Monday, 26 July 2010

''രാജ്ഞിയുടെ കടലിലെ കൊട്ടാരം''..(scotland- part 4)


സ്കോട്ട് ലാന്‍ഡില്‍ ഇത് മൂന്നാം ദിവസം ആണ് .തലേ ദിവസം കണ്ട falls of dochart ആയിരുന്നു രാത്രി മുഴുവന്‍ മനസിലും .,ആരും അറിയാതെ ഞാന്‍ ആ ഭൂമിയെ  ഒന്ന് കൂടി ചേര്‍ത്ത് പിടിച്ചു തന്നെആണ്  ഉറക്കം ആരംഭിച്ചതും . .പൂര്‍ണമായ ഒരു സ്വപ്നം കണ്ടു തീര്ന്നതുപോലെയും ആയിരുന്നു രാവിലെ കണ്ണ് തുറന്നപ്പോളും      . നല്ല ഉറക്കവും  കിട്ടി എന്നും പറയാം ..ഇന്ന് ''രാജ്ഞിയുടെ കടലിലെ  കൊട്ടാരം  കാണാന്‍ ആണ് പരിപാടിയും .ഞാന്‍   താമസിക്കുന്ന ഹോട്ടലില്‍ നിന്നും അത്നല്ലപോലെ  കാണാന്‍  സാധിക്കും . രാവിലെ ,കൈയില്‍ ഒരു ചായയുമായി ആ കണ്ണാടി ചില്ലിനു  അടുത്ത് നില്‍ക്കുമ്പോള്‍ മനസ്സില്‍ കുളിര് കോരിയിടാന്‍  കുറച്ചു നല്ല കാഴ്ചകളും കാണാന്‍ ഇട ആയി ..




                                                            ROYAL BRITANNIA രാത്രിയില്‍ ..









ഒരു തുറമുഖം വളരെ അടുത്ത് നിന്ന്  കാണാന്‍  കഴിഞ്ഞു .നല്ല വെയില്‍ ഉള്ള ഒരു ദിവസം  ആയിരുന്നു .അത് കൊണ്ട് ഈ കാഴ്ചകള്‍ അതേ ഭംഗിയോടെ കണ്ടതുപോലെ  തോന്നി .കഴിഞ്ഞ രണ്ടു ദിവസം  മഴയുമായി യാത്രയുംകുറച്ചു ബുദ്ധിമുട്ട്  ആയിരുന്നു . .ഇനിയുള്ള ദിവസം മഴ പതുക്കെ വഴി മാറി പോകണം എന്ന്  മനസ്സില്‍  നല്ല ആശ  ഉണ്ട്  .മഴയും തണുപ്പുമായി ഇതൊക്കെ കാണുന്നത് വളരെ ബുദ്ധിമുട്ട് തന്നെ .കുട്ടികളുംവല്ലാതെ  മടുക്കും .,അവരുടെ കൂടെ കുടയും ചൂടി നടക്കുന്ന പ്രയാസം വേറെയും .അവര്‍ക്ക് മഴ എന്ന് പറഞ്ഞാല്‍ നനയാന്‍ ഉള്ളത്  ആണ് .നമുടെ പോലെ കുട കൈയില്‍ പിടിക്കണം  എന്ന് സ്കൂളില്‍ പോലും പറഞ്ഞു കാണുമോ ആവോ?











താഴെ കാണുന്നത്  ആണ് രാജ്ഞിയുടെ കൊട്ടാരം  .അവിടേക്ക് എല്ലാവര്ക്കും സ്വാഗതം .,കാലം എത്ര കഴിഞ്ഞാലും അതേ തിളക്കത്തോടെ ,എല്ലാവരെയും മാടി വിളിക്കുന്ന  THE  ROYAL YACHT BRITANNIA .സഞ്ചരിക്കാത്ത വഴികളും കുറവ് ആയിരിക്കും . .പോയിരിക്കുന്ന വഴികളില്‍   എല്ലാം അതേ രാജകിയ      സ്ഥാനത്തില്‍ തന്നെ .ലോകം മുഴുവന്‍  അറിയുന്ന Britannia    രാജ്ഞിയുടെ,കൂടെ 44 വര്ഷം ആണ്  യാത്ര  ചെയ്തതും .വളരെ കുറച്ചു സമയം മാത്രം ആണ്  എലിസബത്ത് രാജ്ഞിയുടെ  കണ്ണ് നിറഞ്ഞ കണ്ടിരിക്കുനത്   .അതില്‍ ഒന്നു ഈ സംഭവം ആയിരിക്കാം .  .1997  റോയല്‍ ബ്രിട്ടാനിയ PORTSMOUTH   ലേക്ക് കൊണ്ട് വരുന്ന സമയത്ത് ആയിരുന്നു ..താഴെ ഉള്ള  ഫോട്ടോ കണ്ടാല്‍ അത് കണ്ടു നിന്നവര്‍ക്ക് അതുപോലെ തോന്നാം എന്ന് എനിക്ക്  തോന്നി ...(On 11 December 1997 Britannia was decommissioned at Portsmouth Naval Base in the presence of The Queen and royal family



THE ROYAL YACHT BRITANNIA






ഷിപ്പ് നു അകത്തു കയറുന്നതിന്  മുന്‍പ്  ഞാന്‍ എടുത്ത കുറച്ചു നല്ല ഫോട്ടോകളും താഴെ  ചേര്‍ക്കുന്നു ...അതിനു അകത്ത്  കയറുന്ന വരെ ഇതുപോലെ ഒരുപാടു ഫോട്ടോസ് കാണാന്‍  സാധിക്കും .














                                       

ഇത് ഫോട്ടോ അല്ല ,ശരിക്കും ഉള്ളത് തന്നെ ..
ഇവിടെ  വിശ്രമിക്കുന്നു ..യാതൊരു തിരക്കും ഇല്ലാതെ .




                                  




             


എത്രയോ പേരുടെ സേവനം ഈ ഷിപ്പില്‍ ഉണ്ടായിരുന്നു കാണും .44 വര്ഷം ഓടിയിട്ടും ഇപ്പോള്‍  കാണുമ്പോള്‍ പുത്തന്‍ ആയി തന്നെ ഇരിക്കുന്നു .
ഇതൊക്കെ ഞാന്‍ ടെലിവിഷന്‍ ലും  ,പുസ്തക താളിലും ആണ്
കണ്ടിരിക്കുന്നത്  .ആദ്യം സത്യം തന്നെ ആണോ  എന്ന് അറിയാന്‍  താഴെ ഒന്നു കൂടി ചവിട്ടി നോക്കും .പിന്നെ ആവും നടപ്പ് ആരംഭിക്കുന്നതും  ...



                               


ഈ ഷിപ്പ് നു അകത്ത്  എന്ത് ആവും നമ്മള്‍ കാണാന്‍  പോകുന്നത് ,എന്ന ചോദ്യവുമായി ആണ് ഞാന്‍ പത്തു വര്ഷം മുന്‍പ്  ഇത് കാണാന്‍  വന്നത് . ആ സമയം ഡിസംബര്‍ മാസവും ആയിരുന്നത് കൊണ്ട്   .കൊടും തണുപ്പ്  ആയിരുന്നു  ,ആ ഇരുട്ടില്‍ ഒന്നും നല്ലതായി തോന്നിയും ഇല്ല .എല്ലാം ഇരുട്ടില്‍ ആയതു  കൊണ്ട് ഒരു ഇഷ്ട്ടവും തോന്നിയും ഇല്ല .
ആ യാത്രയില്‍  ഒരു ഫോട്ടോ പോലുംഞാന്‍  എടുത്തതുമില്ല . . ഈ ഒരു യാത്രകൂടി  എനിക്ക് ഉള്ളത് കൊണ്ട് ആവാം അന്ന് ഒരു ഫോട്ടോ പോലും  എടുക്കാതെ  തിരിച്ചു പോന്നത്  എന്ന് ഇപ്പോള്‍ തോന്നുന്നു . ഈ യാത്രയില്‍ ഷിപ്പിന്  അകത്തു  കയറുന്നതിന്  മുന്‍പ് ഞാന്‍ ഒന്ന് തിരിഞ്ഞു നോക്കിയതുപോലെയും   എനിക്കും തോന്നി .കാരണം രാജ്ഞിയുടെ യാത്ര പറയലും അത് കണ്ടു ആര്‍ത്തു വിളിക്കുന്ന ജനത്തെ ഞാന്‍  ഒന്നു  കൂടി മുന്‍പില്‍ കണ്ടു  ,ഒരു ചെറിയ ഇരമ്പല്‍  കേട്ടതുപോലെയും .... അവരൊക്കെ നടന്ന വഴികളില്‍ കൂടി ഞാനും ഒരു യാത്ര നടത്തുന്നു,ഇതൊക്കെജീവിതത്തില്‍ വലിയ  സന്തോഷം ഉള്ള കാര്യം തന്നെ . .എല്ലാം   നല്ല വെളിച്ചത്തില്‍ കാണുമ്പോള്‍ മനസിനും  ഒരു തുള്ളിച്ചാട്ടം . .നല്ല വെയില്‍ ആയതു കൊണ്ട്  ബ്രിട്ടാനിയയുടെ ഓരോ കോണിലും നമ്മുടെ കണ്ണുകള്‍ എത്തും .അന്ന് അവര് ഉപയോഗിച്ചിരുന്നഎല്ലാം അതുപോലെ തന്നെ ഇവിടെ കാണാം . .കപ്പല്‍ ഇവിടെ വിശ്രമിക്കുന്നത്  ഒരു നല്ല ലക്ഷ്യത്തോടെയും ആണ് .  ,എവിടെ വേണമെങ്കിലും ഫോട്ടോയും എടുക്കാം .കപ്പിത്താന്‍ ടെ മുറിയും അതില്‍  അവര് വായിച്ചു തീര്‍ത്ത  ന്യൂസ്‌ പേപ്പര്‍ വരെ കാണാം  .അതൊക്കെ വളരെ രസകരമായും തോന്നി .

 






                                          


        



              






              


ഇതില്‍ പോലും റോയല്‍ ഫാമിലി തെളിഞ്ഞു തന്നെ നില്‍ക്കുന്നു .താഴെ കാണുന്നത് രാജ്ഞിയുടെ കാര്‍ ആണ് . രാജ്ഞി ,ഓരോ വിശേഷ അവസരത്തില്‍ ,കപ്പലില്‍ യാത്ര ചെയുമ്പോള്‍ ഒന്നു  കരയില്‍ ഇറങ്ങുവാന്‍  തോന്നിയാല്‍ അവിടെയും സ്വന്തം കാറില്‍ ത്തനെ യാത്ര ചെയ്യാം .കാര്‍  കണ്ടപ്പോള്‍  മാത്രം എന്‍റെ മകളും   എന്നോട് ഒരു സംശയം ചോദിച്ചു .എന്തിനു ഈ കാര്‍ ഇവിടെ ഇട്ടു വെറുതെ നശിപ്പിക്കണം ? .നാശം എന്നത് അതില്‍  സൂക്ഷ്മ ദര്ശിനി വച്ചു  നോക്കിയാല്‍പോലും കാണാന്‍ സാധിക്കില്ല .എന്ന്  ആ കുഞ്ഞു മനസ്സില്‍ അറിയാത്ത കാര്യവും ആണ് ...













ഇതൊക്കെ വായിച്ചു നടക്കുമ്പോളും എന്‍റെ മനസ്സില്‍ എലിസബത്ത് രാജ്ഞി   ഇന്നും ചിരിച്ചു കൊണ്ട് ജീവിക്കുന്ന  രാജ്ഞി തന്നെ .പ്രതാപവും ,ഭാഗ്യവും ഒരുമിച്ചു ഒരേ കൈ കൊണ്ട്  അമ്മാനം ആട്ടുന്ന   ഒരു ആളായും എനിക്കു തോന്നും .കടമകളും ഒന്നും മറക്കാതെ  രാജ്യത്തിനു വേണ്ടി ജീവിക്കുന്ന ഒരു പ്രതിഭ തന്നെ .





                            


ഞാനും ഈ വഴികളില്‍ കൂടി ഒന്നു നടന്ന്‌ നോക്കാം .ആരൊക്കെ നടന്നതും ആവാം .മോന്   എന്‍റെ പോലെ കുറച്ചു  ഇഷ്ട്ടവും കൂടെ ഉണ്ട് .യാത്ര ചെയ്താലും അതൊക്കെ ഓര്‍ത്തു ഇടയ്ക്കു ചോദിക്കും .പലതും അവന്റെ ഓര്‍മ്മയില്‍   നിധി പോലെ സൂക്ഷിക്കുന്നപോലെ  ,ഒരു സംശയം എന്നിലും ബാക്കി നില്‍ക്കുന്നു ..ഒരു നാല് വയസുകാരന് ഇത് ഒന്നും ഓര്‍മ ഉണ്ടാവില്ല എന്ന് ഉറപ്പ് പറയാനും വയ്യ ....


ഈ മുറികള്‍ എല്ലാം കപ്പല്‍ ജോലിക്കാര്‍ക്ക്  വേണ്ടി  ആണ്








വെള്ള നിറത്തില്‍ കിടക്ക വിരിച്ചിരിക്കുന്നത്  എലിസബത്ത് രാജ്ഞിയുടെ മുറി,
 .ചുവന്ന നിറത്തില്‍ ഉള്ളത് പ്രിന്‍സ് ഫിലിപ്പ് ഉപയോഗിക്കുന്ന മുറിയും  .രണ്ടുപേരുടെയും  മുറികള്‍ അടുത്ത് ആണ് . .അതിനു ഇടയില്‍ കൂടി ഒരു വാതിലും ഉണ്ട് .എന്ത് കൊണ്ട് അവര്‍ ഒരേ  മുറിയില്‍ ഒരുമിച്ചു കിടക്കുന്നില്ല . ..,എന്ന് ചോദിച്ചാല്‍ എനിക്ക് അറിയില്ല .അത് എല്ലാവരുടെയും മനസ്സില്‍ വരുന്ന ചോദ്യവും ആണ് .കൊട്ടാരത്തില്‍ അവര് എവിടെ കിടക്കും എന്ന് നമ്മള്‍ ചോദിക്കുന്നതിനു ഒരു അര്‍ത്ഥം  ഉണ്ട്  . ഈ മുറിയുടെ അടുത്ത് തന്നെ ഒരു ഡബിള്‍  ബെഡ് ആയിട്ടുള്ള  ഒരു മുറിയും ഉണ്ട് .അവിടെ ആണ് പ്രിന്‍സ് ചാള്‍സ് .ഡയാന രാജകുമാരിയും  കിടന്നിരുന്നതും .റോയല്‍ ഫാമിലിയില്‍ ഉള്ള  പ്രിന്‍സ് ചാള്‍സ്, പ്രിന്‍സ് വില്ലിം, പ്രിന്‍സ് ഹാരി എല്ലാവരും  യാത്ര ചെയുന്നത് പോലും രണ്ടു വിമാനത്തില്‍ ആണെന്ന് ഞാന്‍ വായിച്ചിട്ടും ഉണ്ട് .രണ്ടു അടുത്ത മുറികളില്‍ കിടക്കുന്നതും ഒരു  കാരണവും ഉണ്ടാവണം എന്നുമില്ല .ചിലപ്പോള്‍ അവരുടെ ഇഷ്ട്ടവും ആവാം ...









ഇത് ആണ് രാജ്ഞിയുടെയും ,കുടുബത്തിന്റെയും സണ്‍ റൂം എന്ന് പറയാം .പുറത്തു കടല്‍ കാഴ്ചകള്‍  കാണാന്‍  ,വെയില്‍ കൊണ്ട് വിശ്രമിക്കാനും ഉള്ള മുറി ആണ് .ഇത് വഴി പുറത്തേക്കു ഇറങ്ങുവാന്‍   കഴിയും .










ഒരുപാടു വിലപിടിപ്പു ഉള്ള  പലതും ഷിപ്പിന്   അകത്തു  ഉണ്ട് .പല സ്ഥലത്തും നിന്നും  കിട്ടിയിരുന്ന വെള്ളി  യും ,ഗ്ലാസ്‌ കൊണ്ടുള്ള പല വസ്തുക്കളും, കാണാന്‍ കഴിയും  


  










ഇത് ആണ് രാജ്ഞിയുടെ വിരുന്നു ക്കാര്‍ക്ക് ഉള്ള മുറി ..ഒരുനിമിഷം ആരും വരാതെ ഈ മേശ മുഴുവനായും  എന്‍റെ ക്യാമറയില്‍ പതിഞ്ഞു . .അതുകൊണ്ട് ഈ ഫോട്ടോ  എടുക്കുവാന്‍ സാധിച്ചു ..











                                      



  നല്ല ഒരു അനുഭവം ആയിരുന്നു ഈ  മുറിയില്‍ .രാജ്ഞിയുടെ കൂടെ ഈ മേശയില്‍ ഇരുന്നു ഭക്ഷണം കഴിച്ചവരുടെ പേരുകള്‍ കുറച്ചു വായിച്ചപോള്‍ തന്നെ ഞെട്ടല്‍ ആയിരുന്നു .ഇതിന്റെ  ഒരു വശത്ത്  ആയി കുറച്ചു കസേരകള്‍ മാറ്റി ഇട്ടിട്ടും ഉണ്ട് .ഞാന്‍ അതില്‍ കുറച്ചു നേരം വെറുതെ  ഇരുന്നു .മോനെ മടിയില്‍ വച്ചു ത്തനെ  .ആരൊക്കെ ഇരുന്ന കസേര ആവും എന്ന് ഓര്‍ത്തു ആയിരുന്നു ഇരിപ്പും .







ഈ മുറി എന്തിനു  ആണെന്ന് എടുത്തു പറയേണ്ട ആവശ്യം ഉണ്ടെന്നു തോന്നുന്നില്ല  









മുകളിലേക്കുള്ള ഗോവണി പടികള്‍ ആണ് .ഇവിടെ നിന്നും താഴേക്ക്‌ ഇറങ്ങുമ്പോള്‍ അവിടെ ആണ് ഷിപ്പ് ലെ ജോലിക്കാര്‍ക്കും ,എല്ലാവര്ക്കും ഉള്ള മുറികളും . മൂന്ന് നാല് പേര്‍ക്ക് ഒരുമിച്ചു കിടക്കാന്‍ പറ്റുന്ന ചെറിയ മുറികള്‍ ആണ് .അതിനു അടുത്തായി
ഒരു നല്ല  fudge ഷോപ്പ് ഉണ്ട് .അതിനു അടുത്ത് എത്തുന്ന വരെ  ഈ fudge  ടെ  നല്ല മണം ആണ് .








അവിടെ നിന്നും കുറച്ചു നല്ല fudge വാങ്ങി .കാര്യമായ വിലയും ഇല്ല .എല്ലാവരും  വാങ്ങുന്നതും കണ്ടു .രുചി എന്തായാലും നല്ലത് ആവും എന്ന് നല്ലപോലെ അറിയാം
.

 എന്നാലും റോയല്‍ ഫാമിലി കഴിക്കുന്നത്‌  നമുക്കും  വാങ്ങാം എന്ന് പറഞ്ഞു അത് വാങ്ങുന്ന ഇംഗ്ലീഷ് ക്കാരെയും   ഞാന്‍ അവിടെ കണ്ടു  .









ഇവിടെ എല്ലാം ഒരു വിശദീക്കരണം ആവശ്യം ഉണ്ടോ എന്നും അറിയില്ല .






ഈ പ്രതിമ കുറച്ചു ദൂരെ ആയി കണ്ട ഒരു അതിശയം ഷമിന്‍ ടെ ക്യാമറയില്‍ പതിഞ്ഞതും ആണ് .നമ്മുടെ നാട്ടില്‍ പുതിയ വീടിനു മുന്‍പിലും  ,പാടത്തും  , ഒക്കെ കണ്ണ് കിട്ടാതെ ഇരിക്കാന്‍ ഇതുപോലെ  പലതും     കണ്ടിട്ടുണ്ടല്ലോ ?അതുപോലെ ഇംഗ്ലീഷ് ക്കാര്‍  വയ്ക്കുന്നതും ആവാം ഈ പ്രതിമയെ,ബ്രിട്ടാനിയ  ക്ക് കണ്ണ് കിട്ടാതെ ഇരിക്കുവാന്‍ .( ഞാന്‍ ഒരു തമാശ പറഞ്ഞത്  ആണ്   . )

ഇതൊക്കെ ഒരു മലയാളീയുടെ കണ്ണിലെ ഇതുപോലെ പെടാന്‍ സാധ്യത ഉള്ളു .അത്രയും ദൂരെയും ആണ് ഈ പ്രതിമ നില്‍ക്കുന്നതും .അത് കണ്ടു കഴിഞ്ഞു താഴെ വരുമ്പോള്‍ കണ്ടത്  
  ഷിപ്പ് ടെ ENGINE  റൂം ആണ് . .അത് കാണാന്‍ ആര്‍ക്കും വലിയ താല്‍പര്യവും ഇല്ലായിരുന്നു .കാരണം  എന്‍റെ കൂടെ ,ഷമിനും അപ്പനും   രണ്ടുപേര്‍ എഞ്ചിനീയര്‍ മാര്‍ ആയതു കൊണ്ടും ആണ് . അതില്‍ കാര്യമായി  ഒന്നും ഉണ്ടാവില്ല എന്നും ആണ് അവര് പറയുന്നത് ഷിപ്പ് എന്തായാലും 44    വര്ഷം   ഓടിയല്ലോ ,ഇനി എന്ത് തകരാറ് കണ്ടുപിടിക്കാന്‍ കഴിയും?
 ഒരു നീണ്ട   നടപ്പും കഴിഞ്ഞത് കൊണ്ട് എല്ലാവരും മടുത്തു എന്നും പറയാം . പുറത്തേക്കു  ഇറങ്ങുന്നതിന്   മുന്‍പ് ഈ കടയിലും എല്ലാവരും കൂടി കയറി.






ഈ  കടയിലും കുട്ടികളുടെ കൂടെ നടന്നു . ഓരോ സാധനത്തിനും  നല്ല വിലയും ഉണ്ട് . എന്നാലും ചെറുത്‌ വല്ലതും കിട്ടിയാല്‍ കൊള്ളാം എന്ന് ഒരു മോഹവും ഉണ്ട് .അവസാനം കൈയും ,മനസും ചെന്ന്  പിടിച്ചതുംഒരു കീ ചെയിന്‍ . തൊപ്പി യുമായി ഈ വേഷത്തില്‍ ഉള്ള ഒരു കൊച്ചു teddy   അതില്‍  കിടന്നു ആടുന്നു ..മെറ്റല്‍  കൊണ്ട് ഉള്ളതും ആണ് .അത്  വാങ്ങി .

ഈ കാഴ്ചകള്‍  ഒന്നും   ഓര്‍മയില്‍ നിന്നും മാഞ്ഞു പോകുന്നത്  അല്ല .എന്നാലും നമുടെ മറവിയുടെ തലം ആര്‍ക്കും അറിയുക ഇല്ല .കുട്ടികള്‍ എങ്കിലും ഇതൊക്കെ കാണുബോള്‍ ഓര്‍ക്കണം   .അവര് വാങ്ങിയ കളര്‍ പെന്‍സിലും ,പേപ്പറും എല്ലാം നിമിഷം കൊണ്ട് തീര്ന്നുപോയാലും   .അമ്മ വാങ്ങിയ
ഈ കീ ചെയിന്‍ എന്നും വീട്ടില്‍ ഉണ്ടാവണം.അമ്മയുടെ ഓര്‍മ ക്ക് അല്ല.. ഒരു നല്ല ദിവസത്തിന്റെ ഓര്‍മയ്ക്ക് വേണ്ടി തന്നെ  . ഒരു നല്ല യാത്ര യുടെ  സന്തോഷത്തില്‍    .BRITANNIYA യോടും ഞാന്‍ വിട പറഞ്ഞു ..
നഗരത്തിന്റെ തിരക്കിലേക്ക്അടുത്ത ദിവസം  ഇനിയും തുടരും .......


       

Friday, 16 July 2010

ഇതും എന്‍റെ സ്വന്തം




എന്‍റെ വീട്ടില്‍,  അപ്പന്റെ സ്വത്ത് ആണ് ഈ കാണുന്നതും ..ഒരേ  ഒരു തെങ്ങില്‍
മാത്രം തേങ്ങ ഉള്ളു ...ബാക്കി എല്ലാം വെറുതെ
നില്‍ക്കുന്നു .(ചെന്തെങ്ങ്
എന്ന് പറയും ,നല്ല കരിക്ക് കുടിക്കാം )



                                                              എന്‍റെ പ്രിയ പുഴ !!!!!!!!!!!!!





                                                                ഈ പുഴ  ശാന്തമായി തന്നെ ഒഴുകുന്നതും !!!




                                                                  എന്‍റെ പേടി മാറി ........................



                                                   കാത്തു നില്ക്കാന്‍ വയ്യ ........





                                     നമുക്ക് കിട്ടിയ ഭാഗ്യം..... ഒരു ദിവസം എങ്കിലും നമ്മുടെ മക്കളും അനുഭവിക്കും ,എന്ന് ആണ് എന്‍റെ വിശ്വാസം ..

 



                                                     എന്‍റെ വീടിന്റെ പുറകില്‍ കൂടി ഒഴുകുന്ന പുഴ  .ഇതിനു മാത്രം ഒരു മാറ്റവും ഇല്ല .ശാന്തമായി ഒഴുകി കൊണ്ടിരിക്കുന്നു .........





                                       ഇത് എന്‍റെ ഇവിടത്തെ വീട്ടിലെ എന്‍റെ പ്രിയ കൂട്ടുക്കാരും










നീന്നോട്   ഞാന്‍ എന്ത് പറയാന്‍ ......





വാടി ഇരുന്നാലും നീ സുന്ദരി തന്നെ !!!




ചുവപ്പില്‍ നീ തന്നെ മിടുക്കി ........







നിനക്ക് ഒരു കാട്ടു റോസിന്റെ ഭംഗിയും ......




ചെറിയ പിണക്കം ആണ്




ഇനിയും വിടരാന്‍ മടി തന്നെ ......