമ്പോള്‍ തീര്‍ച്ചയായും പൂളില്‍ ഇറങ്ങണം എന്ന വാശിയും അവരുടെ സംസാരത്തില്‍ എനിക്ക് തോന്നി . ഒന്നര മണിക്കൂര്‍ അവിടെ ഞാന്‍ അവരുടെ സംസാരം കേട്ടിരുന്നു ..ഇവിടത്തെ ആളുകള്‍ക്ക് സംസാരിക്കാന്‍ ഒരു മടിയും ഇല്ല .ഒരു കടയില്‍ പോയാല്‍ പോലും വെറുതെ മിണ്ടാതെ നിന്നാല്‍ ,നമ്മളോട് നാലക്ഷരം പറയാതെ വിടില്ല .ലണ്ടനില്‍ നിന്നും ഇവിടെ വന്നപ്പോള്‍ ഏറ്റവും നല്ലതായി തോന്നിയ ഒരു കാര്യം അത് ആണ് .

കുട്ടികളും മതിയാവുവോളം വെള്ളത്തില്‍ കളിച്ചു . ചെറിയ തണുപ്പ് ഉള്ള ദിവസം ആയിരുന്നു .

ഇതിനു അടിയിലൂടെ പോകുമ്പോള്‍ ,ആളുകളുടെ കൂട്ട കരച്ചില്‍ കേള്‍ക്കാം .ഇത് പോലെ ഉള്ള ഓരോ പേടിപ്പിക്കുന്ന റോളര്‍ കോസ്റെര്‍ ഉണ്ടാക്കുന്നവരോട് എനിക്ക് വിഷമം ആണ് .ഇതൊക്കെ ഇഷ്ട്ടപ്പെടുന്നവരും ഉണ്ടാകുമല്ലോ അവര്‍ക്ക് വേണ്ടി ഇതൊക്കെ ഇവിടെ നില്‍ക്കട്ടെ ,എന്ന് മനസ്സില്‍ പറഞ്ഞു കൊണ്ട് അതിനു അടിയില്‍ കൂടി നടന്നു നീങ്ങി .

ഇവരും ഇവിടെ താമസക്കാര്‍ ആണ് .

ഒരു ദിവസം കൊണ്ട് ഇതെല്ലാം കണ്ടു തീര്‍ക്കാന്‍ വളരെ ബുദ്ധി മുട്ട് ആണ് ,രാവിലെ മുതല്‍ വൈകിട്ട് ഒമ്പത് മണി ഇവിടെ നടന്ന് മടുത്തു എന്ന് പറയാം .സീ വേള്‍ഡ് നു അകത്ത് നിന്ന് തന്നെ വൈകിട്ട് ഭക്ഷണം കഴിക്കാന്‍ ഇരുന്നപ്പോള്‍ ഷമിന്റെ കൂട്ടുക്കാരന്‍ അമരീഷ് തിരിച്ചു വന്നു .ജോലി തിരക്ക് വരുമ്പോള്‍ ,അവധി ആണെന്ന് പറഞ്ഞു ഒഴിയാന്‍ സാധിക്കാത്ത വിഷമം ആയി ജീവിക്കുന്ന കമ്പ്യൂട്ടര്‍ ക്കാരോട് എന്ത് പറയാന്‍ ആണ് .അതിനിടയില്‍ കൂട്ടുക്കാരന് ഒരു ആഗ്രഹം ,''ആ റോളര്‍ കോസ്റെര്‍ അതില്‍ ഒന്ന് കയറണം ''.ചോദിച്ചപ്പോള്‍ ആര്‍ക്കും വരാന്‍ താല്പര്യമില്ല എന്ന് മനസിലായതോടെ ആള് തനിച്ചു പോകാന്‍ തീരുമാനിച്ചു .ചങ്ങാതി പിണക്കം നടിച്ചു പോയപോലെ എനിക്കും ഷമിനും തോന്നി ..കുറച്ചു കഴിഞ്ഞപ്പോള്‍ വെറുതെ അവിടെ വരെ ഒന്ന് പോയി നോക്കാം എന്ന് വിചാരിച്ച് രണ്ടുപേരും കൂടി അവിടേക്ക് നടന്നു . അവിടെ കുറച്ചു പേരുടെ ക്യൂ കാണാം .അമരീഷ് അവിടെ നിന്ന് പിന്നെയും ഷമിനെ വിളിക്കും .എന്തായാലും അവന്‍ ഒരു ആഗ്രഹം പറഞ്ഞത് അല്ലെ ഞാനും പോയേക്കാം എന്ന് പറഞ്ഞ് ഷമിന്‍ ഒരു പോക്ക് പോയി .ആദ്യമായി അതിനു അകത്തു കയറാന്‍ പോകുന്ന പേടിയും കൂട്ടിന്ഉണ്ട് .

എനിക്ക് അതിനു അടിയില്‍ നിന്നിട്ട് ആളുകളുടെ അലര്‍ച്ചയും ,ബഹളവും കേള്‍ക്കാന്‍ ഒരു വിഷമം തോന്നി .. കുറച്ചു ദൂരെ മാറി ഇരുന്നാല്‍ അത് പോകുന്നത് കാണാന്‍ നല്ലപോലെ സാധിക്കും . ആ നദിയുടെ അടുത്തേക്ക് മാറി നിന്നു . കൂട്ടുക്കാര്‍ രണ്ടു പേരും കൂടി അതിനു മുകളില്‍ കൂടി പോയപ്പോള്‍ ഈ കാഴ്ച്ച കണ്ടു കാണുമോ എന്നുള്ള സംശയം ആയി ഞാന്‍നദിയുടെ തീരത്ത് കാത്തിരിപ്പ് തുടങ്ങി .അവരുടെ കൂടെ പോയിരുന്നാല്‍ അമ്പിളി മാമനെ തൊട്ടു അടുത്ത് നിന്ന് കണ്ടിട്ട് വരാമായിരുന്നു !! ഞാന്‍ ആ പൂര്‍ണ ചന്ദ്രനെ നോക്കി സ്വപ്നം മെനയുന്നതിനിടയില്‍ അവര് തിരിച്ചു വന്നു .ഷമിന്‍ അതിനു മുകളില്‍ കയറിയപ്പോള്‍ മുതല്‍ കണ്ണുകള്‍ അടച്ചിട്ടു താഴെ വന്നപ്പോള്‍ ആണ് കണ്ണ് തുറന്നത് എന്ന് പറഞ്ഞു .മുഖം കണ്ടാല്‍ മനസിലാവും ആ റോളര്‍ കോസ്റെര്‍ കാണുന്ന പോലെ തന്നെ ഭീകരം ആയിരുന്നു . അതും ഒരു അനുഭവം ആയിരുന്നുഎന്ന് എല്ലാവരും ആശ്വസിച്ചു .

ഓരോ യാത്രയും മനസിലൂടെ പുതിയ ഉണര്‍വുകള്‍ ആണ് .അതുപോലെ ഈ യാത്രയുടെ അവസാനം പൂര്‍ണ ചന്ദ്രനോട് കുറച്ചു നേരം കിന്നാരം പറഞ്ഞിരിക്കാന്‍ ആ നദികരയില്‍ സാധിച്ചു .. ഒരു നല്ല ദിവസത്തിന്റെ, ഓര്‍മ്മകള്‍ തിളക്കമുള്ള ചായം ചാലിച്ച്, മനസോടു ചേര്‍ത്ത് പിടിച്ചു കൊണ്ട് അവിടെ നിന്നും യാത്ര പറഞ്ഞു .

ഒരു സഫാരിയില്‍ കൂടി

2011-03-16T19:02:00.000-07:00

ഞാന്‍ എവിടെ ഒളിച്ചിരുന്നാലും എല്ലാവര്ക്കും കാണാമല്ലോ ?

എനിക്ക് ഇത് അല്ലാതെ വേറെ ഒരു പണിയും ഇല്ല

എന്റെ ജീവിതം ഇവിടെ തീരും

വല്ലതും കഴിക്കാനും സമ്മതിക്കില്ല

തിരക്ക് ആയാലും ഇവിടെ വിശ്രമം ഇല്ല

ഈ ഇളം വെയിലില്‍ ,വെറുതെ ഇരുന്നോട്ടെ ....

ഒരു മഴ വന്നിരുന്നാല്‍ ഒന്ന് കുളിക്കാമായിരുന്നു

എന്റെ ഈ ഭാവം എനിക്ക് തന്നെ മടുത്തു തുടങ്ങി

എന്നും കൂട്ടായ്മ !!

ഉറക്കം ,എന്നാലും ഓരോ അനക്കവും നല്ല പോലെ അറിയാം

എനിക്കിപ്പോള്‍ തിന്നാന്‍ വല്ലതും കിട്ടുമോ ?

ഞാന്‍ ശാന്തമായി ഇരിക്കാം

ഫോട്ടോ എടുക്കാന്‍ ഞാന്‍ കാത്തിരിക്കായിരുന്നു !!

എന്നെ ANACONDA എന്ന് ജനം പറയും ..

ചുമ്മാ ഇരിക്കാന്‍ അറിഞ്ഞു കൂടേ
..

ബേക്കണ്‍‌സ്കോട്ട്മോഡല്‍ വില്ലേജ്--ലണ്ടന്‍

2011-02-14T18:53:00.000-08:00

കുറച്ച് പഴയ ഫോട്ടോകള്‍ നോക്കിയതിനിടയില്‍ ഈ ഫോട്ടോകള്‍  കാണാന്‍ ഇടയായി ,ഒരു പഴയ യാത്രയുടെ ഏടുകള്‍  ബേക്കണ്‍‌സ്കോട്ട്മോഡല്‍

വില്ലേജ്, റെയില്‍വേ . ഒരു മൂന്ന് വര്‍ഷം മുന്‍പ്  ഇത്  കണ്ടിരുന്നു .ലണ്ടനില്‍ ഞാന്‍ കാണാത്ത കാഴ്ച്ചകള്‍ ഇനിയും എത്രയോ ബാക്കി ആണ് . ഈ ബേക്കണ്‍‌സ്കോട്ട്

വില്ലേജ് കാണാന്‍ പോയത് കുറച്ച് തണുപ്പുള്ള സമയത്ത് ആയിരുന്നു ,നാട്ടിലെ മോഡല്‍ വില്ലേജ് കണ്ട ഓര്‍മ്മ  വച്ച് ,ഇതിന് അകത്ത് കയറിയാല്‍ ഒരു ഞെട്ടല്‍ തന്നെ ഉണ്ടാവും . ചിലത് മുന്‍പില്‍ കാണുമ്പോള്‍ ,അതിന്‌ ശ്വാസം ഉണ്ടോ ,ഒന്നു തൊട്ടു നോക്കാന്‍ തോന്നും ,വേറെ ചിലതിനെ നമ്മുടെ കൈകളില്‍ എടുത്ത് താലോലിക്കാന്‍ തോന്നും .  ഒരു മനസ് തുടിക്കും .ഒരു ദിവസം മുഴുവന്‍അതിനകത്ത്   നടന്നു  കാണാനുണ്ട് ,എല്ലാം സൂക്ഷ്മമായി പഠിച്ച് ,ആ കലാ വിരുതുകള്‍ മനം നിറയെ കണ്ടു തിരിച്ച് പോരാന്‍ തോന്നില്ല .81 വര്‍ഷം പഴക്കമുള്ള ഈ മോഡല്‍ വില്ലേജ് ,ഇന്നും സുന്ദരമായികാണാന്‍ സാധിക്കുന്നത്‌ എല്ലാവര്‍ഷവും ഇത് കാണാന്‍ വരുന്ന ആളുകളുടെ തിരക്ക് കൊണ്ട് ആവണം .

Mr Callingham എന്ന ആള്‍ 1929 ല്‍ ആണ്  ഇത്  പൊതു ജനകള്‍ക്കായി തുറന്നു കൊടുത്തത് . അദ്ദേഹത്തിന്റെ വീടിന് അകത്ത് ഇരുന്ന മോഡല്‍ റെയില്‍വേ ,ഭാര്യയുടെ നിര്‍ബന്ധം മൂലം പുറത്ത് സ്ഥാപിക്കേണ്ടി വന്നു .മോഡല്‍ റെയില്‍വേ പുറത്ത് എടുത്ത്‌ വയ്ക്കാതെ ഇരുന്നാല്‍  ഭാര്യ ആ വീട്ടില്‍ നിന്നും ഇറങ്ങി പോകും എന്നുള്ള ഭീഷണി യും  അദ്ദേഹം കേള്‍ക്കേണ്ടി വന്നു എന്ന് ചരിത്രം പറയുന്നു .റെയില്‍വേ വീടിന് പുറത്ത് സ്ഥാപിച്ചതിന് ശേഷം Mr .Callingham അദ്ദേഹത്തിന്റെ തോട്ട ക്കാരനും കൂടി ,ഈ റെയില്‍വേക്ക് ചുറ്റും ,ഓരോ വീടുകളും ഉണ്ടാക്കാന്‍ തുടങ്ങി ഒരു കൊച്ചു പട്ടണത്തില്‍  കാണാന്‍ പറ്റുന്ന എല്ലാം അവര് അതിനകത്ത് സ്ഥാപിച്ചു ..അദ്ദേഹത്തിന്റെ ആ വലിയ വീട്ടില്‍ ലണ്ടനില്‍ നിന്നുമുള്ള പണക്കാരായ ആളുകള്‍ വിരുന്നിനു വരുമായിരുന്നു ,അവര്‍ക്ക് കളിയ്ക്കാന്‍ വേണ്ടിയുള്ള ടെന്നീസ് കോര്‍ട്ട് ,ഒരു വലിയ ഗാര്‍ഡന്‍ ആ വീടിന് ചുറ്റും ഉണ്ടായിരുന്നു .

വീട്ടില്‍ വരുന്ന അതിഥി കള്‍ക്ക് വേണ്ടി അദ്ദേഹം ആ പൂന്തോട്ടം ഒരു പരീക്ഷണ ശാല ആക്കി മാറ്റി ,അദേഹത്തെ  സഹായിക്കാന്‍ അവിടെയുള്ള സ്കൂള്‍ കുട്ടികളും വരുമായിരുന്നു ,കൊച്ചു കൊച്ചു വീടുകളും ,ആശുപത്രി ,സ്കൂള്‍ ,പോസ്റ്റ്‌ ഓഫീസ് ,ആരാധനാലയം ,റെയില്‍വേ സ്റ്റേഷന്‍ ,ഒരു കൊച്ചു പട്ടണത്തില്‍ നമുക്ക് കാണാന്‍ പറ്റുന്ന എല്ലാം ആ പൂന്തോട്ടത്തില്‍ ഉണ്ട് .ഇതിന് ചുറ്റുമായി ചൂളം വിളിച്ചു ഓടുന്ന ട്രെയിനുകളും .നദികരയില്‍ കാറ്റില്‍ ആടുന്ന തോണികളും ,റിമോട്ട്  ഉപയോഗിച്ച് പ്രവര്‍ത്തിപ്പിക്കാവുന്ന ബോട്ടുക്കള്‍ ,  ഫുട്ബാള്‍ കളിക്കുന്ന കളിക്കാര്‍ , റഗ്ബി ചുവടുകള്‍ പഠിക്കുന്ന തടിയന്മാരയായ ആളുക്കള്‍ ,

ഈ മോഡല്‍ വില്ലേജ് കാണാന്‍ ടിക്കറ്റ്‌ എടുക്കണം ,ലണ്ടനില്‍ നിന്നും ഒരു പിക്നിക്‌ പോലെ പോകാന്‍ പറ്റിയ ഒരു സ്ഥലമാണിത് .അവിടെ കുട്ടികളുടെ പിറന്നാള്‍ പാര്‍ട്ടി കളും നടത്താം .നല്ല തണുപ്പുള്ള  സമയത്ത് ഇത് തുറക്കില്ല ,സിമന്റും ,ഇഷ്ട്ടികളും കൂട്ടി ചേര്‍ത്ത് ഉണ്ടാക്കിയ ഈ മായാ കാഴ്ച്ചകള്‍ ഈ തോട്ടത്തിലൂടെ എല്ലാവരും ഒന്ന്‌ നടന്നു നോക്കൂ ,ഓരോ ദിവസവും നിറം മാറുന്ന സ്വഭാവമുള്ള മനുഷ്യന്മാരേക്കാള്‍ എത്രയോ സുന്ദരം ,ഈ മരപാവകളുടെയും , കൊച്ചു വീടുകളുടെയും കൂടെ നടക്കുന്നത് ,ഞാന്‍ ഇതെല്ലാം വല്ലാതെ ഇഷ്ട്ടപ്പെടുന്നു ..........

ഇതൊക്കെ ഇത്ര ഭംഗിയായി ,വൃത്തിയായി വയ്ക്കുന്നത് കാണുമ്പോള്‍ ,എത്രയോ വര്‍ഷം മുന്‍പ് ഉണ്ടാക്കി വച്ചത് ആണ് ,എന്നിട്ടും അഴുക്കും പൊടിയും ഒന്നും ഇല്ലാതെ

ഏതോ ഒരു കോണ്‍വെന്റ് തോട്ടത്തില്‍ പണി ചെയ്യുന്നവര്‍

ലണ്ടന്‍ ലെ ഗ്രാമത്തിലേക്ക് പോകുമ്പോള്‍ ഇതുപോലെ വലിയ വീടുകള്‍

കാണാം ,വലിയ പൂന്തോട്ടവും ,വീടിന് ചുറ്റും വലിയ മതില്‍ ഒക്കെ കെട്ടി യിട്ടുണ്ടാവും

എനിക്ക് ഏറ്റവും ഇഷ്ട്ടപ്പെട്ടത്‌ ഈ അവസാന രണ്ട് ഫോട്ടോകള്‍ ആണ് . ഇതിനിടയില്‍ ഒരു മരത്തില്‍ ചെറിയ കിളിക്കൂട്‌ കണ്ടിരുന്നു .

രാമച്ചം

2011-01-25T07:38:00.000-08:00

അതിരാവിലെ വളരെ തിടുക്കത്തോടെ ആണ് ആതിര എഴുന്നേറ്റത് ,ഉടുപ്പുകള്‍ എല്ലാം ബാഗില്‍ എടുത്ത്‌ വയ്ക്കണം അടുത്തൊരു മാസം അമ്മയുടെ വീട്ടില്‍ ആണ് അവധിക്കാലം .സന്ധ്യ ആവുമ്പോള്‍ അമ്മാവന്റെ കൂടെ അമ്മയുടെ വീട്ടിലേക്ക് പോകണം .പോകുന്ന വഴിയില്‍ അമ്മാവന്‍ ആതിരയ്ക്ക് ഇഷ്ടമുള്ള മധുര പലഹാരകള്‍ എല്ലാം വാങ്ങി തരും ,ചിലപ്പോള്‍ അമ്മയും കൂടെ ഉണ്ടാവും .അമ്മ കുറച്ചു ദിവസം സ്വന്തം വീട്ടില്‍ നിന്നിട്ട് തിരിച്ച് പോകും .അമ്മയുടെ വീട്ടില്‍ വേറെയും കുട്ടികള്‍ അവധിയ്ക്ക് വരും .അവരെല്ലാവരും കൂടി മധുര പലഹാരകള്‍ കഴിച്ച് തീര്‍ക്കുന്നതിന് മുന്‍പ് ആതിര ആരും അറിയാതെ ഒരു വീതം അതില്‍ നിന്നും മാറ്റി വയ്ക്കും .ആ പൊതി അടുത്ത വീട്ടിലെ പാറൂട്ടി ക്കും ,കിച്ചുവിനും കൊടുക്കുവാന്‍ ആണ് ,ആ മധുര പലഹാരവുമായി അവരെ പോയി കാണണം എന്ന് ഓര്‍ത്തിട്ട് ആവും അമ്മ വീട്ടിലേക്കുള്ള യാത്ര തുടങ്ങുന്നത് .

തറവാട്ട്‌ പറമ്പിലൂടെ നടന്ന് ,കശുമാവിന്‍ തോട്ടത്തില്‍ കൂടി കടന്നു വേണം അവരുടെ വീട്ടില്‍ എത്താന്‍ .തോട്ടത്തില്‍ കൂടി നടക്കുമ്പോള്‍ വളരെ സൂക്ഷിക്കണം ,പാമ്പുകള്‍ ഉള്ള സ്ഥലം ആണ് .ചില പാമ്പുകള്‍ കശുമാവില്‍ തൂങ്ങി കിടക്കും . ആ പാമ്പിനെആരെങ്കിലും കണ്ടുകഴിഞ്ഞാല്‍ കൊല്ലാന്‍വേണ്ടി അടുത്ത വീട്ടില്‍ നിന്നും ആളുകള്‍ വരും .പാമ്പ് ജീവനും കൊണ്ട് വിറകു പുരയില്‍ കയറും ,ആ വിറകുകള്‍ എല്ലാം എടുത്ത്‌ പുറത്തിട്ട് പാമ്പിനെ അവരെല്ലാം കൂടി തല്ലി കൊല്ലും . അതൊക്കെ അവധിക്കാലത്ത്‌ അവിടെ നടക്കുന്ന പരിപാടികള്‍ ആണ് .തറവാട്ടിലെ ആരും കാണാതെ വേണം ആതിരയ്ക്ക് മധുര പലഹാര പൊതിയുമായി ,ആ ചപ്പും ,ചവറുകളും നിറഞ്ഞ വഴിയിലൂടെ നടക്കാന്‍ ,മഴക്കാലം ആയാല്‍ കൂടുതല്‍ ശ്രദ്ധ വേണം ,ചിലപ്പോള്‍ ചവിട്ടുന്നത് വലിയ തവളയുടെ മുതുകില്‍ ആവും .ഈ പേടി ഒക്കെ കൂടെ ഉണ്ടായാലും ആ പൊതിയുമായി അവരെ പോയി കാണും . പാറൂ ന്‍റെ വീട്ടില്‍ ചെന്ന് ആ പൊതികള്‍ അവരെ ഏല്പിച്ചു കഴിയുമ്പോള്‍ ,ആതിരയുടെ അവധിക്കാലത്തിന് ഒരു തുടക്കമാവും .രാവിലെ മുതല്‍ തുടങ്ങുന്ന കളികള്‍ ,പാടത്തും .പറമ്പിലും ,തോട്ടില്‍ കുഞ്ഞുവരാലിനെ പിടിച്ചും, അവസാനം ആ പിടിച്ച മീനുകളെ എല്ലാം ആ തോട്ടിലേക്ക് തന്നെ വിടും . ഞാവല്‍ പഴത്തിന്‍റെ കറ ,ഉടുപ്പില്‍ തേയ്ച്ചും മാവിന്‍ മുകളില്‍ കയറി മൂത്ത മാങ്ങ പറിച്ച് ,മുളക് കൂട്ടി കഴിക്കലും ആണ് പ്രധാന വേനല്‍ അവധിക്കാല പരിപാടികള്‍ !!.ഇതെല്ലാം കഴിഞ്ഞ് വൈകുനേരം ആവുമ്പോള്‍ തറവാട്ട്‌ കുളത്തില്‍ കുളിക്കാന്‍ പോകും .അവിടെ കുട്ടികളുടെ കൂടെ മുതിര്‍ന്നവരും ഉണ്ടാകും ..പാറൂട്ടിയും , കിച്ചുവും അവരുടെ കൂടെ അമ്മയും വരും . .പെണ്‍കുട്ടികള്‍ മുതിര്‍ന്നതോടെ ,അവര് ആദ്യം കുളിക്കാന്‍ പോകും .പറഞ്ഞ സമയത്തിനുള്ളില്‍ കുളി കഴിയാതെ ഇരുന്നാല്‍ കുളത്തിലേക്ക്‌ വലിയ കല്ലുകള്‍ വന്നു വീഴും . അവരുടെ കുളി കഴിയുന്നവരെ, ബാക്കി കുട്ടികള്‍ ആ കശുമാവിന്‍ തോട്ടത്തില്‍ .പച്ചയും ,മഞ്ഞയും ,ചുവപ്പും നിറത്തിലുള്ള കശു മാങ്ങയോട് കിന്നാരം പറഞ്ഞു നടക്കും ..

പാറൂന്‍റെ അമ്മക്ക് ആതിരയെ വലിയ ഇഷ്ട്ടമാണ് .അവര് കുളി കഴിഞ്ഞ് പോകുമ്പോള്‍ അവരുടെ വീട്ടിലേക്ക് ആതിരയെയും കൊണ്ടു പോകും .ബാക്കി കുട്ടികള്‍ക്ക് അവരുടെ കൂടെ പോകാന്‍ വലിയ ഇഷ്ട്ടമില്ല .പാറുന്‍റെ വീട് തറവാട് വീടിനേക്കാള്‍ കുറച്ച് ചെറിയ വീട് ആണ്..അവരെല്ലാം അറിയപ്പെടുന്ന വൈദ്യന്മാര്‍ ആണ് .എന്നാലും ആ പെരുമ വീട്ടില്‍ കാണാന്‍ സാധിക്കില്ല .പഴയ വീടും , മച്ചും ,മേല്‍ക്കൂരയുംഎല്ലാം വളരെ പഴക്കം ഉള്ളത് ആണ് .വീടിന് അകത്ത് കയറിയാല്‍ ഈട്ടിതടിയില്‍ ഉണ്ടാക്കിയ കലാവിരുതുകള്‍ കാണാം ,ആതിരയ്ക്ക് ആ വീടിനോടുള്ള സ്നേഹം അതായിരുന്നു .തറയില്‍ തൊടുമ്പോള്‍ കിട്ടുന്ന തണുപ്പ് .ആ വീടിന്‍റെ അടുത്ത് എത്തുമ്പോള്‍ മരുന്നുകളുടെ മണം ആണെന്ന് എല്ലാവരും പരാതി പറയും .ആതിരയ്ക്ക് ആ പച്ച മരുന്നുകളുടെ മണം ആയിരുന്നു കൂടുതല്‍ ഇഷ്ട്ടം .കിച്ചുവും പാറൂട്ടിയും കൂടി ആതിരയെ മരുന്നുകള്‍ ഉണ്ടാക്കുന്ന മുറിയുടെ അകത്ത് കൊണ്ടു പോകും .അവര് മൂന്ന് പേരും ഒരേ പ്രായക്കാര്‍ ആണ് .

ആ മുറിയില്‍ മരുന്നുകള്‍ ഉണ്ടാക്കാനുള്ള വലിയ വാര്പ്പുകള്‍ നിരത്തി വച്ചിരിക്കും ,മുറിയുടെ ഓരോ മൂലയിലും പല തരം ഇലകളും ,വാടിയ മരക്കൊമ്പുകള്‍  ,തുളസിയും ,കീഴാര്‍നെല്ലി ,വയമ്പ് ,ബ്രഹ്മി ,പനികൂര്‍ക്ക ഇതുപോലെ ഉള്ള  ചെടികളും കാണും .പേര് അറിയാത്ത കുറെ പൊടികളും അതിന്‌ അടുത്ത് തന്നെ ഉണ്ടാവും .കുഴമ്പ്  ,രസായനവും ,ലേഹ്യവും എല്ലാ  മരുന്നുകളും  അവിടെ ആണ് ഉണ്ടാക്കുന്നത് . .മരുന്നിന്റെ കുറിപ്പ് എല്ലാം  കിച്ചുന്റെ  അച്ചന്‍ പറഞ്ഞു കൊടുക്കും .അതെല്ലാം വാര്‍പ്പില്‍ഇട്ട്  ഇളക്കി ഉണ്ടാക്കാന്‍  ഒരു   ആള്‍ അവിടെ എപ്പോളും കാണും . .അയാളെ കണ്ടാല്‍ ആതിര ഓരോ ചോദ്യം    ആരംഭിക്കും ,അടുത്ത വീട്ടില്‍ നിന്നും അതിഥി ആയി വന്ന ഒരു പരിഗണന  കൂടി  ആതിരയ്ക്ക് ആ വീട്ടില്‍ കിട്ടിരുന്നു .അത് കൊണ്ടു എന്ത് ചോദിച്ചാലും  അയാള്‍ ഉത്തരം തരും .ആദ്യം മരുന്ന്‌ ഉണ്ടാക്കുന്ന മുറിയില്‍ കയറിയിട്ട് ആവും ആതിര  പാറൂ ന്‍റെ വീട്ടില്‍ കയറുന്നത് .വീടിന് അകത്ത് കയറിയാല്‍ ആതിരയും പാറുവും കൂടി കുറച്ച് നേരം തിരുവാതിര  കളിക്കും ,പുതിയ ചുവടുകള്‍ പഠിക്കുന്നതിന്‍റെ ഭാഗം ആണ് ,ആ വര്‍ഷം സ്കൂളില്‍ പുതിയതായി പഠിച്ച  ഡാന്‍സ് കളിച്ചു കാണിക്കും .യാതൊരു വിമ്മിഷ്ട്ടവുമില്ലാതെ ,അത് കളിച്ചു കാണിക്കാന്‍ രണ്ടുപേര്‍ക്കും സാധിക്കുമായിരുന്നു  . രണ്ടുപേര്‍ക്കും ചുവട് തെറ്റാതെ താളം പിടിക്കാനുള്ള  ഒരു വേദി കൂടി  ആയിരുന്നു .

ഈ സമയം കിച്ചു അമ്മയുടെ കൂടെ  അടുക്കളയില്‍ ആവും .
അതിനിടയില്‍ കിച്ചുവിന്‍റെ അമ്മ നല്ല പഴം പൊരിയും ,അച്ചപ്പം ഉണ്ടാക്കി തരും .അതെല്ലാം കഴിച്ച്,നേരം ഇരുട്ടി തുടങ്ങുമ്പോള്‍  രണ്ട് പേരും ആതിരയെ വീട്ടില്‍ കൊണ്ടു വിടും ..പറമ്പില്‍ കൂടി നടക്കാതെ,റോഡ്‌ വഴി സൈക്കിള്‍ ചവിട്ടി കിച്ചുവും ,പാറുവും ആതിരയെ വീട്ടില്‍ കൊണ്ടു പോയി ആക്കുന്നത് .പാറൂ ആ സൈക്കിള്‍ നു പിന്നാലെ ഓടും .ആതിര വലിയ ഗമയില്‍ കിച്ചുവിന്‍റെ പുറകില്‍ ഇരിക്കും .തറവാടിനു മുന്‍വശം എത്തുമ്പോള്‍ സൈക്കിള്‍ ടെ ചക്രകള്‍ പതുക്കെ നില്‍ക്കും ,ആതിര ചാടി താഴെ ഇറങ്ങും .മൂന്ന് പേരും വളരെ നല്ല കുട്ടികളായി ,തറവാട്ടിലേക്ക് നടക്കും .കിച്ചുവും പാറുവും കൂടി ഒരുമിച്ച് സൈക്കിള്‍ ഓടിച്ച് അവരുടെ വീട്ടിലേക്ക് പോകും .ആതിരയെ നോക്കി ,ഒരു വിട പറയല്‍,കൈയില്‍  ,രാമച്ചം ,പയര് പൊടി ,അതെല്ലാം കൂടി ഒരു പൊതിയും ഏല്‍പ്പിക്കും    അതാവും  ആ ദിവസത്തിന്‍റെ  ബാക്കി ,ഇനി ഒരു വര്‍ഷം കാത്തിരിക്കണം ,അതുപോലെ ഒരു നല്ല ദിവസം ദിവസത്തിനുവേണ്ടി ,ഓരോ അവധിക്കാലവും  ഇതുപോലെ നല്ല ഓര്‍മ്മകള്‍ ആയി കടന്നു പോയി .

ആതിരയ്ക്ക് ആറാം ക്ലാസ്സിലെ വേനല്‍ ,അവധിക്കാലത്ത്‌   മഞ്ഞപിത്തം  കാരണം,ആരുടേയും വീട്ടില്‍ പോകാന്‍ സാധിച്ചില്ല  .സ്കൂള്‍ തുറക്കുന്നതിന് മുന്‍പ് അമ്മയുടെ വീട്ടില്‍ പോകണമെന്ന ആതിരയുടെ വാശി കാരണം ,വീട്ടില്‍ അവസാനം സമ്മതിച്ചു .രണ്ട് ദിവസം അവിടെ പോയി നില്‍ക്കാമെന്ന് പറഞ്ഞ് അമ്മ ആതിരയും  കൂട്ടി അമ്മയുടെ വീട്ടിലേക്ക്  പോയി .പോകുന്ന വഴിയില്‍ മധുര  പലഹാരകള്‍  ഒന്നും വാങ്ങാന്‍ സാധിക്കാതെ ഉള്ള യാത്ര  ആയിരുന്നു .തറവാട്ടില്‍ എത്തിയ ദിവസം   തന്നെ പാറുവിനെയും ,കിച്ചുവിനെയും കാണാന്‍ പോകണമെന്നുള്ള വഴക്കായി .ആ രാത്രിയില്‍ എവിടെയും  പോകണ്ട എന്ന വഴക്ക് കേട്ട് ആതിര അന്ന്  ഉറങ്ങിയത്  .രാവിലെ അവരുടെ വീട്ടിലേക്ക് പോകുന്ന വഴിയില്‍ ,അമ്മയോടും ആതിരയുടെ കൂടെ പോകാന്‍ അമ്മാവന്‍നിര്‍ബന്ധമായി  പറഞ്ഞു .

അവരുടെ വീട്ടിലേക്ക് ഒരിക്കലും ഒരു വഴി വിളക്ക് ആയി ആരും കൂടെ വരാറില്ല എന്ന് മനസ്സില്‍ വിചാരിച്ച് കൊണ്ട്‌ ആതിര അവരുടെ വീട്ടിലേക്ക് നടന്നു .അവിടെ എത്തിയപ്പോള്‍ ആരെയും  മുന്‍വശത്ത് കണ്ടില്ല .പാറുന്‍റെ അമ്മ പുറത്തുള്ള സ്വരം കേട്ട് മുന്‍വശത്തെ വാതില്‍ തുറന്നു .ആതിരയെ കണ്ടപ്പോള്‍  ,അമ്മയുടെ വിങ്ങുന്ന മുഖം ,പൊട്ടിക്കരയാന്‍ തുടങ്ങി .ആതിരയോട് കിച്ചുവും ,പാറുവും അവിടെയില്ല  എന്ന് അവര്‍ സ്വരത്തില്‍ പറഞ്ഞുകൊണ്ടേ യിരുന്നു  .ഒന്നും മനസിലാവാതെ ,നിന്ന ആതിരയെ അമ്മ സ്നേഹത്തോടെ ചേര്‍ത്തു പിടിച്ച് ,നമുക്ക് പിന്നെ വരാം എന്ന് പറഞ്ഞു തിരിച്ച് പോകാന്‍ തുടങ്ങി .ആ സമയം  കിച്ചു ആ വഴി സൈക്കിള്‍ ആയി വരുന്നത് ആതിര കണ്ടത് .ആതിരയെ കണ്ടതോടെ കിച്ചുവിന്റെ മുഖം ,വിങ്ങി പൊട്ടി  വിതുമ്പുവാന്‍   തുടങ്ങി ,ആതിരയുടെ കൈയും പിടിച്ചു അവന്‍ അകത്തേക്ക് കൊണ്ടു പോയി .

അകത്തെ മുറിയില്‍ ,ചുരുണ്ട് കൂടി കിടക്കുന്ന പാറൂട്ടിയെ കണ്ടപ്പോള്‍ ആതിരയും പൊട്ടിക്കരയാന്‍ തുടങ്ങി .ശരീരം മുഴുവന്‍ പൊട്ടി ഒലിച്ച് ,നീറുന്ന വേദനയോടെ കിടക്കുന്ന പ്രിയ കൂട്ടുക്കാരിയെ, ആതിരയെ കണ്ടതോടെ ,അവളുടെ കാലുകള്‍ പുതപ്പ് കൊണ്ടു പതുക്കെ മൂടി വച്ചു . .പൊള്ളല്‍ ഏറ്റു കിടക്കുന്ന ആ ശരീരം  ..കുറച്ച് ദിവസകള്‍ മുന്‍പ് കഷായം ഉണ്ടാക്കുന്ന മുറിയില്‍ കിച്ചുവും ,പാറുവും കൂടി ഓടി കളിക്കുന്നതിനിടയില്‍ അറിയാതെ കാല് തെറ്റി ആ വാര്‍പ്പിലേക്ക്‌ വീണു .ആ വാര്‍പ്പില്‍  നിന്നും കിച്ചു പാറുവിനെ പൊക്കി എടുത്തു .തിളയ്ക്കുന്ന കഷായത്തിലേക്ക്  വീണ സഹോദരിയെ ,എടുത്തു നേരെ പൈപ്പ് നു താഴെ കൊണ്ട്‌ പോയി ഇരുത്തി ..അവരെ  സഹായിക്കാന്‍ അവിടെ ആരും ഉണ്ടായിരുന്നില്ല .ആ കഷായ   ചെമ്പിലേക്ക് മരുന്നുകള്‍ എല്ലാം ചേര്‍ത്ത്  ,അടുപ്പില്‍ തീയും കൂട്ടി ,അയാള്‍ ഭക്ഷണം കഴിക്കാന്‍ പോയ സമയത്ത് ആയിരുന്നു ഈ അപകടം നടന്നത് .തണുത്ത  വെള്ളം ശരീരത്തില്‍  വീണത്‌ കാരണം ആ പൊള്ളിയ ഭാഗമെല്ലാം  പോളകള്‍ പോലെ പൊങ്ങി .അപകടം കഴിഞ്ഞതില്‍  പിന്നെ  ആ നീറുന്ന വേദന കാണാനുള്ള വിഷമം കൊണ്ട്‌   അവരെ ബുദ്ധിമുട്ടിക്കാന്‍കുറെ നാള്‍  ആരും ആ വീട്ടിലേക്ക് പോകാറില്ല .പാറുവിന്     കുറെ നാള്‍ സ്കൂളില്‍ പോകാന്‍ കഴിഞ്ഞില്ല .അസുഖമെല്ലാം കുറെ ദിവസകള്‍ കൊണ്ട്‌ കരിഞ്ഞു പോയി .ശക്തമായ മരുന്നുകള്‍ ശരീരത്തില്‍   പുരട്ടിയും   ,കഴിച്ചും അവള്‍ വല്ലാതെ ആയിരുന്നു

ഈ അപകടം ഉണ്ടായതില്‍, പിന്നെ ആതിരയുടെ അമ്മ വീട്ടിലെ അവധിക്കലതി  ന്‍റെ നീളം  കുറഞ്ഞു ,അമ്മയുടെ വീട്ടില്‍ പോയാല്‍ കുറച്ച്ദിവസം അവിടെ നില്‍ക്കും .കിച്ചുവിനെയും ,പാറുവിനെയും കണ്ടാല്‍അവരുടെ കൂടെ  പാടത്തും ,പറമ്പിലും നടക്കാന്‍ സാധിക്കാറില്ല ,ഒരുമിച്ച് കളിയ്ക്കാന്‍ ഒരു അവസരം കിട്ടിയിരുന്നില്ല .അവരുടെ വീടിന് മുന്‍പിലെ തുളസി തറയില്‍  വട്ടം  ചുറ്റി നടക്കും .മരുന്നുകള്‍ ഉണ്ടാക്കുന്ന മുറിയിലേക്ക് ഒരിക്കലും പോകാന്‍ കഴിഞ്ഞില്ല .കൂട്ടുക്കാര്‍ തമ്മില്‍ കണ്ടാല്‍ കുറച്ചു സമയം ഡാന്‍സ് കളിയില്‍ തീരും ,  പാറുവിന്‍റെ കാലുകള്‍ കാണുമ്പോള്‍ വിഷമം തോന്നും ,പാറു ,ഡാന്‍സ് കളിക്കുന്നതിനിടയില്‍ കാലിലെ ചെറിയ പാടുകള്‍ ആരും അറിയാതെ മറച്ചു പിടിക്കും .

ആ നനയുന്ന കണ്ണുകള്‍ കാണാതെ യിരിക്കാന്‍ ആതിരയും തിരുവാതിരകളി , അവസാനിപ്പിച്ചു . ആ അപകടത്തിന്റെ വേദന എല്ലാവരുടെയും മനസ്സില്‍ നിന്നും മാഞ്ഞു പോയി .ആതിരയ്ക്ക്  കൂട്ടുക്കാരിയെ വേദനയോടെ കണ്ട ആ വിഷമം ഒരിക്കലും മായാതെ കിടക്കുന്നു .  പ്രിയ ചങ്ങാതി അനുഭവിക്കേണ്ടി  വന്ന ദുഃഖം ഒരിക്കലും വിട്ട് പോകാത്തത് പോലെ .പാറു ,ആ  പൊള്ളല്‍ ഏറ്റ വിഷമം ഈ ജീവിതത്തില്‍ ഓര്‍ക്കാനും ഇടയില്ല  .ഈ വേദന  യുടെ മറുവശം     ആയുര്‍വേദ മരുന്നുകളുടെ ശക്തി ,പാറുവിന്‍റെ  പൊള്ളല്‍ ഏറ്റ ഭാഗത്ത്‌ ഇപ്പോള്‍ ഒരു ചെറിയ പാട് പോലും കാണാന്‍ സാധിക്കില്ല .ഒരിക്കല്‍ പൊള്ളല്‍ ഏറ്റാല്‍ ആ കുട്ടിയുടെ ഭാഗ്യം പോയെന്ന് കേട്ടിട്ടുള്ള ആതിരയുടെ ചെവികളില്‍, പാറൂട്ടി   ഇന്ന് വളരെ സന്തോഷമായി ജീവിക്കുന്ന ഒരു സത്യം കൂടി ആണ് ..........

ഈ തണലില്‍

2011-01-01T13:36:00.000-08:00

ഒരു വര്‍ഷം എത്ര വേഗത്തില്‍ കടന്നു പോയി
പഴയ ഭയങ്ങളും ,മുറിവേറ്റ മനസ്

അപൂര്‍വ ചിന്താഗതികളും
പരിചിതമായി തന്നെ അനുഭവപ്പെടുന്നു .

പുറം തിരിഞ്ഞ് തുഴയുന്ന മനസ്സില്‍
മനം മടുപ്പിച്ച അനുഭവങ്ങള്‍ ,
മുന്‍നിരയിലേക്ക് കടന്നു വരും
വിരസവും ,മുഷിപ്പുമായി
മനസ്സില്‍ കരുതിയ ചിലതൊക്കെ,
കൊള്ളാമെന്നും തോന്നി തുടങ്ങി

ആത്മാവില്‍ തിരി കൊളുത്തിയ സ്നേഹം ,
അപരിചിതവും അപരിഷ്കൃതവും ആണെന്ന്
തോന്നിയതിന്നാല്‍ ,അനാകര്‍ഷകമായി .
മനസിലൂടെ വരുന്ന ചിന്തകള്‍ക്കു കണക്കില്ല .

അവയുടെ തീ പാറുന്ന രൂക്ഷത
ആരുമാരുമറിയാതെ , വിതുമ്പി നോക്കി
അന്യമായ ചിത്രകള്‍ ,ഒന്ന് കൂടി ചേര്‍ത്തു വയ്ക്കാന്‍
മനസ് മന്ത്രിക്കുന്നു .
യാതൊന്നും മനസ്സില്‍ തങ്ങുന്നില്ല    , ജീവനുള്ള ആരെയും കാണ്നുനില്ല  .
ജീവിത യാത്രാ മൌനമായി തുഴഞ്ഞു നീങ്ങാം

യാഥാര്‍ത്ഥ്യത്തില്‍ എത്രയോ അകലെ ആണ്
മുന്പോട്ട് തുഴയുന്ന മനസ്
പിന്നോട്ടുള്ള മടക്ക യാത്രയില്‍  ,
കാണാന്‍ പോകുന്ന വര്‍ണപ്പകിട്ടുകള്‍ ,
അതേ കുറിച്ച് ഓര്‍ക്കാന്‍ ഇഷ്ട്ടപ്പെടുന്നില്ല
വലിച്ച്‌ എറിഞ്ഞ ആശയകള്‍
വീണ്ടും നിശ്ചലമാക്കുന്ന ,പുതു വര്‍ഷദിവസം !

നിത്യശൂന്യത മനസ്സിനെ ,മുറുക്കി പിടിക്കുന്നതിന്
മുന്‍പ് ഈ തണലില്‍ ഓരം ചേര്‍ന്നു ഒന്ന്‌ വിശ്രമിക്കാം .
അവിടെയും സര്‍വ്വത്ര ശൂന്യത !!
ഈ അന്ധക്കാരം  കടന്നു പോകുന്ന വരെ
ഈ കൂട്ടത്തില്‍ കാത്തിരിക്കാം
മനസിലെ ക്ഷോഭം ശമിക്കുമ്പോള്‍ യാത്ര  തുടരാം
ശക്തമായ അടിയൊഴുക്ക് ശാന്തമാവുന്ന വരെ,
പുതിയ ജീവിതത്തിന് വേണ്ടിയുള്ള പരക്കം പാച്ചില്‍
സ്വപ്നം കണ്ട് ഈ കരയില്‍ കാത്തിരിക്കാം   ..............

അമേരിക്കയില്‍ നിന്നും ഒരു ക്രിസ്മസ് സമ്മാനം

2010-12-20T21:59:00.000-08:00

പ്രിയ സുഹൃത്തുക്കളേ, എന്‍റെ കുട്ടിക്കാലത്ത് , എനിക്കുണ്ടായ ചില അനുഭവങ്ങള്‍ അക്ഷരങ്ങളില്‍ പകര്‍ത്താന്‍ ഞാന്‍ നടത്തുന്ന എളിയ ഒരു ശ്രമമാണിത് .അന്നത്തെ ഓര്‍മ്മക്കുറിപ്പുകള്‍ മുഴുവനായും ഉള്‍ക്കൊള്ളാന്‍ മതിയായ വാക്കുകള്‍ എനിക്ക് അറിയില്ല .പിന്‍ തിരിഞ്ഞു നോക്കുമ്പോള്‍ ഇതിന്‌  എന്ത് വിശേഷം എന്ന്  തോന്നും ,എന്നാലും അതിരാവിലെ പക്ഷികളുടെ പാട്ട് കേട്ട് ഉണരുക ,ആകാശത്ത് മിന്നുന്ന താരങ്ങളെ നോക്കി ,ഞാന്‍ പുഞ്ചിരിച്ചും  ,കണ്ണ് ചിമ്മിയും പാതി രാത്രി വരെ ഇരുന്ന നിമിഷകള്‍  . ഇതൊക്കെ ഏറ്റവും ഹൃദ്യമായ ദിനചര്യ പോലെ എന്‍റെ പതിവുകള്‍ ആയിരുന്നു .

ക്രിസ്മസ് എന്ന് പറയുമ്പോള്‍ ഞാന്‍ അറിയാത്ത ഒരു ഇഷ്ട്ടം എന്നെ പിടി കൂടും .മഞ്ഞ് പെയ്യുന്ന രാത്രി ,അതിരാവിലെ പള്ളിയില്‍ നിന്ന്  കേള്‍ക്കുന്ന നല്ല പാട്ടുക്കള്‍ , എല്ലാം ഈശ്വര ബന്ധത്തില്‍ കോര്‍ത്തിണക്കി യിരുന്നു . പതിവുപോലെ ഒരു ക്രിസ്മസ്ക്കാലം ,തറവാട്ടില്‍ ബന്ധുക്കള്‍ എല്ലാവരും അവധിക്ക് വരും  .എന്‍റെ വീട് തറവാടിന് അടുത്ത് ആണ് .അവിടെ മക്കളും, പേരക്കുട്ടികളും എല്ലാവരും കൂടുന്നത് കൊണ്ട് ക്രിസ്മസ് പുല്‍ ക്കൂട് തറവാട്ടില്‍ ആണ് എപ്പോളും ഉണ്ടാക്കുന്നത് . പേരക്കുട്ടികള്‍ എല്ലാവരും കൂടി അവിടെ ക്രിസ്മസ് കൂട് ഉണ്ടാക്കും .ഉണ്ണി ഈശോയെയും കൊണ്ട് കാരോള്‍ വരുമ്പോള്‍ ,പുല്‍ ക്കൂട് ഉണ്ടാക്കാത്ത എന്‍റെ വീട് കാണുമ്പോള്‍ എനിക്ക്  എല്ലാവര്‍ഷവും വിഷമം ആയിരുന്നു  .എന്നാലും ചില വിഷമകള്‍ നമ്മുടെ ഉള്ളില്‍ തന്നെ താരാട്ട് പാടി കൊണ്ടിരിക്കും.

ഇതൊക്കെ ഒരു സ്കൂള്‍ കുട്ടിയുടെ മനസ്സില്‍ നിന്ന്  ആണ് ഞാനിപ്പോള്‍ സംസാരിക്കുന്നത്. അതുപ്പോലെ ഒരു ക്രിസ്മസ് അവധിയ്ക്ക് നാട്ടില്‍ വന്നപ്പോള്‍ ഈ സംഭവം   നടക്കുന്നത് .രാവിലെ പള്ളിയില്‍ കുര്‍ബാന കഴിഞ്ഞ്   വീട്ടില്‍  വന്നപ്പോള്‍  ഈ വാക്കുകള്‍ മായാതെ എന്‍റെ കൂടെ ഉണ്ടായിരുന്നു   ''ആ വര്‍ഷം ആദ്യമായി ഒരു പുല്‍ ക്കൂട് മത്സരം ഉണ്ടാവും . .ഏറ്റവും നല്ല പുല്‍ ക്കൂട് ഉണ്ടാക്കുന്നവര്‍ക്ക് സമ്മാനമായി .500 രൂപ കൊടുക്കും'' .ഞാന്‍ പള്ളിയില്‍ നിന്ന് തറവാട്ടില്‍ വന്നപ്പോളേക്കും  കുട്ടികള്‍ എല്ലാവരും കൂടി ആ വര്‍ഷത്തെ പരിപാടികള്‍ തീരുമാനിച്ചു കഴിഞ്ഞിരുന്നു .ആര്‍ക്കും  സ്വന്തം വീട്ടില്‍ പുല്‍ ക്കൂട് ഉണ്ടാക്കുന്ന കാര്യം തോന്നിയില്ല  . എല്ലാ വര്‍ഷം  തറവാട്ടില്‍ പുല്‍കൂട് ഉണ്ടാക്കും  ,ബാക്കി എല്ലാ വീടുകളിലും നക്ഷത്രവും പല തരത്തില്‍ ഉള്ള , വര്‍ണ്ണ കടലാസുകള്‍ തൂക്കി യിടും ,ഓരോരുത്തരുടെ വീട്ടിലെ വരുമാനം അനുസരിച്ച് അതിന്‌  ഭംഗി കൂടും .

ആ വര്‍ഷവും എന്‍റെ വീട്ടില്‍ പുല്‍ ക്കൂട് ഉണ്ടാക്കുന്ന കാര്യം നടക്കില്ല എന്ന് മനസിലായി . എന്‍റെമനസിലെ  ആശ രണ്ടാമത്തെ ചേട്ടനോട് ഒന്ന് പറഞ്ഞു നോക്കി . എനിക്ക് രണ്ട് സഹോദരന്മാര്‍ ആണ് .അനിയത്തിയുടെ ആഗ്രഹം കേട്ടപ്പോള്‍ തന്നെ ചേട്ടന്‍ സമ്മതിച്ചു .തറവാട്ടിലെ പുല്‍ ക്കൂട് ഉണ്ടാക്കുന്ന പ്രധാന ആള്‍ ചേട്ടന്‍ ആണ് .അവിടെ ഉണ്ടാക്കി കഴിഞ്ഞ് വേണം വീട്ടിലെ ക്രിബ് ഉണ്ടാക്കുന്ന കാര്യം , അത് കൊണ്ട്  സംശയം ആയി ഞാന്‍ കാത്തിരിപ്പ്‌ തുടങ്ങി ... ക്രിസ്മസ് പരീക്ഷ കഴിഞ്ഞ് വീട്ടില്‍ വന്നാല്‍ തറവാട്ടില്‍ ഒരു ആള്‍ പൊക്കത്തില്‍ ഉള്ള പുല്‍ ക്കൂട് ഉണ്ടാക്കലും ,ആയി  പറമ്പില്‍ ആവും എല്ലാവരുടെയും അവധിക്കാലം ...റോഡില്‍ നിന്ന്  ആര്‍ക്കും അവര് ഉണ്ടാക്കുന്നത് കാണാന്‍ കഴിയില്ല . അത് കാണാതെ ഇരിക്കാനുള്ള സംവിധാനം ഒക്കെ അതിന് ചുറ്റും ആദ്യം ഉണ്ടാക്കും .രാത്രിയും ,പകലും പണി എടുത്ത്‌ അവസാനം സുന്ദരമായ പുല്‍ ക്കൂട് ഉണ്ടാക്കി തീര്‍ക്കും .പണിക്കാര്‍ക്ക് അമ്മാമയുടെ വക നല്ല പലഹാരകളും കിട്ടും .

ക്രിസ്മസ് കഴിഞ്ഞാല്‍ എല്ലാവരും കൂടി ഒരു വിനോദയാത്രയും ഉണ്ട് . . ആ വര്‍ഷം പുല്‍ ക്കൂട് ഉണ്ടാക്കുന്ന ആ പരിസരത്തേക്കു ഞാന്‍ പോയില്ല .പണിക്കാര്‍ ഇഷ്ട്ടം പോലെ അവിടെ ഉണ്ട് .ബന്ധു സഹോദരന്മാരും ,സഹോദരിമാരും പണി എടുക്കാന്‍ ഉണ്ട് .അതിനിടയില്‍ ഞാന്‍ അവിടെ ചെന്നാലും ,കാഴ്ച്ച ക്കാരി ആയി നിലത്ത് മണ്ണില്‍ ഇരുത്തും . എന്നിട്ട് വൈക്കോല്‍ ഇട്ട്  മേഞ്ഞ  കൂടിന്  അകത്തേക്ക് ഉറുമ്പ് വരി വരി ആയി പോകുന്നത് നോക്കി ഇരിക്കാന്‍ പറയും    .ഒരു കട്ട്‌ ഉറുമ്പ്നെ  കണ്ട് പിടിക്കുന്നവര്‍ക്ക് അന്ന്  പുല്‍ക്കൂട്ടില്‍    പണിയാം .ചെറിയ കുട്ടികളോട് അവര് ചെയ്തിരുന്ന തമാശകള്‍ ..രാവിലെ മുതല്‍ രാത്രി വരെ അവിടെ ഉറുമ്പ് നെ പിടിക്കാന്‍ ആള്‍ക്കാര്‍ ഉണ്ടാവും .എന്തൊക്കെ വഴക്കും ,പിടിവലി ഉണ്ടായാലും ക്രിസ്മസ് നു മുന്‍പ് തറവാട്ടില്‍ പുല്‍ ക്കൂട് ഉയര്‍ന്നു പൊങ്ങും .

ക്രിസ്മസ് ആവാന്‍ നാല് ദിവസം കൂടി ബാക്കി ഉണ്ട് .എന്നോട് വാക്ക് പറഞ്ഞ ചേട്ടന്‍ ഒന്നും പറയാതെ നടക്കുന്നു .ഞാന്‍ ചോദിച്ചുമില്ല എന്തായാലും പള്ളിയിലെ മത്സരത്തിന് വേണ്ടി തറവാട്ടിലെ പുല്‍ ക്കൂട് ശെരിയാക്കി . ക്രിസ്മസ് ന്‍റെതലേന്ന് അതിരാവിലെ തട്ടും ,മുട്ടും കേട്ട് ആണ് ഞാന്‍ കണ്ണ് തുറന്നത് .എന്‍റെ വീടിന്‍റെ മുന്‍പില്‍ രണ്ട് നീലമാവ് ഉണ്ട് .ഒരു നീല മാവില്‍ കുറെ മാങ്ങ  ഉണ്ടാവും .വീടിനോട് ചേര്‍ന്ന് നില്‍ക്കുന്ന മാവില്‍ ഒരു മാങ്ങ  പോലും ഉണ്ടായിട്ടില്ല .ആ മാവ് കുറെ  വര്‍ഷം ആയി വെറുതെ വീടിന് ചോലയായി  നില്‍ക്കുന്നു .ഞാന്‍ പുറത്ത് വന്നു നോക്കിയപ്പോള്‍ ,ചേട്ടന്‍ആ മാവിന് താഴെ ഒരു കൊച്ചു  പുല്‍ ക്കൂട് ഉണ്ടാക്കുന്നു .കൂടെ ഒരു ബന്ധു സഹോദരനും കൂടി ആണ് എല്ലാം ചെയ്യുന്നത് .വളരെ ചെറിയ വീട് ആണ് ,വൈക്കോല്‍ മേഞ്ഞ ഒരു കാലി തൊഴുത്ത് ,അതേ പൊലിമയോടെ എന്‍റെ വീട്ടിലെ ആദ്യപുല്‍ ക്കൂട് ,അത് ഉണ്ടാക്കി കഴിഞ്ഞ് അതിന് അകത്ത് വയ്ക്കാന്‍ ഉള്ളവരെ തപ്പി ഞാനും ചേട്ടനും കൂടി തറവാട്ടില്‍ ചെന്നു .പുതിയ പുല്‍ക്കൂട്ടില്‍ വയ്ക്കാന്‍ വേണ്ടി അവിടെ എല്ലാം പുതിയത് വാങ്ങിയിരുന്നു .പഴയ ആട്ടിടയന്മാരും ,ഒട്ടകവും ,കാല് ഓടിഞ്ഞ കഴുതയും ആര്‍ക്കും വേണ്ടാതെ അവിടെ കിടപ്പുണ്ട് .  ചേട്ടനും ഞാനും കൂടി  അതെല്ലാം എടുത്ത്‌ കൊണ്ട് വന്നു .തിരു കുടുംബം മാത്രം എന്‍റെ വീട്ടില്‍ നിന്ന് എടുത്തു . പുല്‍ ക്കൂടിന്  അകത്ത്  ചേട്ടന്‍  പുതിയ മിന്നുന്ന വിളക്കുകളും വച്ചു ,ബാക്കി പണി എല്ലാം എന്നോട് ചെയ്തു കൊള്ളാന്‍ പറഞ്ഞു .രാത്രിയില്‍ ആണ് പള്ളിയില്‍ നിന്നും പുല്‍ ക്കൂട് കാണാന്‍ ആളുകള്‍ വരുന്നത് .ആരാണ് വരുന്നത് ,എത്ര പേര്‍ വരും എന്ന് ഒന്നും അറിയില്ല .ഞാന്‍ വീട്ടില്‍ ഇരുന്ന കുറെ ക്രിസ്മസ് തോരണകള്‍ ആ മാവില്‍ തൂക്കി യിട്ടു. കൂടെ വെളുത്ത ഒരു വാല്‍ നക്ഷത്രം അത് ആ വര്‍ഷം പുതിയതായി വാങ്ങിയത് ആയിരുന്നു .,വീടിന്  മുന്‍പിലെ  നീല മാവില്‍ ചുവന്ന പൂക്കളോട് കൂടിയ വേറെ ഒരു നക്ഷത്രവും.

എന്‍റെ അപ്പന്‍ നല്ല വില കൊടുത്ത് വാങ്ങിയ കുറച്ച് ക്രിസ്മസ്  തോരണകള്‍  ഉണ്ട് .അത് ഒരിക്കലും പുറത്ത് ഇടാന്‍ അമ്മ സമ്മതിക്കില്ല .കരോള്‍ നു വരുന്ന കുട്ടികള്‍ അതെല്ലാം പൊട്ടിച്ച്‌ കൊണ്ടു പോകും എന്ന പരാതി ആണ്   .ആ വര്‍ഷം ഞാന്‍ അതെല്ലാം പുറത്ത് മാവില്‍ തൂക്കി യിട്ടു . രാത്രി എട്ട് മണി വരെ കാരോള്‍ ന്‍റെ ആളുകള്‍ വന്നു പോകലും ,ബഹളവും ആയിരുന്നു .അതിനിടയില്‍ പള്ളിയില്‍ നിന്നും കുറച്ച് പ്രായം ചെന്ന ആളുകളും പുല്‍ ക്കൂട് കാണാന്‍ വന്നിരുന്നു .അവരെല്ലാം വന്നു പോയപ്പോള്‍ ഒമ്പത് മണി ആയിരുന്നു .ഇതിനിടയില്‍  തറവാട്ടിലേക്ക് എല്ലാവരോടുംഭക്ഷണം കഴിക്കാന്‍ ചെല്ലാന്‍ പറഞ്ഞു .അവിടേക്ക് പോകുന്നതിനു  മുന്‍പ് അമ്മ എന്നോട് മാവില്‍ തൂക്കിയിരിക്കുന്ന വില പിടിച്ച സാധനകള്‍ എല്ലാം എടുത്ത്‌ അകത്ത് എടുത്ത്  വയ്ക്കാന്‍ പറഞ്ഞു .ഞാന്‍ പുല്‍ക്കൂട്ടില്‍   ഇരുന്ന മാതാവിനെയും ,ഉണ്ണി ഈശോയെയുംഎല്ലാം എടുത്ത് അകത്ത് വച്ചു , എന്നിട്ട് സമാധാനമായി തറവാട്ടില്‍ പോയി.

ഒരു പത്ത് മണി ആയപ്പോള്‍ ,പള്ളിയിലെ അച്ചനും ,കൂടെ രണ്ട് മൂന്ന് പേരും കൂടി .തറവാട്ടിലെ പുല്‍ ക്കൂട് കാണാന്‍ വന്നു .അവര്‍ അത് കണ്ട് അടുത്ത വീട്ടിലേക്ക് നടക്കുന്ന സമയത്ത് ,അപ്പാപ്പനോട് പറയുന്ന കേള്‍ക്കാം .വളരെ നല്ല മത്സരം ആണ് ,എല്ലാവരും വളരെ നല്ല പുല്‍ക്കൂടുകള്‍  ,ഉണ്ടാക്കിയിട്ടുണ്ട് .ഇനി കുറച്ച് വീടുകള്‍ കൂടി പോയി കാണാന്‍ ബാക്കി ഉണ്ട് . .അത് കേട്ടപ്പോള്‍ ആണ് എനിക്ക് കാര്യം മനസിലായത് . മത്സരത്തിന് മാര്‍ക്ക്‌ ഇടാനുള്ള ആളുകള്‍ വരുന്നതേ ഉള്ളു .ഞാന്‍ വേഗം വീട്ടിലേക്ക് ഓടി എങ്കിലും  അവര് അതിന് മുന്‍പ് വീട്ടില്‍ എത്തി പോയി .പള്ളിയിലെ  അച്ചന്‍ വീടിന്‍റെ ഗേറ്റ് കടന്ന് പുല്‍ക്കൂട്ടില്‍ നോക്കിയപ്പോള്‍ ഒന്നും കാണുനില്ല    ,എന്നിട്ട് അപ്പനെ നോക്കി കാര്യമായ ഒരു തമാശയും ..മക്കള്‍ ബോര്‍ഡിംഗ് സ്കൂളില്‍ നിന്നും വരുമ്പോള്‍ ഇതൊക്കെ അറിയുന്ന കുട്ടികള്‍ ആണെന്ന് ആണ് ഞാന്‍ വിചാരിച്ചത് .പാവം അപ്പനും ,അമ്മയും ഇതിലും വലിയ നാണക്കേട്‌ ഉണ്ടോ ?അപ്പന്‍ അത് കേട്ട് ചിരിച്ചു .
അച്ചന്‍ പോയികഴിഞ്ഞപ്പോള്‍ എന്നോട്കടുത്ത സ്വരത്തില്‍ ഒരു ചോദ്യം ? രാവിലെ മുതല്‍ കൂടിന്  അകത്ത് കയറി ഇരുന്നിട്ട് അതൊക്കെ  വയ്ക്കാനുള്ള സമയം കിട്ടിയില്ല അല്ലേ ? എന്‍റെ മനസ്സില്‍ ഉണ്ണി ഈശോ നേരത്തെ ജനിച്ചു , നല്ല ഉറക്കം ആയി എന്ന് പറയാന്‍ എനിക്ക് തോന്നി യിരുന്നു .പിന്നെ ഒന്നും മിണ്ടാതെ തറവാട്ടിലേക്ക് പോയി .....

ആ വര്‍ഷത്തോടെ എന്‍റെ വീട്ടില്‍ ക്രിസ്മസ് പുല്‍ ക്കൂട് എല്ലാ വര്‍ഷം  ഉണ്ടാക്കും .വില പിടിപ്പുള്ള സാധനകള്‍ എല്ലാം പുറത്ത് തന്നെ തൂക്കും .ഓരോ വര്‍ഷം കാരോള്‍നു  വരുന്ന കുട്ടികള്‍ ഓരോന്ന് ആയി പൊട്ടിച്ചു  ,എല്ലാ സാധനകളും  തീര്‍ന്നു  .ഇപ്പോള്‍ പുല്‍ക്കൂട്‌  ഉണ്ടാക്കാന്‍ ആരും വീട്ടില്‍ ഇല്ല .അമ്മയും അപ്പനും മുന്‍വശത്തെ നീലമാവില്‍ മുടങ്ങാതെ നക്ഷത്രം  തൂക്കും  .പുല്‍ക്കൂട്‌ഉണ്ടാക്കിയ  ആ നീല മാവില്‍ കുറെ മാങ്ങകളും ഉണ്ടായി .മക്കള്‍ എല്ലാം ഓരോ അവധിക്ക്  നാട്ടില്‍ വരുന്നത് നോക്കി യിരിക്കുന്നു .കാത്തിരിപ്പ് എല്ലാവര്‍ക്കും പരിച്ചയം ഉള്ള വിഷയം ആണ് .അത് കൊണ്ട് നേരില്‍  കാണുമ്പോള്‍ എന്നും ഒരു പുതുമ ഉണ്ട് .  വര്‍ഷങ്ങള്‍ക്ക് മുന്‍പ് എന്‍റെ വീട്ടില്‍ പുല്‍ ക്കൂട് ഉണ്ടാക്കിയപ്പോള്‍ ,എനിക്ക്  തോന്നിയ എന്‍റെ സന്തോഷം ഒരിക്കലും മറക്കാന്‍ സാധിക്കില്ല ..

ലണ്ടനില്‍ ആയിരുന്നപ്പോള്‍ ,ക്രിസ്മസ് ക്കാലം എപ്പോളും വീടിന് അകത്ത് ഭക്ഷണം ഉണ്ടാക്കലും ,സമ്മാന പൊതികള്‍ തുറക്കുന്ന തിരക്കുമായി കടന്നു പോയി .അതിന് കാരണം കൊടും തണുപ്പില്‍ വേറെ കാര്യമായി ഒന്നും ചെയ്യാന്‍ ഇല്ലായിരുന്നു .വീടിന് അകത്ത് ക്രിസ്മസ് ട്രീ ഉണ്ടാക്കി വയ്ക്കും .അത് ഒരു വര്‍ഷവും മുടക്കിയിട്ടില്ല ..അമേരിക്കയിലേക്ക്‌ വന്ന സമയം ക്രിസ്മസ് വിളക്കുകളുമായി വരവേറ്റ തെരുവുകള്‍ ആദ്യം കണ്ടപ്പോള്‍ നാട്ടില്‍ കൂടി പോകുന്ന ഒരു അനുഭവം ആയിരുന്നു .അമേരിക്കയിലെ പള്ളിയില്‍ പോയപ്പോള്‍ അത് പോലെ ഒരു ഞെട്ടല്‍കൂടി ഉണ്ടായി .''പള്ളി നിറച്ചും ആളുകള്‍,യാതൊരു മടിയുമില്ലാത്ത ,വില കൂടിയ ക്രിസ്മസ് സമ്മാന പൊതികളുമായി വരുന്ന വെള്ളക്കാര്‍ .ഇത്രയും വിശ്വാസം ഉള്ളവര്‍ ഈ രാജ്യത്ത് ഉണ്ടെന്ന് നേരിട്ട് കണ്ടപ്പോള്‍ അത് വളരെ നല്ല കാര്യം ആയി തോന്നി. എന്‍റെ വിശ്വാസത്തെ , ഓരോ ദിവസം കഴിയുമ്പോള്‍ അളവുക്കോലും പിടിച്ച് ഞാന്‍ പള്ളിയില്‍ നില്‍ക്കുമ്പോള്‍ , മുന്‍പില്‍ മുട്ട് കുത്തി കൈകള്‍ കൂപ്പി പ്രാര്‍ത്ഥിക്കുന്ന വരെ കാണുമ്പോള്‍ അറിയാതെ എന്‍റെ കണ്ണുകള്‍ അടഞ്ഞു പോകുന്നപോലെ എനിക്കും തോന്നുന്നു .ഈ പുതിയ ജീവിതം ,രീതിക്കള്‍ ,കാലാവസ്ഥയും എല്ലാം വീര്‍പ്പ് മുട്ടുന്നപോലെ തോന്നിയാലും ,അതിനിടയില്‍ യാത്രകളുടെ വഴി വിളക്ക് തെളിയുന്നത് കാതോര്‍ത്തിരിക്കുന്നു ..
ഈ ക്രിസ്മസ് ആയിട്ട് അമേരിക്കയില്‍ ഞാന്‍ കണ്ട കുറച്ച് നല്ല കാഴ്ച്ചകള്‍ എല്ലാവര്‍ക്കുമായി ഇവിടെ ചേര്‍ക്കുന്നു ...

ഓരോ വീടുകളുടെ മുന്‍പില്‍ ഉണ്ടാക്കി വച്ചിരിക്കുന്നത് ആണ് .

എല്ലാവര്ക്കും എന്‍റെ സ്നേഹം നിറഞ്ഞ ക്രിസ്മസ് ,പുതു വര്‍ഷ ആശംസകളും ........